PRU MAT 7:1 - Jinghpaw Common Language Bible 2009

¹ Dai Madu gaw, “Ngai gaw nang hpe hkawhkam wa a ntsa e Karai Kasang zawn san da nna, na a nhpu Arun mung na a myihtoi zawn shi hpe tsun na ra ai.

Jinghpaw Hanson Version Bible

¹ Dai re ai majaw Karai Kasang gaw Mawshe hpe, “Yu u, Ngai nang hpe Hpara-u a ntsa e Karai Kasang zawn san da sade ai rai nna, na nhpu Arun gaw na a myihtoi tai na ra ai.

PRU MAT 7:1 ပူးပေါင်းရင်းမြစ်များ

NINGPAWT NINGHPANG 19:21

Shi mung, “Rai sa, ngai hkraw ya nga nngai. Dai rai nna,

1 HKAWHKAM 17:23

Shing rai ma dai hpe Elia sharawt la nna lawu htap de woi yu wa nhtawm kanu hpe ap ya let, “Yu u, na nsha hkrung nga sai!,” ngu nna shi hpe tsun wu ai.

2 HKAWHKAM 6:32

Shing rai Elisha hpe sa woi wa na matu, kasa langai mi hpe shangun dat wu ai. Dai aten hta Elisha gaw shi kaw sa chyai ai myit su salang nkau mi hte rau shi a nta e nga nga wu ai. Hkawhkam wa a kasa garai n du shang wa ai aten hta Elisha gaw myit su salang ni hpe, “Dai masha sat ai wa gaw ngai hpe sat kau na matu marai langai ngai hpe shangun dat nga ai! Ya chyawm gaw nang e shi du nga sai rai nna shi hpe n shang shangun lu hkra chyinghka la kau mu. Hkawhkam wa nan shi a shingdu e hkan nang nga ai,” ngu nna tsun wu ai.

SHAKAWN KUNGDAWN 78:12

Egutu mung hta nga ai Zoan prang yang hta e, shanhte a kaji kawa ni yu nga yang, Karai Kasang gaw mauhpa lamik kumla ni hpe madun dan nu ai.

SHAKAWN KUNGDAWN 82:6

‘Nanhte gaw karai ni rai nga myit dai, nanhte yawng gaw Tsaw Htum ai Wa a kasha ni rai nga myit dai,’ ngu nna ngai tsun ni ai.

PRU MAT 16:29

Ngai Madu nan nanhte hpe bansa ai shani jaw ya ni ai; dai re ai majaw kru ya shani hta lahkawng ya a matu malu masha law ram hkra, nanhte hpe ngai ajaw ya nga ai hpe adum nga mu. Kadai mung sanit ya shani e shi a nta kaw na n pru ai sha nga nga lu na rai myit dai,” ngu nna tsun wu ai.

HPAJI NINGLI 1:10

Shanhte gaw, “Yu u, nang e arai nnan nga nga a hka!,” nga nna tsun ma ai. Rai ti mung, n rai nga ai, dai gaw anhte pyi garai n shangai ai shawng e dai lam yawng mayawng byin lai mat wa sai.

YEREMIA 1:10

Baw kau na hte run kau na matu mung, jahten shabyak kau na hte gumlau jahten kau na matu mung, gaw da na hte hkai da na matu mung, masha amyu baw ni hte mungdan ni a ntsa hta e up na ahkaw ahkang, dai ni jang, ngai nang hpe ap nga nngai,” ngu nna tsun wu ai.

KASA 7:7

Rai ti mung, shanhte hpe yam sha nga ai amyu masha ni hpe mung ngai jeyang na mawe ai. Dai hpang shanhte dai mung na pru wa nna, ndai yang e ngai hpe jaw jau lu na mara ai,” nga nna tsun ai.