PRU MAT 39:1 - Jinghpaw Common Language Bible 2009

¹ Dai Madu Mawshe hpe hkang da ai hte maren, dai chyoi pra ai shara e, shanhte daw jau yang, hkinjawng bu hpun palawng ni bu hpun na matu reng ai hpun palawng hpe mung, Arun a matu hkinjawng hpun palawng hpe mung, sawm tsit ai, shaba pu nsam rawng ai hte hkyeng ai sagu ri ni hte galaw ma ai.

Jinghpaw Hanson Version Bible

¹ Bai, Yehowa Mawshe hpe hkang da ai hte maren, dai chyoi pra ai shara e daw jau yang bu hpun na matu reng hkik ai hpun palawng mung, Arun bu hpun na chyoi pra ai hpun palawng mung, sawm tsit ai, hkyeng mang ai, hkyeng tsawm ai sumpan hte shanhte galaw mu ai.

PRU MAT 39:1 ပူးပေါင်းရင်းမြစ်များ

SHAKAWN KUNGDAWN 93:5

Madu e, na a hkang da ai tara ni gaw htani htana agrin nga ai, na a Nawku Htingnu mung teng teng chyoi pra nga nna, htani htana agrin nga ai.

PRU MAT 25:4

mani tsawm ai lachyit sumpan, sawm tsit ai ri, shaba pu nsam pru ai ri hte hkyeng ai ri, bainam mun hte da ai sumpan;

PRU MAT 26:1

“Nye a hpung shingkang shanu nga ai Sum ngu ai, kata na chyoi pra ai Sum hpe sawm tsit ai ri, shaba pu nsam rawng ai ri hte hkyeng ai ri ni hte da da ai mani tsawm ai lachyit sumpan grang shi galaw na rai nga ai. Dai ni hpe singkaw tu ai hkrung kanu ni a hkrang sumla ni hte ka shakap na rai nga ai.

PRU MAT 28:5

Lata hpaji kungkyang ai masha ni mung sawm tsit ai, shaba pu nsam rawng ai hte hkyeng ai sagu ri hte ja ri ni hte hpawn mani tsawm ai lachyit sumpan ni lang na rai ma ai.

PRU MAT 31:10

Arun hte shi a shadang sha ni hkinjawng amu gun hpai daw jau yang hpun ai reng ai hpun palawng ni,

PRU MAT 35:19

Hkinjawng ni Chyoi Pra ai Shara hta shanhte daw jau yang hpun ai dai reng ai hpun palawng ni, hkinjawng Arun hte shi a shadang sha ni bu hpun na chyoi pra ai hpun palawng ni hpe galaw na rai myit dai,” ngu nna tsun wu ai.

PRU MAT 35:23

Mani tsawm ai lachyit sumpan, sawm tsit ai, shaba pu nsam rawng ai, hkyeng ai sagu ri, bainam mun hte da ai sumpan, jaw jahkyeng da ai sagu la hpyi, mani tsawm ai shanhpyi lu ai ni kadai mung la sa shajang ma ai.

PRU MAT 38:31

wang grup grup a matu machyaw ni, wang chyinghka a matu machyaw ni hte Sum hte wang grup yin na mailak ni hpe galaw wu ai.

PRU MAT 39:41

hkinjawng ni Chyoi Pra ai Shara hta hpun na reng ai hpun palawng ni; hkinjawng Arun hte shi a shadang sha ni hpun na chyoi pra ai hpun palawng ni hpe Mawshe hpang de la sa ma ai.

EZEKELA 42:14

Hkinjawng ni Nawku Htingnu kata nga ai hte wang shinggan de pru hkawm sa mayu ai shaloi, dai Madu a matu daw jau yang lang ai chyoi pra ai hpun palawng ni hpe dai gawk ni hta galai da ra nga ma ai. Shanhte gaw masha hpawng de ai shara de garai n pru sa yang, kaga hpun palawng ni hpe hpun la ra nga ma ai,” ngu nna tsun ai.

EZEKELA 43:12

Ndai gaw Nawku Htingnu a tara rai nga ai: Bum pungding hte de a grup yin shara ni yawng chyoi pra san seng ai shara rai nga ai,” ngu nna tsun ai.

HEBRE 9:12

Hkristu gaw Chyoi Pra Htum ai Shara kata de kalang mi hte ngut hkra shang ai shaloi, hkungga nawng na matu bainam sai, usu sai n la shang ai sha, shi nan a asai hte shang nna anhte a matu htani htana hkye hkrang la ai lam lu la nu ai.

HEBRE 9:25

Yuda hkinjawng agyi wa gaw dusat sai lang nna shaning shagu dai Chyoi Pra Htum ai Gawk de shang shang rai nga ai. Rai ti mung Hkristu chyawm gaw tinang hkum hpe law law lang nawng ya ai n rai.