PRU MAT 5:13 - Jinghpaw Common Language Bible 2009

¹³ Mayam hpareng ni mung shanhte hpe yihku jaw yang na galaw shapraw ai shadang hte maren shani shagu galaw na matu hkan shadut reng nga ma ai.

Jinghpaw Hanson Version Bible

¹³ Hpareng ni mung, “Yi hku jaw yang na shadang hte maren lani hte lani ngut hkra galaw mu,” nga nna hkan reng nga ma ai.

PRU MAT 5:13 ပူးပေါင်းရင်းမြစ်များ

EZRA 3:4

Hkan sa na tara ni hte maren, Sum Poi hpe mung shanhte galaw ma ai rai nna dai shani na matu nawng ya ang ai shagu hkungga ni hpe hpyi ai hte maren lani hte lani nawng ya ma ai;

YOBA 39:7

Dai ni gaw garu kachyi nsen ngoi ai mare ni hte tsan ai shara e nga ma ai, kadai mung dai ni hpe amu galaw shangun na matu bik la lu ai n rai.

PRU MAT 1:11

Dai rai nna Egutu masha ni gaw shanhte a ntsa e mayam hkang ai ni hpe san tawn nna laja lana re ai amu bungli hte shanhte a myit ni hpe shadaw kau ya ma ai. Israela amyu masha ni gaw hkawhkam wa a matu arung arai tawn da na ginra daju ni hpe Hpihtum hte Ramese mare ni hta gap da ma ai.

PRU MAT 5:11

Nanhte pru sa nna tinang nang a matu tam la lu na rai myit dai; rai ti mung wut tawng galaw shapraw ai shadang gaw shawoi na shadang daram naw galaw ra na rai myit dai, nga nna shi tsun ai,” ngu nna tsun dan ma ai.

PRU MAT 5:12

Dai rai nna amyu masha ni gaw yihku tam bram la na nga, Egutu mung ting de pru hkawm nga ma ai.

PRU MAT 5:14

Egutu masha mayam hpareng ni gaw bungli woi awn na matu san tawn ai Israela salang ni hpe mung anu kayat ma ai. Shanhte gaw, “Ndai amyu masha ni shawng de nanhte galaw ai shadang hte maren nanhte hpa majaw n galaw nga myit ta?,” ngu nna san ma ai.

PRU MAT 5:6

Hkawhkam wa gaw dai shani jang Egutu masha mayam hpareng ni hte Israela salang ni hpe ning ngu hkang da wu ai: