PRU MAT 4:2 - Jinghpaw Common Language Bible 2009

² Dai rai nna dai Madu gaw shi hpe, “Nang lang da ai gaw hpa rai nga lit ta?,” ngu nna san wu ai. Shi mung dai gaw, “Dawhkrawng langai rai nga ai,” ngu nna htan wu ai.

Jinghpaw Hanson Version Bible

² Dai majaw Yehowa gaw, “Dai nang lang ai hpa rai lit ta?” ngu wu yang, shi gaw, “Dawhkrawng rai li ai,” ngu wu ai.

PRU MAT 4:2 ပူးပေါင်းရင်းမြစ်များ

NINGPAWT NINGHPANG 30:37

Yaku gaw popala, batan hte paling hpun na tsit ai hpun lakung ni hpe dan la nna hpun hpyi nkau mi hpe gang gaw wu ai; dai lakung ni hta ahpraw bai bai rai hkra gadoi dumrit ashit da wu ai.

2 HKAWHKAM 4:2

Shi gaw, “Na a matu hpa galaw ya na rai nga a ta?, ngai hpe tsun dan rit, nta e nang hpa lu tawn da n ni?,” ngu nna san wu ai. Shi gaw, “Tsanlun sau di bu kaji hta kaga, hpa mung ngai n lu nngai,” ngu nna htan wu ai.

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

PRU MAT 4:17

Ndai dawhkrawng hpe mung nang hte rau lang da u; dai hte mahtang mauhpa lamik kumla ni hpe shabyin lu na rai ndai,” ngu nna tsun wu ai.

PRU MAT 4:20

Dai rai nna Mawshe gaw shi a madu jan hte shadang sha yan hpe woi nna lawze hta shajawn nhtawm shanhte hte rau Egutu mung de sa wa ma ai. Karai Kasang shi hpe tsun da nu ai hte maren dawhkrawng hpe mung shi lang da wu ai.

PRU MAT 7:15

Dai rai nna, shi Nila hka nu de yu sa ai jahpawt manap aten hta shi hpe sa hkrum mu. Nan hte yep lapu tai ai dawhkrawng hpe mung la lang nna dai hka hkin-gau e shi hpe la nga mu.

PRU MAT 7:9

“Hkawhkam wa nan hpe mauhpa lamik kumla langai madun ya mi, ngu nna hpyi yang, dawhkrawng la nna hkawhkam wa a man e kabai tawn u ngu Arun hpe tsun u, dai gaw lapu tai na ra ai,” ngu nna tsun wu ai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

JAW JAU 27:32

Nta e rem da ai yam nga ni hta na htam shi hta na htam mi gaw dai Madu a matu rai nga ai. Yam nga ni hpe hti yu yang htam shi hta na htam mi shagu gaw dai Madu a matu rai nga ai.

MIHKA 7:14

Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.