PRU MAT 40:34 - Jinghpaw Common Language Bible 2009

³⁴ Dai hpang, sumwi gaw Sum hpe ka-up nna, htoi kabrim ai dai Madu a hpung shingkang mung dai hta hpring nga ai.

Jinghpaw Hanson Version Bible

³⁴ Shaloi dai sumwi gaw shawa sum hpe ka-up nna Yehowa a hpung shingkang dai sumpan nta hta hpring nga ai.

PRU MAT 40:34 ပူးပေါင်းရင်းမြစ်များ

2 SAMUELA 7:6

Israela amyu masha ni hpe Egutu mung kaw na ngai hkye mawai la ai shani kaw nna dai ni du hkra htingnu kata e ngai galoi mung n rawng yu nngai; sum kata e nga nga nna ngai kayin hkawm ni ai.

2 HKAWHKAM LABAU 7:2

Dai Nawku Htingnu hta htoi tu ai hpung shingkang hpring nga ai majaw hkinjawng ni kata de n shang lu ma ai.

SHAKAWN KUNGDAWN 26:8

O Madu e, nang nga ai nta hte, na a hpung shingkang shanu nga ai shara hpe ngai tsaw ra nga nngai.

PRU MAT 14:24

Dai Madu gaw jahpawt manap nhtoi hprim hpram re ai aten e, wan shadaw hte sumwi shadaw kaw na Egutu hpyen hpung ni hpe gum yu let, shanhte hpe hkrit kajawng shangun wu ai.

PRU MAT 16:10

Arun gaw shawa hpung ting hpe ga shaga nga yang, shanhte gaw nam mali maga de kayin yu ma ai rai nna, dai htoi kabrim ai Madu a nhtoi gaw sumwi hta akajawng sha dan pru wa nga ai.

PRU MAT 25:8

Amyu masha ni mung nye a matu chyoi pra ai Sum langai galaw lu na rai ma ai, shaloi ngai shanhte hta shanu nga lu na nngai.

PRU MAT 29:43

Dai yang e Israela amyu masha ni hte ngai hkrum nna nye a htoi kabrim ai hpung shingkang hte chyoi pra shangun na nngai.

PRU MAT 33:9

Mawshe dai Sum kata de shang mat wa ai hpang, sumwi shadaw yu hkrat wa nna Sum chyinghka lam hta nga nga yang, dai Madu gaw Mawshe hpe dai sumwi kaw na ga tsun wu ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 6:4

Shanhte a jahtau ai nsen gaw Nawku Htingnu a npawt nhpang hpe ashun awam shangun nga ai, dai Nawku Htingnu nan wan hkut hte hpring nga ai.

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

JAW JAU 16:2

Shi gaw, “Htap htuk ai aten hta chyu sha nba grang shingdu hku dai Chyoi Pra Htum ai Shara kata de na nhpu Arun shang lu na lam tsun u; hpa majaw nga yang, dai Ga Shaka Sumpu ntsa na magap a ntsa e ngai dan pru na nngai. Dai lam hpe shi n madat ai rai yang, sat kau ai hkrum na rai wu ai.

HAGI 2:7

Ngai gaw maigan amyu mahkra hpe jahten kau nna shanhte a arung arai ni ndai shara de la shawn ai hkrum na mara ai. Nawku Htingnu gaw sut rai ni hte hpring na ra ai.

HAGI 2:9

Nawku Htingnu nnan gaw dingsa hta grau hkik hkam na ra ai. Ngai gaw nye a amyu masha ni hpe ngamu ngamai ai hte ngwi pyaw sim sa lam jaw na we ai.” Chyahtum Chyalai N-gun rawng ai dai Madu tsun nu ai.

BU HKAWM 7:89

Mawshe mung dai Madu hte ga shaga na matu Sum kata de shang wa yang, dai Ga Shaka Sumpu a magap ntsa na singkaw tu ai hkrung kanu lahkawng yan a lapran kaw nna dai Madu shi hpe ga shaga ai nsen na wu ai.

ROMA 9:4

Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.

SHINGRAN 15:8

Dai nawku htingnu gaw Karai Kasang a hpung shingkang hte shi a atsam majaw wan hkut hpring ing nna, dai lamu kasa sanit la sa ai ana zinli garai n htum htum gaw, dai nawku htingnu kata de kadai mung n shang lu ai.

SHINGRAN 21:3

Bai ngai gaw, dai tingnyang kaw na shaga pru ai nsen kaba langai mi na nngai. Dai nsen gaw, “Ya Karai Kasang a sum nta gaw shinggyim masha ni hte rau rai nga ai. Shi shanhte hte rau hpawng de nga na rai nna, shanhte gaw shi a amyu masha ni tai na mara ai. Karai Kasang gaw, shi hkum nan shanhte hte rau nga nga na ra ai rai nna, shi gaw shanhte a Karai Kasang tai na ra ai.