PRU MAT 4:11 - Jinghpaw Common Language Bible 2009

¹¹ Dai Madu gaw shi hpe, “Masha a n-gup hpe kadai jaw a ta? Ma-a ai hte na lahpang ai wa hpe kadai galaw a ta? Myi mu hkra shi hpe kadai jaw nna, kadai wa myi kyaw shangun a ta? Dai gaw Ngai Madu nan rai nga nngai.

Jinghpaw Hanson Version Bible

¹¹ Dai majaw Yehowa hpe gaw, “Masha a n-gup kadai shatut ya ai rai ta? ma-a ai hte na lahpang ai, myi mu ai hte myi kyaw ai wa hpe kadai hpan da a ta? ngai Yehowa hpan da ai n rai ni?

PRU MAT 4:11 ပူးပေါင်းရင်းမြစ်များ

NINGPAWT NINGHPANG 11:7

Anhte yu sa nna, shanhte a ga hpe shanut kau ya ga; shaloi shada da tsun hkat ai ga hpe shanhte n chye na mat na mara ai,” ngu nna tsun wu ai.

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

SHAKAWN KUNGDAWN 146:8

Myi n mu ai ni hpe myi shamu ya nna, kataw ai ni hpe shi sharawt la nga ai; shi a ding hpring ai masha ni hpe shi tsaw ra nga ai.

SHAKAWN KUNGDAWN 51:15

Madu e, ga shaga lu na matu, ngai hpe karum la e; shing rai, ngai nang hpe shakawn na nngai.

SHAKAWN KUNGDAWN 94:9

Karai Kasang gaw anhte a na ni hpe hpan da ya mani ai-shi anhte hpe ari n jaw na rai wu ni? Karai Kasang gaw anhte a myi ni hpe hpan da ya mani ai-shi n mu lu na rai wu ni?

GA SHAGAWP 20:12

Dai Madu gaw anhte hpe mu lu na myi hpe mung, na lu na na hpe mung jaw ya mani ai.

ESAIA 42:7

Nang gaw myi n mu ai ni hpe myi hpaw ya nna nsin htawng hta sharen da hkrum ai ni hpe shalawt dat na rin dai.

ESAIA 6:7

Shi gaw dai grung nga ai wan n-ga hte nye a nten hpe ahtawk ya let, “Ndai hte na a nten hpe hkra ya sai, ya gaw na a mara mung n nga mat nit dai, na a yubak ni hpe raw dat kau ya sai,” ngu nna tsun ai.

YEREMIA 1:6

Ngai gaw, “Tsaw Htum ai Madu e, ngai gaw kaning ngu shaga na n chye nngai; ngai gaw nau naw kaji nga nngai,” ngu nna htan we ai.

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

EZEKELA 33:22

Shi garai n du shang ai shawng shana de kaw nna daru magam n-gun rawng ai dai Madu a hpung shingkang hpe ngai hkrum hkra ni ai. Dai wa du wa ai hpang jahpawt hta, dai Madu gaw ngai hpe tsun shaga na n-gun atsam bai jaw ya nga sai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

LUKA 1:20

Yu u, dai ahkying du yang dik wa na ra ai nye a ga sadi hpe nang n kam ndai majaw, dai amu byin ai du hkra, ga n tsun lu ai ma-a na rin dai,” ngu nna shi hpe tsun wu ai.

LUKA 1:64

Dai hkring mi hta shi a n-gup hpaw ai hte shinglet yan nna ga bai lu shaga nu ai rai nna Karai Kasang hpe shakawn kungdawn nga ai.

YAWHAN 10:21

Rai ti mung nkau mi gaw, nat shung ai masha langai mi ndai zawn nga nna n tsun shaga lu ai! nat gaw myi n mu ai masha hpe gara hku myi hpaw ya lu a ni?,” nga ma ai.