PRU MAT 4:21 - Jinghpaw Common Language Bible 2009

²¹ Dai hpang e mung dai Madu gaw Mawshe hpe, “Ya chyawm gaw Egutu mung de nang nhtang sa wa nga ndai rai nna mauhpa lamik kumla yawng galaw na matu ngai nang hpe jaw da sai daru magam n-gun hte hkawhkam wa a man e galaw shapraw na amu hpe dum nga u. Rai ti mung hkawhkam wa a myit hpe ngai shaja ya na rai nna amyu masha ni hpe wa shangun na wu ai n rai.

Jinghpaw Hanson Version Bible

²¹ Bai Yehowa gaw, Egutu mung de nang sa du yang, nang hpe ngai ap ya ai mauhpa amu lam yawng Hpara-u a man e galaw dan lu na, dum nga u: shing di madun timung, ngai shi a masin shaja ya na we ai rai nna dai amyu hpe shi dat dat hkraw na n rai.

PRU MAT 4:21 ပူးပေါင်းရင်းမြစ်များ

ROMA 9:18

Dai rai nna Karai Kasang gaw, Kadai hpe mung chyeju galaw mayu yang galaw nga ai, kadai hpe mung myit shaja mayu yang shaja ya nga ai.

ESAIA 63:17

Anhte hpe na a lam ni kaw na hpa majaw shayit kau nga n ta? Anhte nang kaw na kayin mat wa hkra, anhte hpe hpa majaw du shaja ya nga n ta? Nang hpe daw jau nga ai ni a matu, na a matu tut nawng rai nga ai amyu masha ni a matu, bai wa rit.

YAWSHU 11:20

Israela amyu masha ni hpe hkap gasat gwi hkra dai Madu shanhte hpe daw dan shangun wu ai. Shaloi shanhte mahtang atsai awai jahten sharun kau na matu daw dan ai hkrum nna matsan dum myit n rawng ai sha shanhte yawng sat kau ai hkrum na rai ma ai. Ndai gaw dai Madu Mawshe hpe hkang da ai hte maren rai nga ai.

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

PRU MAT 14:8

Dai Madu mung hkawhkam wa hpe myit shaja ya wu ai rai nna shi gaw awng padang hte pru mat wa nga ai Israela masha ni hpe hkan shachyut wu ai.

PRU MAT 9:35

dai Madu gaw Mawshe hpe tsun da nu ai hte maren, Israela amyu masha ni hpe hkawhkam wa dat dat ya wu ai n rai.

PRU MAT 9:12

Rai ti mung dai Madu gaw hkawhkam wa hpe myit shaja ya wu ai rai nna dai Madu tsun da nu ai hte maren, Mawshe yan Arun a ga hpe hkawhkam wa n madat ya wu ai.

PRU MAT 7:13

Dai Madu tsun ai hte maren, hkawhkam wa a myit masin ja nga lu ai rai nna hkawhkam wa gaw Mawshe yan Arun a ga hpe n madat ya wu ai.

PRU MAT 3:20

Rai ti mung nye a daru magam n-gun hpe ngai lang nhtawm mauhpa amu ni hte jahkrit shama let Egutu mung hpe ari jaw na we ai. Dai hpang shi nanhte hpe sa wa shangun na ra ai.

PRU MAT 10:20

Rai ti mung dai Madu gaw hkawhkam wa hpe myit shaja ya wu ai rai nna, Israela ni hpe dat dat ya na n hkraw wu ai.

PRU MAT 7:3

Rai ti mung hkawhkam wa a myit masin hpe ngai shaja ya na nngai; ngai gaw Egutu mung hta hkrit hpa kumla law law hpe kade mi galaw tim, na a ga hpe madat na n rai. Shaloi ngai gaw Egutu mung hta grai sawng ai ari kaba shabyin dat nhtawm nye a amyu masha ni a amyu bawsang ni hpe dai mung kaw nna woi shapraw la na nngai.

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

SHAKAWN KUNGDAWN 105:25

Shi gaw Egutu masha amyu ni hpe shi a amyu masha ni hte n ju n dawng shangun nna; shi a shangun ma ni hte hkalem hkalau amu shabyin dat wu ai.

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

TARA JAHPRANG 2:36

Dai Madu anhte a Karai Kasang gaw Arnon Kadit makau na Aroera hte dai Kadit ka-ang e nga ai mare kaw na Gilead mung lam dingyang hkan nga ai mare ni yawng hpe dang la shangun mi ai. Anhte a matu nau wa ja la ai ngu na bunghku hte kum da ai mare langai mi mung n nga nga ai.

NINGPAWT NINGHPANG 6:3

Dai hpang dai Madu gaw, “Shinggyim masha ni hpe ngai htani htana ahkrung nga shangun na n rai; shanhte gaw si chye ai ni rai nga ai. Shanhte gaw ya kaw nna asak latsa e hkun ning hta n jan ai sha nga lu na rai ma ai,” ngu nna tsun wu ai.

PRU MAT 8:32

Rai ti mung ndai aten du hkra, hkawhkam wa masin naw ja nga ai rai nna amyu masha ni hpe n dat ya hkraw wu ai.

PRU MAT 10:1

Dai hpang dai Madu gaw Mawshe hpe, “Hkawhkam wa kaw sa yu su. Shanhte a ka-ang e ndai mauhpa lamik kumla ni galaw dan na matu mung,

PRU MAT 10:27

Dai Madu mung hkawhkam wa hpe myit shaja ya wu ai rai nna shi shanhte hpe n dat ya wu ai.

PRU MAT 11:9

Dai Madu gaw Mawshe hpe, “Ngai gaw Egutu mung ting hta nye a mauhpa lamik kumla ni grau nna galaw lu na matu, hkawhkam wa gaw na a ga hpe madat ya na ra ai n rai,” ngu nna tsun wu ai.

PRU MAT 11:10

Mawshe yan Arun gaw ndai mauhpa lamik kumla ni yawng hkawhkam wa a man e galaw dan ma ai, rai ti mung dai Madu gaw shi hpe masin shaja ya ai rai nna, shi gaw Israela amyu masha ni hpe shi a mung kaw na pru wa shangun wu ai n rai.

SHAKAWN KUNGDAWN 78:43

Egutu mung, Zoan pa layang e, shi a laklai ai amu ni hte mauhpa lamik kumla ni hpe madun dan nga sai lam hpe shanhte malap kau manu ai.

PRU MAT 3:19

Egutu hkawhkam wa chyawm gaw n-gun kaba hte shadut n hkrum hkrum gaw nanhte hpe sa wa shangun na n rai nga ai gaw ngai chye nngai.

PRU MAT 8:11

Shu ni gaw nang hte na a du salang ni kaw na mung, na a mung masha ni kaw na mung pru mat wa nhtawm, Nila hka nu hta kaga, dai yang hkan langai mi mung ngam na n rai,” ngu nna tsun wu ai.

PRU MAT 8:15

Hkawhkam wa gaw shu ni si jawng nga ai hpe mu jang, dai Madu tsun da nu ai hte maren, shi a myit masin bai ja wa ai hte Mawshe yan Arun a ga bai n madat ya wu ai.

PRU MAT 14:17

Ngai gaw Egutu masha ni hpe masin shaja ya ai hte shanhte mung dai ni a hpang e hkan shang nang na mara ai; hkawhkam wa hte shi a hpyen luksuk ni, shi a gumra leng ni hte hpyen leng hkang ai ni a ntsa e nye a awng padang hpe shagrau sha-a hkam la na we ai.