PRU MAT 7:3 - Jinghpaw Common Language Bible 2009

^3-4 Rai ti mung hkawhkam wa a myit masin hpe ngai shaja ya na nngai; ngai gaw Egutu mung hta hkrit hpa kumla law law hpe kade mi galaw tim, na a ga hpe madat na n rai. Shaloi ngai gaw Egutu mung hta grai sawng ai ari kaba shabyin dat nhtawm nye a amyu masha ni a amyu bawsang ni hpe dai mung kaw nna woi shapraw la na nngai.

Jinghpaw Hanson Version Bible

³ Ngai mung Hpara-u a masin shaja ya nna, Egutu mung e nye a lamik kumla hte mauhpa ningsam shalaw na we ai.

PRU MAT 7:3 ပူးပေါင်းရင်းမြစ်များ

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

SHAKAWN KUNGDAWN 135:9

Dai mung hta e, Hpara-u hte shi a ali ama ni yawng hte hpe ari jaw na matu; lamik kumla ni hte mauhpa amu ni hpe shi shapraw dan nu ai.

SHAKAWN KUNGDAWN 78:12

Egutu mung hta nga ai Zoan prang yang hta e, shanhte a kaji kawa ni yu nga yang, Karai Kasang gaw mauhpa lamik kumla ni hpe madun dan nu ai.

PRU MAT 11:10

Mawshe yan Arun gaw ndai mauhpa lamik kumla ni yawng hkawhkam wa a man e galaw dan ma ai, rai ti mung dai Madu gaw shi hpe masin shaja ya ai rai nna, shi gaw Israela amyu masha ni hpe shi a mung kaw na pru wa shangun wu ai n rai.

PRU MAT 11:9

Dai Madu gaw Mawshe hpe, “Ngai gaw Egutu mung ting hta nye a mauhpa lamik kumla ni grau nna galaw lu na matu, hkawhkam wa gaw na a ga hpe madat ya na ra ai n rai,” ngu nna tsun wu ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

PRU MAT 3:20

Rai ti mung nye a daru magam n-gun hpe ngai lang nhtawm mauhpa amu ni hte jahkrit shama let Egutu mung hpe ari jaw na we ai. Dai hpang shi nanhte hpe sa wa shangun na ra ai.

PRU MAT 4:21

Dai hpang e mung dai Madu gaw Mawshe hpe, “Ya chyawm gaw Egutu mung de nang nhtang sa wa nga ndai rai nna mauhpa lamik kumla yawng galaw na matu ngai nang hpe jaw da sai daru magam n-gun hte hkawhkam wa a man e galaw shapraw na amu hpe dum nga u. Rai ti mung hkawhkam wa a myit hpe ngai shaja ya na rai nna amyu masha ni hpe wa shangun na wu ai n rai.

PRU MAT 4:29

Dai rai nna Mawshe yan Arun gaw Egutu mung de sa nhtawm Israela ningbaw ni yawng hpe jahpawng shinggyin da ma ai.

PRU MAT 4:7

Dai hpang Madu gaw, “Na a lata hpe palawng galu kata de bai bang dat u,” ngu nna tsun wu ai. Dai hte maren shi galaw wu ai. Ndai lang shi dai hpe bai shaw la wu yang, dai gaw akaja sha rai nna kaga ngam ai shi a hkum shan zawn rai nga ai.

PRU MAT 7:13

Dai Madu tsun ai hte maren, hkawhkam wa a myit masin ja nga lu ai rai nna hkawhkam wa gaw Mawshe yan Arun a ga hpe n madat ya wu ai.

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

MIHKA 7:15

Madu e, nang gaw anhte hpe Egutu mung kaw nna woi shapraw wa ai shani hta nang galaw dan sai amu ni zawn anhte a matu mauhpa amu galaw dan mi.

YAWHAN 4:48

Yesu gaw, “Nanhte gaw lamik kumla hte mauhpa amu ni n mu myit yang gaw, nanhte langai mi mung galoi mung kam na n rai myit dai,” ngu nna shi hpe tsun wu ai.

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

KASA 7:36

Shi gaw Egutu mung hte Nawng Hkyeng hta mung, shaning mali shi ning tup nam mali hta mung, mauhpa hte lamik kumla ni madun nna Israela amyu masha ni hpe Egutu mung na woi shapraw wa ai wa rai nga ai.

ROMA 15:19

Dai re ai majaw ngai gaw Yerusalem mare kaw nna Iluri ginwang grup hkra Hkristu a Kabu Gara Shiga hkaw jahproi dan ni ai.

ROMA 9:18

Dai rai nna Karai Kasang gaw, Kadai hpe mung chyeju galaw mayu yang galaw nga ai, kadai hpe mung myit shaja mayu yang shaja ya nga ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 7:19

Dai Madu nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.