PRU MAT 4:12 - Jinghpaw Common Language Bible 2009

¹² Ya chyawm gaw sa wa su! Nang shaga lu na matu ngai karum na de ai; kaning ngu nna nang tsun shaga na mung ngai tsun dan na de ai,” ngu nna tsun wu ai.

Jinghpaw Hanson Version Bible

¹² Dai rai nna ya sa wa su; na n-gup hta ngai nga nna, nang kaning ngu tsun na gaw, ngai sharin ya na da ai,” ngu wu ai.

PRU MAT 4:12 ပူးပေါင်းရင်းမြစ်များ

SHAKAWN KUNGDAWN 105:26

Dai hpang, shi lata san da sai shi a shangun ma Mawshe hte Arun yan hpe shi shangun dat wu ai.

SHAKAWN KUNGDAWN 143:10

Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

SHAKAWN KUNGDAWN 32:9

Ga madat na matu hpri makrang hte gumhtung sumri ni hte hkang ra ai gumra hte lawze ni zawn machye machyang n rawng hkum rai myit,” nga nna tsun ai.

PRU MAT 3:12

Karai Kasang gaw, “Ngai nang hte rau rai nga na nngai, dai re ai majaw amyu masha ni hpe Egutu mung kaw na nang woi shapraw wa ai shaloi nanhte ngai hpe ndai bum ntsa e nawku lu na rai myit dai. Dai gaw ngai nang hpe shangun dat ai sakse tai na ra ai,” ngu nna htan wu ai.

PRU MAT 4:13

Rai ti mung Mawshe mahtang, “Madu e, n rai na nngai, chyeju hte marai langai ngai hpe mahtang alak mi shangun u,” ngu nna htan wu ai.

PRU MAT 4:15

Nang gaw shi hte rau ga shaga lu na rai nna, kaning ngu tsun na ga shi hpe tsun dan u. Ngai gaw nan lahkawng tsun shaga na ga hpe karum ya na nngai; ngai gaw nan hpa galaw na lam hpe mung tsun dan na made ai.

PRU MAT 4:16

Shi gaw na a malai ga shaga ya nna amyu masha ni hpe na a matu mung shiga shana ya na ra ai. Nang mung Karai Kasang zawn tai nna kaning ngu tsun na lam shi hpe tsun dan na ndai.

ESAIA 49:2

Shi gaw nye a n-gup hpe dai ai nhtu zawn shatai nu ai. Shi a lata hte nan ngai hpe makawp maga da nga ai. Shi gaw ngai hpe lang na matu jin jin masen da ai pala zawn shatai nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

BU HKAWM 16:28

Mawshe gaw amyu masha ni hpe, “Ndai amu ni yawng nye a myit ra ai hku n rai; dai Madu shangun ai hku ngai galaw nngai hpe nanhte chye lu na rai myit dai.

MARKU 13:11

Nanhte hpe rim la nna tara jawng de ap kau myit yang, kaning ngu nna ga tsun na, myit hkum ru myit: dai aten du ai shaloi nanhte hpe tsun shangun ai hte maren tsun dan mu. Hpa majaw nga yang, nanhte tsun ai ga ni gaw nanhte a ga ni n rai nga ai, Chyoi Pra ai Wenyi a ga ni she rai nga ai.

LUKA 11:1

Lani mi na nhtoi hta, Yesu gaw shara mi hta akyu hpyi nga ai. Shi akyu hpyi ngut jang, shi a sape ni hta na langai mi gaw, “Madu e, Yawhan gaw shi a sape ni hpe akyu hpyi sharin ya ai zawn, anhte hpe mung sharin ya mi,” ngu nna shi hpe tsun wu ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

EHPESU 6:19

Ngai tsun na matu jin ai ten hta Karai Kasang ngai hpe mung sumtu jaw u ga, hte dai Kabu Gara Shiga a sung htum ai lachyum hpe n hkrit n kang nden marai hte tsun dan lu hkra nye a matu mung akyu hpyi nga mu.

TARA JAHPRANG 18:18

Nang zawn re ai myihtoi langai, shanhte hpang de shangun dat ya na we ai; shi kaning ngu tsun na ga, shi hpe ngai tsun dan na we ai. Shing rai shi gaw ngai hkang da mada lam magup amyu masha ni hpe tsun dan na rai wu ai.