PRU MAT 32:7 - Jinghpaw Common Language Bible 2009

⁷ Dai Madu gaw Mawshe hpe, “Egutu mung kaw na nang woi wa ai na a amyu masha ni yubak galaw nna ngai hpe nyet kau masai majaw tin tin nhtang yu wa su.

Jinghpaw Hanson Version Bible

⁷ Dai rai nna Yegowa gaw Mawshe hpe, “Nang yu wa su; Egutu mung na nang shaw wa ai na a masha ni gaw byak mat masai:

PRU MAT 32:7 ပူးပေါင်းရင်းမြစ်များ

2 HKAWHKAM LABAU 27:2

Shi gaw shi a kawa galaw ai amu zawn dai Madu awng sharawng ai amu hpe shi galaw wu ai; rai ti mung shi a kawa zawn Nawku Htingnu kata hta manam pyaw ai baw nat nawng let yubak galaw ai n rai. Rai ti mung amyu masha ni chyawm gaw yubak naw galaw nga ma ai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

PRU MAT 19:24

Dai Madu gaw, “Nang yu wa nna nang hte rau Arun hpe woi lung wa rit. Rai ti mung, hkinjawng ni hte amyu masha ni chyawm gaw dai jarit lai nna ngai kaw lung lu na ma ai n rai; shing n rai jang, ngai shanhte hpe ari jaw na we ai,” ngu nna ga htang wu ai.

PRU MAT 32:1

Amyu masha ni gaw dai bum kaw Mawshe na na nga nna n yu wa sai hpe mu ma yang, shanhte gaw Arun kaw grup rai sa hpawng nhtawm, “Anhte hpe Egutu mung kaw na woi wa ai wa, dai Mawshe hta hpa byin sai gaw, anhte n chye saga ai; dai re ai majaw anhte hpe lam woi na hpara langai anhte a matu galaw ya mi,” ngu nna tsun ma ai.

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

PRU MAT 32:4

Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

PRU MAT 33:1

Dai Madu gaw Mawshe hpe, “Nang hte Egutu mung na nang woi wa ai amyu masha ni ndai shara kaw na pru sa wa nhtawm, Abraham, Isak, Yaku hte shanhte a amyu matu ni hpe jaw na ngu nna ngai ga sadi jaw da ai ga de sa wa masu.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.

TARA JAHPRANG 32:5

Rai ti mung nanhte mahtang sadi n dung, shi a amyu masha tai na n ging nga myit dai; yubak kap nna masu hkalem ai amyu rai nga myit dai.

TARA JAHPRANG 4:16

numsha hte mung bung ai hkrang sumla nanhte a matu galaw let yubak n galaw hkrup myit ga, tinang nang a mai kaja ai lam hta shangang shakang nga mu.

TARA JAHPRANG 9:12

“Dai hpang dai Madu gaw ngai hpe, ‘Egutu mung kaw na nang woi wa ai na a amyu masha ni gaw hten za ai hte n hkru ai amu ni galaw shapraw manu ai; dai sha n-ga, shanhte hkan sa galaw na matu ngai hkang da ai kaw na mung shanhte kayin mat wa manu ai hte shanhte a matu hpara sumla hpe mung galaw shachyaw manu ai majaw bum kaw na alawan yu wa su,’ ngu nna tsun wu ai.

TARA JAHPRANG 9:8

Nanhte gaw dai Madu hpe Sina Bum e pyi pawt shangun myit dai rai nna nanhte hpe shamyit kau na daram pawt kau nu ai.

TARA AGYI 2:19

Rai ti mung dai ningbaw wa si mat jang, dai amyu masha ni mi na lam dingsa de bai hkan mat wa nhtawm lai sai ban masha ni galaw ai amu hta grau sawng ai hku hkan galaw ma ai. Shanhte gaw hpara shaje ni hpe nawku nhtawm shanhte hta nan rawng nga ai n hkru n shawp lam ni hpe du ja ai hte matut galaw nga ma ai.