PRU MAT 38:18 - Jinghpaw Common Language Bible 2009

¹⁸ Dai wang chyinghka hta grang na matu, sawm tsit ai, shaba pu nsam rawng ai hte hkyeng ai sagu ri ni hte mani tsawm ai lachyit sumpan da nna, dai hta maka ka shatsawm da ai chyinghka nba grang rai nga ai. Dai gaw galu de pe 30 rai nna tsaw de pe 7 chyen rai nga ai, dai gaw wang grang zawn rai nga ai.

Jinghpaw Hanson Version Bible

¹⁸ Dai wang chyinghka e grang na matu, sawm tsit ai, hkyeng mang ai, hkyeng tsawm ai, kaboi ngut sai mani ai lachyit ri hte ka chye ai masha da ai chyinghka grang rai nga ai: dai gaw galu de dawng hkun rai nna tsaw de gaw wanggrang kaga ni hte marendawng manga rai nga ai.

PRU MAT 38:18 ပူးပေါင်းရင်းမြစ်များ

2 HKAWHKAM LABAU 3:14

Chyoi Pra Htum ai Shara a matu nba grang langai mi hpe mung, mut ai, shaba pu nsam rawng ai hte hkyeng ai nsam pru ai ri ni hpe jaw la nna mani ai lachyit ri ni, kaga arung arai ni hte singkaw tu ai hkrung kanu nba grang hpe galaw wu ai.

PRU MAT 26:1

“Nye a hpung shingkang shanu nga ai Sum ngu ai, kata na chyoi pra ai Sum hpe sawm tsit ai ri, shaba pu nsam rawng ai ri hte hkyeng ai ri ni hte da da ai mani tsawm ai lachyit sumpan grang shi galaw na rai nga ai. Dai ni hpe singkaw tu ai hkrung kanu ni a hkrang sumla ni hte ka shakap na rai nga ai.

PRU MAT 26:36

“Sum a shang wa chyinghka lam a matu sawm tsit ai ri, shaba pu nsam pru ai ri hte hkyeng ai ri ni hte mani tsawm ai lachyit sumpan hpe da nna, maka ka shatsawm da ai nba grang langai galaw na rai nga ai.

PRU MAT 38:17

Shadaw machyaw hpe magri mang hte galaw nna, chyinghkyi ni hte ngaugran ni hpe gumhpraw hte mung, shadaw matu ni hpe gumhpraw ni hte sup da nga ai. Wang grup jung da ai shadaw ni yawng hte gumhpraw ngaugran ni hpe matut da nga ai.

PRU MAT 38:19

Dai hpe machyaw mali hta shadaw mali hte jung shangang da nga ai; chyinghkyi ni hpe mung, shadaw shadaw matu ni hte ngaugran ni hpe mung gumhpraw hte galaw da nga ai.