PRU MAT 5:2 - Jinghpaw Common Language Bible 2009

² Hkawhkam wa mahtang, “Dai Madu gaw kadai wa rai nga a ta? Ngai gaw hpa majaw shi tsun ai ga hpe madat nna Israela amyu masha ni hpe dat dat na rai ni? Dai Madu hpe ngai n chye nngai. Israela amyu masha ni hpe mung ngai n dat ya lu na nngai,” ngu nna tsun wu ai.

Jinghpaw Hanson Version Bible

² Hpara-u chyawm gaw, “Yehowa a ga madat nna, Israela a amyu masha ni hpe ngai dat kau na gaw, dai Yehowa kadai rai ta? Yehowa hpe ngai n chye nngai, Israela a amyu hpe mung ngai n dat dat na nngai,” ngu wu ai.

PRU MAT 5:2 ပူးပေါင်းရင်းမြစ်များ

2 HKAWHKAM 18:35

Anhte a hkawseng wa a lata kaw nna shanhte a mungdan hpe ndai mungdan yawng na kadai karai wa galoi e hkye la yu sata?, ngu nna tsun wu ai. Dai hpang dai Madu gaw Yerusalem hpe hkye lu na re ngu, hpa lam a majaw myit nawn nga myit ni?

2 HKAWHKAM LABAU 32:14

Mungdan yawng hkan nga ai kaning re ai karai ni mung shanhte a mungdan hpe anhte a lata kaw nna galoi e hkye la yu nga ma ni? Shing re ai mi, nanhte a karai gaw hpa lam a majaw nanhte hpe hkye la lu na re ngu nna nanhte hpe myit nawn la shangun nga myit ni?

2 HKAWHKAM LABAU 32:15

Ya mung Hezekia gaw nanhte hpe dai zawn n hkalem kau ai hte lam n shadam kau u ga, shi hpe hkum kam nga myit! Gade a karai mung shi a amyu masha ni hpe Asuri hkawseng wa a lata kaw na galoi mung hkye la yu lu nga ai n rai. Dai re ai majaw ndai nanhte a karai mung nanhte hpe teng teng hkye la lu na n rai!”

2 HKAWHKAM LABAU 32:19

Shanhte gaw kaga masha amyu ni a karai ni hte masha lata hte tawk da ai hpara sumla ni a lam hpe tsun kajai ma ai hte maren Yerusalem a Karai Kasang hpe mung tsun kajai ma ai.

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

YOBA 15:25

Dai gaw Karai Kasang hpe lata latup madun nna Chyahtum Chyalai N-gun rawng ai wa hpe ninghkap ai wa a lai rai nga ai.

YOBA 15:26

Shanhte gaw gumrawng gumtawng ai hte gumlau ai ni rai nga ma ai; shanhte gaw du ja ai hte shanhte a ninggang ni sharawt lang nhtawm Karai Kasang hpe gasat ninghkap na matu htim bang wa ma ai.

YOBA 21:15

Karai Kasang hpe daw jau shara n nga ai nga nna mung, shi kaw akyu hpyi yang hpa akyu n nga ai nga nna mung, shanhte myit nawn da mu ai.

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 14:1

“Karai Kasang n nga ai,” nga nna angawk ai ni gaw shanhte a myit hta tsun nga ma ai. Shanhte yawng hte gaw myit tsam mat nga ma ai, hkrithpa amu ni hpe, shanhte galaw kau mu ai; dai teng man ai amu hpe galaw na masha kadai mung n nga nga ai.

PRU MAT 3:19

Egutu hkawhkam wa chyawm gaw n-gun kaba hte shadut n hkrum hkrum gaw nanhte hpe sa wa shangun na n rai nga ai gaw ngai chye nngai.

PRU MAT 7:17

Ya chyawm gaw madu hkawhkam e, shi hpa galaw wa na lam hpe nang mu lu na rin dai, ngu nna dai Madu tsun nga ai. Yu u, Ngai gaw ndai dawhkrawng hte hka nu hka man hpe kayat dat na nngai; Hka dai gaw asai tai mat na ra ai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

YEREMIA 42:13

“Rai ti mung, Yuda mung hta naw hti ngam nga ai amyu masha ni gaw dai Madu na a Karai Kasang a ga hpe n madat n mai ai hte ndai mung hta shanu nga na matu mung n hkap la n mai rai nga myit dai. Nanhte gaw, ‘N rai law, anhte gaw Egutu mung de yu sa nna dai mung hta shanu nga na ga ai, anhte gaw dai mung hta hpyen majan loi mi mung hkrum kadup na ga ai n rai, majan gasat na matu jasu ai nsen mung na na ga ai n rai, kawsi hpang gara ai mung hkrum na ga ai n rai,’ nga nna n tsun myit ga nga ai. Nanhte dai ga tsun myit dai rai yang, Chyahtum Chyalai N-gun Rawng ai dai Madu Israela a Karai Kasang gaw, ‘Nanhte Egutu mung de yu sa nna dai mung e shanu nga na matu myit daw dan ai rai yang,

YEREMIA 48:26

Dai Madu gaw, “Moba gaw ngai hpe gumlau ai majaw, shi hpe chyaru nang kau shangun mu. Moba gaw shi a nhpat hta galwi la na ra ai, masha ni gaw shi hpe mani asawng kau na mara ai.

Daniela 3:15

Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

YAWHAN 16:3

Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

TARA AGYI 2:10

Dai ban prat ting na ni mung si htum mat nna htawm hpang na ban prat masha ni gaw dai Madu Israela a matu hpa galaw nu ai hpe mung malap kau ma ai.

1 SAMUELA 2:12

Eli a shadang sha yan gaw n shawp n kap nga ma ai rai nna, dai Madu hpe mung,

1 SAMUELA 25:10

jahtum e Nabala gaw, “Dawi kun? Shi gaw kadai wa rai nga a ta? Ngai shi a lam galoi mung n na yu nngai! Ndai aten hta mungdan e hprawng hkawm ai mayam ni hpring nga ai!