PRU MAT 5:23 - Jinghpaw Common Language Bible 2009

²³ Ngai gaw hkawhkam wa hpang de shang nna na a matu ga tsun ya ai shani kaw nna, shi gaw shanhte hpe mazut ai hku zingri wa nu ai; shanhte hpe karum la na lam nang hpa mung n galaw shapraw nga n hka i!,” ngu nna tsun wu ai.

Jinghpaw Hanson Version Bible

²³ Na a mying ningsang hte sa tsun na Hpara-u kaw ngai shang ai shani kaw nna, dai amyu hpe shi zingri da wu ai: gaja wa teng teng, na amyu hpe nang hkrang la ndai nrai,” ngu wu ai.

PRU MAT 5:23 ပူးပေါင်းရင်းမြစ်များ

YOBA 22:17

Dai ni gaw Karai Kasang hpe ningdang kau ai masha ni rai nna; shi shanhte a matu hpa n lu galaw ya nga ai, ngu kam ma ai.

SHAKAWN KUNGDAWN 118:26

Madu a mying nsang hte du sa ai wa hpe Karai Kasang shaman ya nga u ga! Madu a Htingnu kaw nna, anhte nang hpe shakawn ga ai.

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

PRU MAT 6:1

Shaloi dai Madu gaw Mawshe hpe, “Hkawhkam wa hpe ngai kaning di na gaw ya nang mu lu na rin dai. Ngai gaw shi hpe nye a amyu masha ni hpe dat dat shangun na matu shagyeng na we ai. Kaja wa teng teng, shanhte hpe shi a mung kaw nna gawt shapraw kau dat lu hkra ngai shi hpe shadut na we ai,” ngu nna tsun wu ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

YEREMIA 11:21

Anahtot masha ni gaw ngai hpe sat kau mayu nga ma ai; ngai rai nna dai Madu a mungga hpe matut hkaw tsun ai rai yang, shanhte ngai hpe sat kau na ma ai lam ngai hpe tsun ma ai.

YAWHAN 5:43

Ngai gaw nye Wa a ahkang aya hte du sa nngai rai ti mung nanhte ngai hpe n hkap la myit dai, kaga langai wa mi tinang nan a ahkang aya hte du sa ai rai taw gaw, nanhte shi hpe hkap la na marin dai.