PRU MAT 6:2 - Jinghpaw Common Language Bible 2009

² Karai Kasang gaw Mawshe hpe, “Ngai gaw dai Madu rai nga nngai.

Jinghpaw Hanson Version Bible

² Bai Karai Kasang gaw Mawshe hpe, “Ngai gaw Yehowa rai nga nngai:

PRU MAT 6:2 ပူးပေါင်းရင်းမြစ်များ

NINGPAWT NINGHPANG 15:7

Bai dai Madu gaw shi hpe, “Ndai lamu ga gaw na a matu rai nga u ga, nang hpe jaw na matu ngu nna she, Babelon mung Ura mare kaw nna nang hpe woi shapraw wa ai dai Madu ngai nan rai nga nngai,” ngu nna tsun wu ai.

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

PRU MAT 14:18

Shanhte hpe ngai dang kau ai shaloi, Egutu masha ni gaw Ngai nan dai Madu rai nga ai hpe chye wa na mara ai.

PRU MAT 15:3

Dai Madu gaw majan gasat ai share shagan wa rai nga ai; Dai Madu gaw shi a mying rai nga ai.

PRU MAT 17:1

Dai Madu hkang da ai hte maren, Israela shawa hpung ting gaw Sin nam mali kaw nna pru wa nhtawm shara mi kaw nna shara mi de htawt hkawm nga ma ai. Shanhte gaw Rehpidim e dabang but ma ai; rai ti mung, dai yang e shanhte lu na hka n nga nga ai.

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

PRU MAT 3:14

Karai Kasang gaw, “Ngai gaw Ngai rai nga nngai. Nang gaw shanhte hpe: ‘Ngai Rai Nga Nngai,’ ngu ai Wa gaw, nanhte hpang de ngai hpe shangun dat ni ai,’ ngu nna tsun lu na ndai.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

PRU MAT 6:29

shi gaw, “Ngai gaw dai Madu rai nga nngai. Ngai nang hpe tsun ai lam magup Egutu hkawhkam wa hpe tsun u,” ngu nna tsun wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

ESAIA 42:8

“Ngai chyu sha dai Madu na a Karai Kasang rai nga nngai. Kaga karai gaw nye a hpung shingkang hpe garan la mai nga ai n rai; Ngai gaw kaga hpara sumla ni hpe nye a shakawn kungdawn ga garan hkam la shangun na n rai.

ESAIA 43:11

“Ngai chyu sha dai Madu rai nga nngai, ngai chyu sha nang hpe hkye la lu ai wa rai nga nngai.

ESAIA 43:15

Ngai gaw dai Madu na a chyoi pra ai Karai Kasang rai nga nngai. Israela e, Ngai gaw nang hpe hpan da nngai, ngai gaw na a hkawhkam rai nga nngai,” ngu nna tsun ai.

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

YEREMIA 9:24

Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.

EZEKELA 20:5

Ngai hpa tsun nga ai lam shanhte hpe htawn tsun u. Israela amyu masha ni hpe ngai lata la ai shaloi, shanhte hpe ga shaka tawn da ni ai. Ngai gaw Egutu mung hta shanhte hpe nye hkum nan shadan dan ai hte nanhte a Madu Karai Kasang rai nga ai lam, shanhte hpe tsun dan ni ai.

MALAHKI 3:6

“Ngai gaw dai Madu rai nga nngai. Ngai gaw galai mat ai n rai. Dai re ai majaw Yaku a amyu matu ni e, nanhte gaw ya du hkra tsep kawp mat mat myit dai n rai.