PRU MAT 6:6 - Jinghpaw Common Language Bible 2009

⁶ Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

Jinghpaw Hanson Version Bible

⁶ Dai majaw Israela amyu hpe, ning ngu tsun u: Ngai Yehowa rai nga nngai; Egutu mung a mayam lit hta na ngai nanhte hpe shaw la nna, shanhte a share punghkaw hta na shapraw la na made ai; sharawt nga ai lata hte mung, ari kaba amyu myu hte mung ngai nanhte hpe hkye hkrang la na made ai:

PRU MAT 6:6 ပူးပေါင်းရင်းမြစ်များ

2 HKAWHKAM 17:36

Daru magam n-gun kaba hte mung, atsam marai hte mung Egutu mung kaw nna nanhte hpe woi shapraw wa ai dai Madu ngu ai nye a ga hpe nanhte madat mara na rai myit dai; ngai hpe nawku dingnyawm nna ngai hpe shagu hkungga ni nawng jau na rai myit dai.

1 HKAWHKAM LABAU 17:21

Na a amyu masha majing shatai na nga, shanhte hpe mayam tai nga ai kaw nna nang hkye mawai da nit dai; dai Israela amyu ni hte bung ai amyu baw kaga, ndai ginding aga ntsa e n nga nga ai. Shanhte a matu nang galaw dan sai dai galu kaba ai mauhpa amu ni gaw mungkan ting de na a mying ningsang hpe dan hkung gumhkawng shangun nga sai. Egutu mung na na a amyu masha ni hpe nang hkrang shaw la nna dai amyu masha ni rawt lung wa nga ma yang, kaga amyu baw ni hpe nang gawt shapraw kau nga ndai.

NEHEMIA 1:10

“Madu e, ndai ni gaw na a shangun ma, na a amyu masha majing ni rai ma ai. Nang gaw shanhte hpe na a daru magam n-gun kaba hte na a ja la ai n-gun atsam hte hkye mawai la nga ndai.

SHAKAWN KUNGDAWN 77:16

Karai Kasang e, hka hpung ni nang hpe mu ai shaloi, dai ni nang hpe hkrit nga ma ai; panglai hka a sung ai shara hkan na hka ni mung kanawng nga ma ai.

SHAKAWN KUNGDAWN 81:11

“Rai ti mung, nye a amyu masha ni ngai hpe madat na ma ai n rai; Israela amyu masha ni ngai hpe madat mara nga ma ai n rai.

SHAKAWN KUNGDAWN 81:6

“Nanhte a shingma na lit ni hpe ngai shayu kau ya nna, nanhte a wut tawng hpai ai ka htang ni hpe ngai jahkrat da ya ni ai.

SHAKAWN KUNGDAWN 81:7

Nang ru tsang hkrum nga ai shaloi, ngai hpe shaga manit dai hte; ngai nanhte hpe hkye hkrang la ni ai. Nbung laru kata na, nye a makoi nga ai shara kaw nna ngai nanhte hpe htan ya mani ai. Meriba hka hpawk e, ngai nanhte hpe chyam yu made ai.

PRU MAT 1:11

Dai rai nna Egutu masha ni gaw shanhte a ntsa e mayam hkang ai ni hpe san tawn nna laja lana re ai amu bungli hte shanhte a myit ni hpe shadaw kau ya ma ai. Israela amyu masha ni gaw hkawhkam wa a matu arung arai tawn da na ginra daju ni hpe Hpihtum hte Ramese mare ni hta gap da ma ai.

PRU MAT 12:41

Dai 430 ning htum ai shani hta nan, dai Madu a masha ni rai nga ai amyu bawsang ni yawng Egutu mung kaw na pru mat wa ma ai.

PRU MAT 12:51

Dai shani hta nan, dai Madu gaw Israela amyu bawsang ni hpe Egutu mung kaw na woi shapraw wa wu ai.

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:16

Ndai htung tara gaw anhte a lata shing n rai kahtan ni hta masat arai lama mi hpe shakap da ai zawn, adum nga na rai myit dai. Dai gaw dai Madu shi a galu kaba ai daru magam n-gun hte anhte hpe Egutu mung kaw nna woi shapraw wa ai hpe adum shangun nga na ra ai,’ ngu nna tsun wu ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 15:13

Na a ga sadi hta sadi dung nga ai rai nna, amyu masha ni hpe nang woi wa let, nang hkye mawai la nit dai; na a n-gun hte na a chyoi pra ai mung de nang shanhte hpe woi madun wa nit dai.

PRU MAT 16:6

Dai re ai majaw, Mawshe yan Arun gaw Israela amyu masha ni yawng hpe, “Dai Madu nanhte hpe Egutu mung kaw nna woi shapraw wa manit dai gaw dai na de, nanhte chye lu na marin dai.

PRU MAT 18:1

Mawshe a katsa Midian hkinjawng Yehtru gaw Karai Kasang Mawshe hte shi a amyu Israela a matu galaw ai lam magup hpe mung, shi gaw shanhte hpe Egutu mung kaw nna woi wa ai lam hpe mung na wu ai.

PRU MAT 2:11

Mawshe kaba wa ai shaloi, shi gaw shi a amyu masha Hebre ni hpang de sa chyai na nga pru sa mat wa wu ai. Shi gaw bungli aja awa galaw shangun na matu shagyeng hkrum nga sai masha ni hpe sa mu wu ai. Shi gaw Mawshe a amyu masha Hebre masha langai hpe Egutu masha e sat kau ai hpe pyi sa mu wu ai.

PRU MAT 3:17

Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

PRU MAT 6:2

Karai Kasang gaw Mawshe hpe, “Ngai gaw dai Madu rai nga nngai.

PRU MAT 6:29

shi gaw, “Ngai gaw dai Madu rai nga nngai. Ngai nang hpe tsun ai lam magup Egutu hkawhkam wa hpe tsun u,” ngu nna tsun wu ai.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

PRU MAT 7:5

Shanhte a ntsa e nye a lata ladawn da nna, dai Israela amyu masha ni hpe shanhte a mung kaw nna woi shapraw wa ai shaloi, Ngai nan dai Madu rai nga nngai hpe Egutu masha ni chye na mara ai,” ngu nna tsun wu ai.

ESAIA 9:12

Sinpraw maga nga ai Suri mung hte sinna maga nga ai Hpilisti mung ni gaw Israela hpe mayu kau na matu shanhte a n-gup ni hpe mahka tawn da manu ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

ESAIA 9:21

Manashe hte Ehprim amyu masha ni gaw shada da gasat hkat ma ai, shan lahkawng gaw Yuda hpe jawm gasat ma ai. Dai rai tim pyi, dai Madu a masin kahtet ai gaw kawp mat ai n rai; shi a lata gaw ari jaw na matu naw ladawn da nga ai.

YEREMIA 21:5

Ngai gaw nang hpe nye a n-gun mahkra hte, pawt sindawng ai, n-yun bu ai, masin kahtet ai hte hkap gasat na nngai.

YEREMIA 27:5

“Nye a galu kaba ai daru magam n-gun, lahpum marai hte ngai gaw mungkan ga hpe mung, shinggyim masha hpe mung, ginding aga ntsa e shanu nga ai yam nga mahkra hpe mung, hpan tawn da ni ai; ngai lata la sai masha kadai hpe mung dai ni hpe ngai jaw ya nngai.

YEREMIA 32:21

Anhte a gumlau hpyen ni hpe na a lamik kumla ni hte mauhpa amu madun dan ai hte hkrit gari shangun mu ai; nang gaw na a daru magam n-gun hte lahpum shada nna na a amyu masha Israela ni hpe Egutu mung kaw nna woi shapraw wa nit dai.

EZEKELA 20:33

“Ngai gaw Tsaw Htum ai dai Madu, ahkrung nga ai Karai Kasang rai nga nngai, dai majaw nye a masin kahtet ai hta ngai nanhte hpe nye a n-gun ja ai lata, nye a daru magam n-gun mahkra hte up na nngai, ngu ngai nanhte hpe shadum nngai.

KASA 13:17

Israela amyu masha ni a Karai Kasang gaw anhte a ji wa ni hpe shanhte Egutu mung e maigan masha hku nna sa nga nga ai ten hta lata la nna amyu kaba shatai manu ai. Karai Kasang gaw shi a n-gun atsam kaba hte shanhte hpe Egutu mung na shapraw woi wa nna,

TARA JAHPRANG 11:2

Dai Madu hte rau nanhte hkrum kadup ai mahkrum madup lam a majaw nanhte sharin la lu manit dai shi a lam hpe dai ni adum nga mu. Dai gaw nanhte a kashu kasha ni n rai, dai mahkrum madup lu la sai nanhte she rai nga ai. Shi a galu kaba ai daru magam n-gun hte chyalai n-gun hte hpring ai shi a mauhpa magam amu ni hpe nanhte mu manit dai.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 26:8

Shi a galu kaba ai daru magam n-gun hte atsam, mauhpa law law hte lamik kumla ni, hkrit hpa amu ni hpe madun nhtawm Egutu mung kaw na anhte hpe shaw woi wa mi ai.

TARA JAHPRANG 4:23

Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.

TARA JAHPRANG 6:12

mayam tai nga ai Egutu mung kaw na nang hpe hkrang shaw wa ai dai Madu hpe n malap kau myit ga, sadi nga mu.

TARA JAHPRANG 7:19

Dai Madu nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

TARA JAHPRANG 9:29

Kaja wa tsun ga nga yang, na a galu kaba ai daru magam n-gun atsam hte Egutu mung kaw na nang woi shapraw wa nhtawm na a amyu masha ni majing tai na matu nang lata san da ai amyu masha ni she rai nga ma ai,’ ngu nna hpyi nem wu ai.