PRU MAT 33:9 - Jinghpaw Common Language Bible 2009

⁹ Mawshe dai Sum kata de shang mat wa ai hpang, sumwi shadaw yu hkrat wa nna Sum chyinghka lam hta nga nga yang, dai Madu gaw Mawshe hpe dai sumwi kaw na ga tsun wu ai.

Jinghpaw Hanson Version Bible

⁹ Ya Mawshe dai sum kata de shang yang, sumwi shadaw yu hkrat wa nna, sum chyinghka lam e tu nga let, Yehowa Mawshe hte ga tsun wu ai.

PRU MAT 33:9 ပူးပေါင်းရင်းမြစ်များ

NINGPAWT NINGHPANG 17:22

Karai Kasang gaw Abraham hpe ga shaga ngut jang shi kaw nna lung mat wa wu ai.

NINGPAWT NINGHPANG 18:33

Abraham hte shaga ngut ai hpang dai Madu mung wa mat wa nna Abraham mung shi a dum nta de nhtang mat wa wu ai.

SHAKAWN KUNGDAWN 99:7

Shi gaw shanhte hpe sumwi shadaw kaw nna ga tsun nu ai; dai Madu shanhte hpe jaw ya ai tara ni hte hkang da ai ga ni hpe shanhte madat mara hkan nang nga ma ai.

PRU MAT 25:22

Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

PRU MAT 33:10

Dai Sum chyinghka lam e sumwi shadaw nga nga ai hpe amyu masha ni mu ai hte rau shanhte gum dagup ma ai.

PRU MAT 33:11

Dai Madu gaw jinghku shada da tsun shaga hkat ai zawn Mawshe hte myi man hkrum rai nna shaga wu ai. Dai hpang Mawshe mung dap de bai nhtang mat wa wu ai. Rai ti mung, shi hpe karum ai shabrang ngu na Nun a shadang sha Yawshu chyawm gaw Sum kata e naw nga nga ai.

PRU MAT 33:8

Mawshe dai shara de pru sa wa ai aten shagu hta amyu masha ni shanhte a Sum chyinghka lam hta rawt tsap let dai Sum kata de Mawshe shang wa ai aten du hkra shi hpe hkan yu nga ma ai.

PRU MAT 34:3

Kadai mung nang hte rau hkan lung wa lu na n rai; kadai hpe mung dai bum a gara shara hpe mung mu shangun lu na n rai; sagu dumsu ni hpe mung bum lagaw hkan e ushat sha shangun lu na n rai,” ngu nna tsun wu ai.

PRU MAT 34:5

Dai Madu mung sumwi hta yu hkrat wa nna, shi hte rau dai yang e tsap let dai Madu ngu ai chyoi pra ai amying hpe shapraw dan wu ai.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

EZEKELA 3:22

Ngai gaw dai Madu a daru magam hte hpring ai hpung shingkang hpe mu mada hkam sha ai hte ngai hpe, “Rawt u, kadit hkam wam de pru sa wa su. Ngai gaw dai yang e nang hpe ga tsun na nngai,” ngu nna tsun ai ga hpe na ni ai.

BU HKAWM 11:17

Dai yang e ngai yu sa nna nang hte ga shaka na we ai; nang hpe ngai jaw tawn da ai wenyi hta na nkau mi hpe ngai la nhtawm shanhte hpe jaw na we ai. Shanhte gaw ndai amyu masha ni hte seng ai lit nang hpe gun hpai karum lu na mara ai; nang chyu sha gun hpai nga lu na ndai n rai.

BU HKAWM 7:89

Mawshe mung dai Madu hte ga shaga na matu Sum kata de shang wa yang, dai Ga Shaka Sumpu a magap ntsa na singkaw tu ai hkrung kanu lahkawng yan a lapran kaw nna dai Madu shi hpe ga shaga ai nsen na wu ai.

TARA JAHPRANG 31:14

Dai hpang dai Madu gaw Mawshe hpe, “Nang gaw aten na na wa naw hkrung nga lu na ndai n rai. Yawshu hpe shaga la nhtawm Sum de woi sa wa rit, ngai shi hpe ga matsun ni tsun we ga,” ngu nna tsun wu ai. Mawshe yan Yawshu mung dai Sum de sa wa ma ai;

TARA JAHPRANG 31:15

dai Madu mung dai yang e sumwi shadaw hta shan kaw dan pru nhtawm dai sumwi shadaw mung Sum chyinghka lam e jung nga ai.