PRU MAT 32:9 - Jinghpaw Common Language Bible 2009

⁹ Ndai amyu masha ni kade wa baw ja nga ma ai hpe ngai chye ni ai.

Jinghpaw Hanson Version Bible

⁹ Dai hta kaga Yehowa gaw Mawshe hpe, “Ndai amyu hpe ngai yu yu mase ai, du ja ai baw rai nga ma ai:

PRU MAT 32:9 ပူးပေါင်းရင်းမြစ်များ

2 HKAWHKAM 17:14

Rai ti mung shanhte mahtang n madat n mara nga ma ai hte, dai Madu shanhte a Karai Kasang hpe n kam n sham ai shanhte a kaji kawa ni zawn du ja nga ma ai.

2 HKAWHKAM LABAU 30:8

Shanhte zawn myit hkum ja nga myit; dai Madu a ga hpe madat mara nga mu. Dai Madu nanhte a Karai Kasang gaw htani htana a matu shachyoi shapra da ai Yerusalem mare na Nawku Htingnu de sa nhtawm shi hpe nawku mu, shaloi shi nanhte hpe galoi mung pawt bu na ra ai n rai.

NEHEMIA 9:16

Rai ti mung anhte a kaji kawa ni gumrawng gumtawng ai hte du ja wa nna, na a hkang da ai ga ni hpe madat na matu ningdang kau ma ai.

NEHEMIA 9:17

Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

PRU MAT 33:3

Nanhte gaw ngamu ngamai ai sut hte ningru ningja ai ga de sa wa na rai myit dai. Rai ti mung, ngai hkum nan chyawm gaw nanhte hte rau sa lawm na n rai; nanhte gaw du ja ai amyu masha ni rai myit dai majaw hkrun lam e ngai nanhte hpe jahten kau mai nga nngai,” ngu nna tsun wu ai.

PRU MAT 33:5

Shanhte hpe ning ngu tsun na matu dai Madu gaw Mawshe hpe hkang da nu ai: “Nanhte gaw du ja ai amyu masha ni rai nga myit dai. Nanhte hte rau hkring mi sha pyi ngai hkawm ai rai yang, nanhte hpe atsai awai shamyit kau na mawe ai. Dai re ai majaw nanhte hpe kaning di na ngai daw dan lu n ga, ya jang, dai nanhte a ja lung seng ni raw kau mu.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

ESAIA 48:4

Nang gaw hpri zawn ja nna garai n kapru ai magri mang zawn du ja nga na sakse madun nga ndai gaw ngai chye nngai.

YEREMIA 13:27

Shi gaw nang galaw ai shi n dawng ai amu ni hpe mu nu ai. Htingbu wa a madu jan hpe hkan asoi yu nna ngang katu ai lasha wa zawn mung, gumra u yi hpang hkan ai lau gung zawn mung, kawng ni a ntsa hkan hte pa layang hkan e gap da ai tara maigan hpara ni hpang de nang hkan nga ai hpe shi mu nu ai. Yerusalem amyu masha ni e, nang gaw dingnye hkrum nga ndai! Galoi mi she nang san pra wa na rai nga n ta?

HOSEA 6:10

Ngai gaw matsat shabat re ai amu langai Israela mung hta mu ni ai: nye a amyu masha ni gaw shanhte a hkum hpe hpara sumla nawku let awu asin di kau ma ai.

BU HKAWM 14:11

Dai Madu gaw Mawshe hpe, “Ndai amyu masha ni galoi aten du hkra ngai hpe n hkap la na rai ma ta? Shanhte hpe ngai galaw dan sai mauhpa lamik kumla law law hpe mu nga ninglen ngai hpe kam sham na matu galoi aten du hkra shanhte ningdang nga na rai ma ta?

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

TARA JAHPRANG 10:16

Dai re ai majaw ya kaw nna dai Madu a ga hpe madat mara nga mu; du hkum shaja da nga myit.

TARA JAHPRANG 31:27

Shanhte kade wa mi myit ja nna gumlau ai myit rawng nga ma ai hpe ngai chye nga nngai. Ngai naw hkrung nga ai hte yang pyi, dai Madu hpe shanhte gumlau ma ai rai nna, ngai si mat wa ai hpang dai hta grau nna pyi shanhte gumlau na mara ai.

TARA JAHPRANG 9:13

“Dai Madu gaw ngai hpe mung, ‘Ndai amyu masha ni kade wa du ja nga ma ai hpe ngai chye ni ai.

TARA JAHPRANG 9:6

Dai Madu gaw nanhte lu la ging ai majaw dai ga sau hte hpring nna ningru ningja ai lamu ga hpe jaw ya nga ai n rai nga ai hpe nanhte hkrak matsing da lu na rai myit dai. Dai hku n rai, nanhte gaw du ja ai amyu masha ni rai nga myit dai.