PRU MAT 32:8 - Jinghpaw Common Language Bible 2009

⁸ Shanhte hkan sa na matu ngai hkang da ai lam hta na dam mat wa nhtawm ja shabyawng la let dumsu usu kasha langai galaw la nna dai hpe nawku ai hte shagu hkungga nawng jau ya nga masai. Shanhte gaw dai gaw Egutu mung kaw na shanhte hpe woi shapraw wa ai shanhte a hpara rai nga ai ngu tsun nga masai.

Jinghpaw Hanson Version Bible

⁸ ngai hkang da ai lam hta na shanhte alawan dam mat wa nna, dumsu sumla jaw nhtawm, Israela amyu e, hpara ndai gaw Egutu mung na nang hpe shaw wa ai, na a hpara ni rai nga ai law, nga nna tsun let dai sumla man e nawku nna hkungga nawng nga masai,” ngu nna tsun wu ai.

PRU MAT 32:8 ပူးပေါင်းရင်းမြစ်များ

1 HKAWHKAM 12:28

Dai lam hpe myit yu ngut jang, aja hte dumsu usu lahkawng jaw nhtawm shi a amyu masha ni hpe, “Yerusalem mare de wa lung nawku na, nanhte a matu hkrun lam galu sa wa ra nga myit dai. Dai re ai gaw Israela amyu masha ni e, Egutu mung kaw nna nanhte hpe woi shapraw wa ai nanhte a karai ni gaw nang e nga nga ai law!,” ngu nna tsun wu ai.

NEHEMIA 9:18

Shanhte gaw usu kasha langai a hkrang hte hpara sumla galaw nhtawm dai gaw shanhte hpe Egutu mung kaw nna woi wa ai karai rai nga ai nga nna tsun ma hka! Madu e, shanhte nang hpe kade sha n kaw n law di kau ma hka!

SHAKAWN KUNGDAWN 106:19

Shanhte gaw Sina e, ja dumsu kasha sumla galaw nna dai hpe nawku nga ma ai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

PRU MAT 20:23

Ngai hpe nawku ai hta, tinang a matu aja hpara, gumhpraw hpara ni hpe galaw lu na myit dai n rai.

PRU MAT 22:20

“Dai Madu Ngai hta lai nna hpara shaje hpe shagu hkungga nawng jau ai wa kadai mung si ari daw dan ai hkrum na rai wu ai.

PRU MAT 32:4

Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

PRU MAT 34:15

Dai mung na masha ni hte jinghku ga shaka hkum tawn da myit; shanhte mahtang tara maigan hpara ni hpe nawku nna dai ni hpe hkungga nawng jau ma ai majaw shanhte hte kanawn na matu, nanhte hpe saw shaga ai hte shanhte a hpara ni hpe nawng jau ya ai lusha hte lau la ai hkrum na rai myit dai.

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

YEREMIA 31:32

Dai ga shaka gaw ngai shanhte hpe Egutu mung kaw nna lata hte dun wa nhtawm shanhte hpe woi shapraw wa ai shaloi, shanhte a kaji kawa ni hte tawn da ai ga shaka zawn n rai. Ngai gaw shanhte a matu madu wa zawn rai nga ti mung, shanhte gaw dai ga shaka hpe run kau ma ai.

JAW JAU 17:7

Israela amyu masha ni gaw prang yang hkan e shanhte a yam nga ni sat let bainam nat matse ni hpe nawng jau ai hku dai Madu hta sadi sahka loi mi pyi n nga lu na myit dai n rai. Israela amyu masha ni gaw ndai hkang da ai matsun maroi ga hpe prat mi hte prat mi madat mara shadik shatup lu na rai ma ai.

TARA JAHPRANG 32:17

Shanhte gaw karai jet n re ai ni hpe mung, shanhte a kaji kawa ni galoi mung n chye ai hpara ningnan ni hpe mung, Israela ni galoi mung n madat n mara yu ai hpara ni hpe mung hkungga nawng ya ma ai.

TARA JAHPRANG 9:12

“Dai hpang dai Madu gaw ngai hpe, ‘Egutu mung kaw na nang woi wa ai na a amyu masha ni gaw hten za ai hte n hkru ai amu ni galaw shapraw manu ai; dai sha n-ga, shanhte hkan sa galaw na matu ngai hkang da ai kaw na mung shanhte kayin mat wa manu ai hte shanhte a matu hpara sumla hpe mung galaw shachyaw manu ai majaw bum kaw na alawan yu wa su,’ ngu nna tsun wu ai.

TARA JAHPRANG 9:16

Nanhte gaw dai Madu nanhte a Karai Kasang nanhte hpe jaw ya manit dai shi a hkang da ai ga hpe n madat ai sha, nanhte nan dumsu kasha hkrang hpe nhprang arai hte jaw nna hpara sumla galaw nhtawm shi hpe shut kau nga manit dai gaw ngai mu ni ai.

YAWSHU 22:15

Rubin, Gad hte sinpraw hkran na Manashe amyu bawsang ni nga ai Gilead mung de shanhte sa mat wa nhtawm,

TARA AGYI 2:17

Rai ti mung Israela masha ni gaw shanhte a ningbaw ni a ga hpe n madat hkraw nga ma ai. Israela gaw dai Madu hta sadi sahka myit n rawng nga manu ai majaw kaga hpara ni hpe nawku ma ai. Dai Madu a hkang da ai ga ni hpe shanhte a kawa ni madat mara hkan sa nga ma ti mung, ndai ban prat nnan amyu masha ni mahtang n hkan n sa mat ma ai.

TARA AGYI 8:24

Rai ti mung shi chyawm gaw, “Nanhte hpe lam langai mi, ngai naw san yu made ga; nanhte la wa ai na lakan shagu, ngai hpe jaw na ngai hpyi nga nngai,” ngu nna matut tsun wu ai. (Midian masha ni gaw kaga nam mali hkan na masha amyu ni zawn ja lakan kai ma ai.)