PRU MAT 6:8 - Jinghpaw Common Language Bible 2009

⁸ Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

Jinghpaw Hanson Version Bible

⁸ Abraham, Isak, Yaku hte hpe jaw na ngu nna dagam da ai mung de ngai nanhte hpe woi wa nna, sali wunli matu jaw na made ai: ngai Yehowa rai nga nngai,” ngu wu ai.

PRU MAT 6:8 ပူးပေါင်းရင်းမြစ်များ

NINGPAWT NINGHPANG 14:22

Abram gaw, “Na a arai ngu na hpa hpe mung, dai sha n-ga ri yan mi hte kyepdin sumri yan mi du hkra pyi, ngai n la na nngai ngu, Sumsing lamu hte ginding aga hpe hpan da ai wa dai Tsaw Htum ai

NINGPAWT NINGHPANG 15:18

Dai hpang dai Madu gaw Abram hte ga shaka tawn da nu ai. Shi gaw, “Egutu mung a ga jarit kaw nna Uhprat hka nu du hkra

NINGPAWT NINGHPANG 26:3

Ndai yang e nga u, ngai nang hte rau nga nga nna nang hpe shaman ya na nngai. Nang hpe mung, na a amyu matu ni hpe mung ndai mung ting ngai jaw na mawe ai; shing rai na nwa Abraham hpe ngai shagrin da sai ga sadi hpe ngai shatup na we ai.

NINGPAWT NINGHPANG 28:13

Dai Madu gaw dai yang na shi a makau e tsap nga nhtawm, “Ngai gaw Abraham, Isak ni a dai Madu Karai Kasang rai nga nngai; nang hpe mung, na a amyu matu ni hpe mung ndai lamu ga hpe ngai jaw na nngai.

NINGPAWT NINGHPANG 35:12

Abraham hte Isak yan hpe ngai jaw ai lamu ga gaw nang hpe mung, na a hpang na amyu matu ni hpe mung ngai jaw na we ai,” ngu nna shi hpe tsun wu ai.

NEHEMIA 9:15

“Shanhte kawsi hkrum yang, nang gaw shanhte hpe sumsing lamu na muk, shanhte hpang gara hkrum yang, lunghkrung kaw na hka, jaw nga ndai. Shanhte hpe jaw na ngu nang ga sadi jaw da sai dai mung hpe madu lu na lam nang shanhte hpe tsun nit dai.

PRU MAT 13:5

Dai Hkanan, Hiti, Amori, Hiwi hte Yebusi masha ni nga ai lamu ga, dai Madu gaw nanhte hpe jaw na matu nga, nanhte a kaji kawa ni hta dagam let ga sadi shagrin da nu ai dai sut su ngamu ngamai nna ga sau hte hpring ai mung de nanhte hpe woi shang wa ai shaloi, nanhte gaw shawng na shata shagu hta ndai poi hpe galaw na rai myit dai.

PRU MAT 32:13

Na a shangun ma ni rai nga ai Abraham, Isak hte Yaku ni hpe naw dum u law. Nang dagam shaka da ai hte maren, shanhte a amyu matu hpe sumsing lamu na shagan ni zawn nang shalaw na rai nna nang ndat da ai ga dai mahkra shanhte a amyu matu ni hpe nang jaw nhtawm, dai hpe htani htana prat dingsa shanhte madu nga lu na mara ai, ngu nna dagam shaka ai ga hpe dum nga u law,” ngu nna hpyi nem wu ai.

PRU MAT 6:2

Karai Kasang gaw Mawshe hpe, “Ngai gaw dai Madu rai nga nngai.

PRU MAT 6:4

Maigan masha ni zawn shanhte shanu lai wa yu sai Hkanan mung hpe jaw na ngu nna tawn da ai ga sadi, ngai shanhte hte mung ga shaka tawn da se ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

EZEKELA 20:15

Dai rai nna, shanhte a matu ngu nna ngai jaw da sai, dai yawng hta grau kaja htum nna ngamu ngamai ai hte sut hte ningru ningja ai mungdan de shanhte hpe n woi wa na ngu, dai nam mali kata e ngai ga sadi tawn da ni ai.

EZEKELA 20:23

Dai re ai majaw, ngai gaw nam mali e kaga ga sadi hpe tawn da ni ai. Shanhte hpe mungkan mungdan shara shagu de shaden shabra kau na ni ai ngu nna ngai dai ga sadi hpe dagam da ni ai.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

EZEKELA 20:42

Nanhte a nji nwa ni hpe jaw na ngu, ngai ga sadi tawn da ai Israela mung de nanhte hpe ngai bai woi nhtang wa ai shaloi, ngai nan dai Madu rai nga nngai hpe nanhte chye lu na marin dai.

EZEKELA 36:7

Tsaw Htum ai dai Madu ngai nan gaw grup yin hkan nga ai masha amyu baw ni shagrit kau hkrum na mara ai lam ga sadi hte dagam nngai.

EZEKELA 47:14

Ngai gaw nanhte a nji nwa ni hpe ga sadi dagam da sai hte maren, ndai mungdan shanhte hpe ngai jaw we ai; ya chyawm gaw ndai mungdan hpe nanhte a lapran e maren mara garan la manu.

BU HKAWM 10:29

Mawshe gaw Midian masha Yehtru a kasha, shi a kahkau Hoba hpe, “Dai Madu anhte hpe jaw na ngu ai shara de pru sa wa nga saga ai; Israela amyu masha ni hpe ngamu ngamai shangun na lam shi ga sadi jaw da mani ai rai nna nang mung anhte hte rau sa wa saga; anhte nang hpe sut gan karan ya na ga ai,” ngu nna tsun wu ai.

BU HKAWM 11:12

Ngai shanhte hpe hpan shalat ai n rai; Shanhte hpe shangai mawe ai n rai! Shanhte hpe ma chyangai ni hpe zawn nye a lata hta pawn la nna shanhte a kaji kawa ni hpe nang ga sadi jaw da sai mung de ma rem sarama langai mi zawn lakawn la na lam nang hpa majaw ngai hpe san da nga n ta?

BU HKAWM 14:30

Nanhte hpe dai mung e nga shangun na matu ngai ga sadi tawn da ni ai rai ti mung, Hkaleb hte Yawshu hta lai nna nanhte hta na kadai mung shang lu na myit dai n rai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

TARA JAHPRANG 32:40

Ngai gaw teng teng ahkrung nga ai Karai Kasang rai nga nngai hte maren; nye a lata hpe ngai sharawt nhtawm dagam let,

TARA JAHPRANG 4:31

Shi gaw matsan dum chye ai Karai Kasang rai nga ai majaw nanhte hpe kau da na n rai; shamyit jahtum kau na wu ai n rai. Shi hkum nan nanhte a kaji kawa ni hte tawn da ai ga shaka hpe mung malap kau na wu ai n rai.

YAWSHU 24:13

Nanhte hkai nmai galoi mung garai n jahkrat yu ai lamu ga, nanhte n de da ai mare ni, ngai nanhte hpe jaw ni ai. Ya chyawm gaw dai shara hta nanhte nga nga lu nna nanhte n hkai ai sabyi sun hta na sabyi si, tsanlun hpun hta na tsanlun si ni sha lu na rai myit dai,” ngu nna tsun wu ai.

SHINGRAN 10:6

htani htana prat dingsa ahkrung nga nna, sumsing lamu, ginding aga, panglai hte dai hta e rawng marawng hpe hpan tawn da ai Karai Kasang a mying nsang hpe gang nna dagam wu ai gaw, “Ahkying ladaw hpe htingnai shana chyai nga ai lam naw nga sana n rai!

1 SAMUELA 15:29

Daru magam n-gun hpung shingkang hte hpring ai Israela a Karai Kasang gaw masu ai n rai; shi a myit chye galai nga ai n rai. Shi gaw shinggyim masha langai n rai, shi a myit galai shai chye ai n rai,” ngu nna tsun wu ai.