PRU MAT 7:23 - Jinghpaw Common Language Bible 2009

²³ Shing rai ga madat na malai, ndai lam hpe pyi shi myit n lawm ai sha, shi a hkawhkam htingnu de nhtang mat wa wu ai.

Jinghpaw Hanson Version Bible

²³ Hpara-u gaw shi a nta de wa nna dai lam hpe myit gun da wu ai n rai.

PRU MAT 7:23 ပူးပေါင်းရင်းမြစ်များ

YOBA 7:17

Shinggyim masha gaw na a matu hpa majaw grai ahkyak nga a ta? Shi galaw ai amu hpe hpa majaw myit lawm nga a ta?

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

PRU MAT 7:22

Dai hpang hkawhkam wa a mandan lakle sara ni mung shanhte a lakle hpaji hte dai hte maren galaw ma ai. Dai Madu tsun ai hte maren hkawhkam wa mahtang shawoi na zawn myit ja nga lu ai rai nna Mawshe yan Arun a ga hpe n madat ya wu ai.

PRU MAT 7:24

Egutu masha ni yawng hte mung dai hka nu hka hpe n lu lu manu ai majaw lu hka a matu hka nu hka kau mayan hku htu shajang ma ai.

PRU MAT 9:20

Hkawhkam wa a du salang nkau mi mahtang dai Madu tsun ai ga a majaw hkrit kajawng nga ma ai rai nna shanhte a mayam ni hte yam nga ni hpe shingbyi shara nga ai kata de woi jashawn da ma ai.

PRU MAT 9:21

Dai Madu a shadum jahprang ai ga hpe hpa zawn n nawn ya ai nkau mi mahtang shanhte a mayam ni hte yam nga ni hpe pa hkan e dam da ma ai.

GA SHAGAWP 22:17

Ngai nang hpe sharin achyin ya na, dai hpaji rawng ai masha ni a tsun sharin shaga da ai ga ni hpe, madat u. Shanhte a sharin shaga ai ga matsun ni hpe hka ja u.

GA SHAGAWP 24:32

Ngai gaw dai lam hpe yu nna, myit yu nhtawm, mu mada ai lam kaw nna, lam langai mi hpe ngai sharin la lu ni ai.

GA SHAGAWP 28:14

Dai Madu a ga hpe tut nawng e, madat mara nga u, shaloi, nang a lu na ra ai; nang lama baw ja nga ai rai yang chyawm gaw hten run mat ai nang hkrum na rin dai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 47:7

Nang gaw prat ting na hkawhkam jan zawn myit nawn kau nga ndai, na a myit masin hta ndai amu ni hpe n myit ndai, dai amu gara hku htum mat na hpe nang n myit ndai.

YEREMIA 36:24

Rai ti mung, ndai lam yawng hpe na ai hkawhkam wa mung, shi a du salang ni mung hkrit nga ma ai n rai; yawn hkyen ai kumla hpa mung n madun dan ma ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

EZEKELA 40:4

Shi gaw ngai hpe, “Si chye ai wa e, yu yu u. Nang hpe ndai shara de woi wa ni ai majaw, ngai nang hpe madun dan na lam shagu hpe atsawm sha na la nna matsing da u. Israela amyu masha ni hpe nang mu ai lam shagu tsun dan ra na rai ndai,” ngu nna tsun wu ai.

HABAKU 1:5

Dai hpang, dai Madu gaw shi a amyu masha ni hpe, “Nanhte hpe wang gawan da nga ai masha amyu ni hpe yu shati nga mu, nanhte gaw nanhte hpa mu ai lam hpe mau mat na myit dai. Nanhte dai lam na ai shaloi, nanhte n kam lu ai lam lama mi hpe ngai shabyin dat na nngai.

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

TARA JAHPRANG 32:46

shi gaw, “Dai ni, ngai nanhte hpe jaw ya sai hkang da ai ga yawng mayawng hte hpe teng teng madat mara hkan sa na rai myit dai. Ndai tara ga ni hpe nanhte a kashu kasha ni bai htawn tsun dan lu na rai myit dai: shanhte mung Karai Kasang a sharin achyin ai ga ni yawng hpe sadi sahka hte madat mara hkan sa na rai ma ai.

1 SAMUELA 4:20

Shi si wa magang yang, numsha ni shi hpe karum la let, “Masin shaja u! Nang shadang sha langai shaprat nit dai,” ngu nna tsun ma ai. Rai ti mung, shi gaw hpa zawn mung n nawn ai hte n htan ya nga nu ai.