PRU MAT 7:11 - Jinghpaw Common Language Bible 2009

¹¹ Dai hpang hkawhkam wa gaw shi a hpaji chye ai masha ni hte mandan bau ai ni hpe shaga la nna shanhte a mandan lakle hpaji hte dai hte maren galaw ma ai.

Jinghpaw Hanson Version Bible

¹¹ Shaloi Hpara-u gaw shi a hpaji sara ni hte mandan bau ai ni hpe shaga la nna, Egutu mung na lakle sara ni mung tinang a lakle hte dai hte maren galaw ma ai:

PRU MAT 7:11 ပူးပေါင်းရင်းမြစ်များ

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

PRU MAT 7:12

Shanhte gaw langai hte langai a dawhkrawng ni hpe kabai tawn da ma ai rai nna dai ni mung lapu tai nga malu ai. Rai ti mung Arun a dawhkrawng mahtang shanhte a dawhkrawng ni hpe mayu kau ya wu ai.

PRU MAT 7:22

Dai hpang hkawhkam wa a mandan lakle sara ni mung shanhte a lakle hpaji hte dai hte maren galaw ma ai. Dai Madu tsun ai hte maren hkawhkam wa mahtang shawoi na zawn myit ja nga lu ai rai nna Mawshe yan Arun a ga hpe n madat ya wu ai.

PRU MAT 8:18

Mandan lakle sara ni mung janghkam ni hpe shapraw dat na nga, shanhte a mandan lakle hpaji lang shakut yu ma ai; rai ti mung shanhte n dang di lu ma ai. Janghkam ni gaw shara shagu hkan nga nga ma ai.

PRU MAT 8:3

Nila hka nu gaw shu ni hte hpring chyat wa nhtawm dai ni kanawng pru wa nna na a hkawhkam htingnu kata de mung, na a yup gawk hte yup ra de mung, na a du salang ni hte mung masha ni a dum nta ni hta mung, na a wan htung ni hte muk kabaw ai di dam ni hta du hkra pyi lung wa na mara ai.

PRU MAT 8:7

Rai ti mung mandan lakle sara ni shanhte a lakle hpaji lang nna mung Egutu mung hta shu shalun la ma ai.

Daniela 2:2

dai rai nna shi gaw shi a yup mang sa htai ya na matu, gumhpan hpan ai ni, mandan sara ni, lakle sara ni hte hpyi lamum sara ni hpe shaga dat wu ai. Shanhte gaw hkawhkam wa a man e sa tsap shajang nga ma yang,

Daniela 2:27

Daniela chyawm gaw, “Madu hkawhkam wa e, dai lam nang hpe tsun dan lu na hpyi lamum sara, mandan sara, gumhpan hpan ai hte lakle sara kadai mung nga ai n rai.

Daniela 4:6

Dai yup mang a lachyum hpa rai nga ai lam ngai hpe tsun dan lu na matu Babelon mung na hpaji jaw masha mahkra hte hpe ngai hpang de woi jashawn sa wa na, ngai hkang dat we ai.

Daniela 5:11

Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

2 HTESALONI 2:9

Dai N hkru Ai Wa gaw Satan a n-gun atsam hte du sa na ra ai rai nna masu ai lamik kumla amyu myu hte mauhpa amu ni hpe galaw dan na ra ai.

2 TIMOHTI 3:8

Yanne yan Yambre gaw Mawshe hpe nhtan shai ninghkap ai hku galaw ma ai hte maren, ndai masha ni mung, dai teng man ai lam hpe ninghkap ningdang ma ai. Dai masha ni gaw shanhte a myit sawn sumru ai lam n nga mat sai rai nna makam masham hta hten za sum hkrum ma ai.

2 TIMOHTI 3:9

Rai ti mung shanhte a awng dang ai lam gaw, dai hte hta jan nna na na hkam na n rai, hpa majaw nga yang dai yan hta hpa baw byin wa ai lam dan leng wa ai zawn ndai masha ni kade angawk ai lam mung masha ni a man e dan leng wa na ra ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

1 SAMUELA 6:2

masha ni gaw hkinjawng ni hte mandan lakle sara ni hpe shaga la nhtawm, “Dai Madu a Ga Shaka Sumpu hpe anhte kaning di na rai nga ga ta? Shi a shara de bai nhtang dat dat ai rai yang, dai hpe anhte hpa hte dat dat na rai ga ta?,” ngu nna san ma ai.