PRU MAT 4:18 - Jinghpaw Common Language Bible 2009

¹⁸ Dai hpang Mawshe gaw shi a katsa Yehtru kaw nhtang wa nna shi hpe, “Egutu mung na nye a jinghku kahpu kanau ni naw hkrung nga ma ai kun? Dai ni hpe sa yu na nngai majaw chyeju hte ngai hpe nhtang wa shangun e,” ngu nna tsun wu ai. Yehtru mung myit hkrum ya ai hte shi hpe shakram dat wu ai.

Jinghpaw Hanson Version Bible

¹⁸ Shaloi Mawshe gaw, shi a katsa Yehtru kaw wa nna, “Egutu mung e nga ai ngai hpu ngai nau ni naw hkrung nga ma ai kun, ngai wa yu na, ngai e dat dat e,” ngu nna shi hpe tsun wu ai: Yehtru mung, “Angwi apyaw wa su,” ngu nna Mawshe hpe dat dat wu ai.

PRU MAT 4:18 ပူးပေါင်းရင်းမြစ်များ

NINGPAWT NINGHPANG 45:3

Yosep gaw shi a kahpu kanau ni hpe, “Ngai gaw Yosep rai nga nngai; nye a wa naw hkrung nga a ni?,” ngu nna san wu ai. Rai ti mung shi a kahpu ni dai lam hpe na ma ai shaloi ga n lu htan mat ma ai hte grai hkrit gari mat ma ai.

2 HKAWHKAM 5:10

Elisha gaw shi hpang de shangun ma langai mi shangun dat nhtawm shi hkum hpe Yawdan hka e sanit lang sa tsing jang shi a manggang ana tsep kawp mai tsai mat na ra ai lam, tsun shangun wu ai.

2 HKAWHKAM 5:19

Elisha gaw, “Ngwi pyaw sim sa ai hte wa sanu,” ngu nna tsun wu ai. Shaloi Naman pru mat wa wu ai. Ya shi lam daw mi kaw sha naw du yang,

PRU MAT 2:21

Dai rai nna, dai yang e shanu nga na matu Mawshe myit jahkut da wu ai rai nna, Yehtru mung shi a shayi sha Zihpura hpe jaw nna hkungran ya wu ai;

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

LUKA 7:50

Rai ti mung, Yesu gaw numsha hpe, “Na a kam sham ai gaw nang hpe hkye la nit dai, apyaw sha wa nu,” ngu nna tsun dat wu ai.

KASA 15:36

Dai hpang nhtoi ram ram na wa jang Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai hpe bai sa kawan yu saga,” nga nna tsun wu ai.

KASA 16:36

Shaloi htawng agyi wa, dai ga Pawlu hpe tsun dan wu ai gaw, “Nan hpe dat dat na, mare tara agyi ni hkang dat ma ai majaw, ya angwi apyaw sha pru wa manu!” ngu mu ai.

1 TIMOHTI 6:1

Mayam re ai ni gaw tinang a madu ni hpe hkungga lara ging ai ni re ngu nna hkam la ra ma ai. Shaloi she kadai mung Karai Kasang a mying ningsang hte anhte sharin shaga ai lam hpe n kaja ai hku jahpoi asawng na ma ai n rai.

TARA AGYI 18:6

Dai hkinjawng wa gaw, “Dai lam nanhte hpa mung myit n ru ra myit dai. Dai Madu gaw ndai hkrun lam hta nanhte hpe bau sin lanu lahku ya nga ai,” ngu nna htan wu ai.

1 SAMUELA 1:17

Eli gaw, “Ngwi pyaw sim sa ai myit hte wa sanu; ya nang shi kaw hpyi nit dai hte maren, Israela a Karai Kasang gaw nang hpe jaw nit ga law,” ngu nna tsun wu ai.