PRU MAT 8:4 - Jinghpaw Common Language Bible 2009

⁴ Dai shu ni gaw nang hta mung, na a amyu masha ni hta mung, na a du salang ni yawng hta mung gumjawt lung wa na mara ai.’”

Jinghpaw Hanson Version Bible

⁴ dai shu ni gaw nang hta mung, na amyu masha ni hta mung, na agyi salang ni yawng hta mung lung wa na mara ai, ngu u,” ngu nna tsun wu ai.

PRU MAT 8:4 ပူးပေါင်းရင်းမြစ်များ

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

SHAKAWN KUNGDAWN 107:40

shanhte a ntsa e, dip gamyet sha nga ai ni hpe shi matsat kau nga ai lam hpe madun dan nna; shanhte hpe lam n hku ai katsi katsang re ai nam mali de brak hkawm shangun mu ai.

PRU MAT 10:17

Ndai lang mi sha gaw nye a yubak hpe naw dat kau ya mi. Ndai si shangun lu ai ari hpe mung ngai kaw na yeng kau ya na matu nan a Karai Kasang kaw hpyi nem ya mi,” ngu nna tsun wu ai.

PRU MAT 8:24

Dai Madu gaw hkawhkam wa a htingnu hte shi a du salang ni a nta kata de jinu wunawng ni hpe dat bang dat ya wu ai. Egutu mung ting gaw dai jinu ni a majaw hten mat wa nga ai.

PRU MAT 8:3

Nila hka nu gaw shu ni hte hpring chyat wa nhtawm dai ni kanawng pru wa nna na a hkawhkam htingnu kata de mung, na a yup gawk hte yup ra de mung, na a du salang ni hte mung masha ni a dum nta ni hta mung, na a wan htung ni hte muk kabaw ai di dam ni hta du hkra pyi lung wa na mara ai.

PRU MAT 8:5

Dai Madu gaw Mawshe hpe, “Arun gaw dawhkrawng hte hka nu, hka hkawng, hka lawng, hte hka nawng ni a ntsa de ladawn nna shu ni hpe shalun nhtawm Egutu mung ting hpe ka-up kau u,” ngu nna tsun shangun wu ai.

PRU MAT 9:28

Dai Madu hpe hpyi nem ya mi! Anhte hta ndai mu hte sin marang hkrat ai gaw ram la nga sai. Nanhte hpe dat dat na matu, ngai ga sadi jaw nngai; dai rai nna nanhte gaw ndai yang e loi mi mung nga lu na myit dai n rai,” ngu nna tsun wu ai.

ESAIA 19:11

Zoan mare ningbaw ni gaw mana nga ma hka! Egutu mung na hpaji rawng htum ai masha ni gaw angawk ai hpaji jaw nga ma hka! Shanhte gaw moi na hpaji ninghkrin ni hte hkawhkam ni a hkringhtawng dagraw ai ni rai nga ga ai nga nna hkawhkam wa a man e shanhte kaning rai gwi tsun na rai nga ma ta?

ESAIA 19:22

Dai Madu gaw Egutu masha ni hpe ari jaw na ra ai, rai ti mung shi gaw shanhte hpe shamai shatsai ya na ra ai. Shanhte gaw shi kaw kayin wa na mara ai, shi gaw shanhte a akyu hpyi ga ni hpe na ya ai hte shanhte hpe shamai shatsai ya na ra ai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

BU HKAWM 21:7

Amyu masha ni mung Mawshe hpang de sit sa nhtawm, “Anhte gaw dai Madu hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai Madu hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.