PRU MAT 38:9 - Jinghpaw Common Language Bible 2009

⁹ Shi gaw dai Madu a hpung shingkang shanu nga ai Sum a matu mani tsawm ai lachyit sumpan nba grang langai galaw wu ai. Dingda maga de na nba grang gaw pe 150 galu nna,

Jinghpaw Hanson Version Bible

⁹ Dai wang mung shi galaw wu ai: dai wang a maga mi na matu, dingda maga ngu na de, kaboi ngut sai mani ai lachyit ri hte dawng latsa galu ai wanggrang langai mi galaw wu ai:

PRU MAT 38:9 ပူးပေါင်းရင်းမြစ်များ

1 HKAWHKAM 6:36

Nawku Htingnu a man na kata wang hpe mung galaw nhtawm tawk da ai nlung masum tawn da shagu arit hpun dangbat langai ngai tawn mara mat wa ai shakum hpe kum shinggrup da nga ai.

SHAKAWN KUNGDAWN 100:4

Nawku Htingnu chyinghka ni de, chyeju dum ai myit hte shang mu; dai Nawku Htingnu a wang kata de shakawn kungdawn let shang sa mu. Shi hpe chyeju dum mu, shi hpe shakawn mu.

SHAKAWN KUNGDAWN 84:10

Na a Nawku Htingnu hta lani mi sha nga lu ai gaw kaga shara e, nhtoi hkying mi nga ai hta grau kaja nga ai; Ngai gaw tara n lang ai wa a nta ni hta nga lu ai gaw Karai Kasang a nta chyinghka hkinbawng hta e, tsap nga na hpe, grau nna tsaw nga nngai.

SHAKAWN KUNGDAWN 84:2

Dai shara hta ngai kade wa nga mayu nga a hka! Madu a Nawku Htingnu kata hta shanu nga lu na ngai marit nga nngai. Nye a hkum hkrang, myit masin mahkra hte hte, ahkrung nga ai Karai Kasang hpe ngai kabu gara mahkawn shakawn nga nngai.

SHAKAWN KUNGDAWN 89:7

Nang gaw chyoi pra ai ni a hpawng hta hkrit hkungga ai lam hkam la lu nga ndai; shanhte yawng hte gaw nang hpe mau mahka let tsap nga ma ai.

SHAKAWN KUNGDAWN 92:13

Dai ni gaw Madu a nta hta hkai da nna, anhte a Karai Kasang a Htingnu hta lali tsawm nga ai hpun ni hte bung nga ma ai.

PRU MAT 26:1

“Nye a hpung shingkang shanu nga ai Sum ngu ai, kata na chyoi pra ai Sum hpe sawm tsit ai ri, shaba pu nsam rawng ai ri hte hkyeng ai ri ni hte da da ai mani tsawm ai lachyit sumpan grang shi galaw na rai nga ai. Dai ni hpe singkaw tu ai hkrung kanu ni a hkrang sumla ni hte ka shakap na rai nga ai.

PRU MAT 38:10

magri mang machyaw hkun hte shadaw hkun hte jung shangang da nhtawm chyinghkyi ni hte ngaugran ni hpe gumhpraw hte galaw wu ai.

PRU MAT 40:33

Mawshe gaw Sum hte tawn hkungri grup yin e wang shakum sharawt da nna dai wang a chyinghka lam e chyinghka grang hpe grang da wu ai. Shing rai shi gaw amu yawng mayawng hpe shangut da nga ai.

PRU MAT 40:8

Wang grup grup hta mung wang grang sharawt da nhtawm, de a shang wa chyinghka lam e chyinghka grang grang da na rai ndai.

BU HKAWM 3:26

Sum hte tawn hkungri grup grup na wang grang hte wang chyinghka na nba grang ni hte dai ni hte seng ai arai yawng mayawng hte hpe lit la yu lajang na rai ma ai.

BU HKAWM 4:26

Sum hte tawn hkungri grup grup na wang hta lang ai nba grang ni hte sumri ni, wang chyinghka a matu nba grang hte dai ni hpe htuk shachyaw ai arai hte sharawt yang lang ai arai ni yawng hpe shanhte galaw na rai ma ai.