PRU MAT 4:31 - Jinghpaw Common Language Bible 2009

³¹ Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

Jinghpaw Hanson Version Bible

³¹ amyu masha ni mung kamsham nga ma ai: Yehowa gaw Israela a kashu kasha ni hpe kawan katsan yu sa ai mung, shan hte hkrum ai ru tsang ai hpe yu ya ai mung shanhte na ma yang, shanhte gum dagup nna nawku ma ai.

PRU MAT 4:31 ပူးပေါင်းရင်းမြစ်များ

NINGPAWT NINGHPANG 17:3

Abram gaw ga du hkra dingnyawm dagup nga yang, Karai Kasang gaw,

NINGPAWT NINGHPANG 24:26

Shaloi dai wa gaw hput di di let dai Madu hpe nawku wu ai.

NINGPAWT NINGHPANG 29:32

Lea hta na-um nasin hkum tai wa nna shadang sha langai shangai wu ai. Lea gaw, “Madu nye a tsin-yam tsindam hpe mu ya nu ai. Ya chyawm gaw nye madu wa ngai hpe tsaw ra lu na nu ai,” ngu nna tsun wu ai. Shing rai shi hpe Rubin ngu nna shamying wu ai.

NINGPAWT NINGHPANG 50:24

Shi gaw shi a kahpu kanau ni hpe, “Ngai si wa na ni ai; rai ti mung Karai Kasang gaw nanhte hpe teng teng lanu lahku nhtawm ndai mung kaw nna woi pru wa let, Abraham, Isak hte Yaku ni hpe dagam let ga sadi jaw da ai mung de nanhte hpe woi wa na marin dai,” ngu nna tsun wu ai.

1 HKAWHKAM LABAU 29:20

Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.

2 HKAWHKAM LABAU 20:18

Dai hpang Hkawhkam Yehoshahpat gaw ga de hkra hkra, shi a myi man gum dagup wu ai rai nna amyu masha ni yawng mung shi hte rau gum dagup let dai Madu hpe nawku ma ai.

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

2 HKAWHKAM LABAU 7:3

Sumsing lamu na wan hkrat wa nhtawm htoi kabrim ai gaw Nawku Htingnu hta hpring nga ai hpe Israela amyu masha ni mu jang, shanhte gaw nlung nep da ai shara e myi man gum dagup let Karai Kasang hpe nawku nhtawm shi a mai kaja ai lam hte htani htana tsaw ra myit a majaw shi hpe shakawn kungdawn nga ma ai.

NEHEMIA 8:6

Ezra gaw, “Dai Madu galu kaba ai Karai Kasang hpe shakawn kungdawn mu!,” ngu nna tsun wu ai. Amyu masha ni yawng mung ntsa de lata sharawt nhtawm, “Amen! Amen!,” ngu nna htan ma ai. Shanhte gaw ga de du hkra gum dagup let hput di nawku ma ai.

YOBA 1:20

Dai hpang Yoba gaw rawt tsap nna shi a hpun palawng ni hpe yawn hkyen ai hte gang je kau wu ai. Shi a baw shangun kau let ga de myi man yawng nhtawm gum dagup nga ai.

PRU MAT 12:27

nanhte gaw, ‘Ndai gaw dai Madu gaw Egutu mung na Israela masha ni a dum nta ni hpe lai kau da ai majaw shi hpe shagrau hkungga na matu galaw ai Shalai Wa Ai Poi a shagu hkungga rai nga ai. Shi gaw Egutu masha ni hpe sat kau ti mung anhte hpe chyawm gaw jahkrung da mi ai,’” ngu nna htan na rai myit dai. Israela masha ni gaw hput di di let nawku ma ai.

PRU MAT 14:31

Dai Madu gaw shi a daru magam n-gun kaba hte Egutu masha ni hpe dang kau lu nu ai lam hpe Israela masha ni mu ma ai shaloi, shanhte gaw dai Madu hpe hkrit nga ma ai; shanhte gaw dai Madu hte shi a shangun ma Mawshe hpe kam sham ma ai.

PRU MAT 19:8

Dai hpang amyu masha ni yawng gaw, “Dai Madu hkang da mada mahkra hpe anhte galaw na ga ai,” ngu nna jawm htan mu ai. Mawshe gaw dai lam dai Madu hpe bai htawn shana ya wu ai.

PRU MAT 19:9

Dai Madu gaw Mawshe hpe, “Ngai nang kaw htat ai sumwi hte du na ring ngai, amyu masha ni mung nang hte ngai shaga ai ga na la na ma ai majaw ya kaw nna nang hpe kam sham wa na mara ai,” ngu nna tsun wu ai. Mawshe gaw amyu masha ni kaning nga htan ai ga dai Madu hpe tsun dan wu ai;

PRU MAT 2:25

Shi gaw Israela amyu masha ni a mayam lit hpe mu ya nna, shi shanhte hpe yu matsan dum wu ai.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

PRU MAT 3:18

Shaloi nye a amyu masha ni hpe nang tsun ai ga shanhte madat mara na mara ai. Dai hpang nang gaw Israela ni a ningbaw ni hte rau Egutu hkawhkam kaw sa nna shi hpe, ‘Hebre masha ni a Madu Karai Kasang gaw shi hkum nan anhte hpe madun dan mani ai. Anhte a Madu Karai Kasang hpe shagu hkungga nawng jau lu na matu, nam mali de masum ya sat sa lu na ahkang ya anhte hpe jaw mi,’ ngu nna sa tsun masu.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

PRU MAT 33:10

Dai Sum chyinghka lam e sumwi shadaw nga nga ai hpe amyu masha ni mu ai hte rau shanhte gum dagup ma ai.

PRU MAT 34:8

Mawshe mung ga de du hkra tin tin gum dagup nhtawm nawku wu ai.

PRU MAT 4:5

Dai Madu gaw, “Shanhte a kaji kawa ni a Karai Kasang, Abraham, Isak hte Yaku ni a Madu Karai Kasang nang kaw dan pru ai gaw Israela amyu masha ni hpe sakse madun dan na matu rai nga ai majaw dai amu hpe galaw u,” ngu nna tsun wu ai.

ZEHPANI 2:7

Naw ngam nga ai Yuda amyu masha ni gaw nanhte a lamu ga hpe madu la kau ya na mara ai. Shanhte gaw shanhte a sagu hpung ni hpe ushat shayaw nna Ashkelon mare na nta ni hta yup na mara ai. Dai Madu shanhte a Karai Kasang gaw shanhte hte rau nga nga nna shanhte hpe kalang mi bai ngamu ngamai shangun na ra ai.

LUKA 1:68

“Dai Madu Israela a Karai Kasang hpe shakawn kungdawn shagrau sha-a nga ga law! Shi a amyu Israela hpe karum la na kawan yu sa nna shanhte hpe shalawt dat nu ai.

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

RUHTA 1:6

Aten ladaw mi na ai hpang, dai Madu gaw shi a amyu masha ni hpe nsi naisi kaja kat shangun ai hte shaman ya ai shiga hpe Naomi na wu ai shaloi, shi a kanam yan hte rau Moba mung kaw nna rawt pru mat wa na shajin da wu ai.