PRU MAT 32:4 - Jinghpaw Common Language Bible 2009

⁴ Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

Jinghpaw Hanson Version Bible

⁴ Arun mung dai hkap la nna, sumprang hte shajut nhtawm, dumsu kasha sumla jaw wu ai: dai ngut jang shanhte gaw, “Israela amyu e, hpara ndai gaw Egutu mung na nang hpe shaw wa ai, na a hpara rai nga ai law,” nga ma ai.

PRU MAT 32:4 ပူးပေါင်းရင်းမြစ်များ

1 HKAWHKAM 12:28

Dai lam hpe myit yu ngut jang, aja hte dumsu usu lahkawng jaw nhtawm shi a amyu masha ni hpe, “Yerusalem mare de wa lung nawku na, nanhte a matu hkrun lam galu sa wa ra nga myit dai. Dai re ai gaw Israela amyu masha ni e, Egutu mung kaw nna nanhte hpe woi shapraw wa ai nanhte a karai ni gaw nang e nga nga ai law!,” ngu nna tsun wu ai.

1 HKAWHKAM 12:32

Yeroboam gaw Yuda mung e galaw ai poi zawn shata matsat a shi manga ya shani e nawku htung hte seng ai poi langai galaw na matu lajang tawn da wu ai. Behtela mare na tawn hkungri ntsa e shi galaw da sai aja dumsu usu ni hpe shagu hkungga nawng ya nna shi gap ai nawku shara ni hta daw jau amu galaw na hkinjawng ni hpe mung dai Behtela mare e tawn da wu ai.

2 HKAWHKAM 10:20

Dai hpang Yehu gaw, “Bala hpe shagrau sha-a na nawku nhtoi langai hpe tsun shabra dat mu!,” ngu nna hkang dat wu ai hte maren shanhte tsun ndau shabra dat mu ai. Yehu gaw Israela mungdan ting hproi hkra dai ga hpe shana shabra dat wu ai.

2 HKAWHKAM 10:29

Rai ti mung shi gaw Behtela hte Dan mare hta gaw sharawt da ai aja dumsu kasha ni hpe woi nawku let Israela masha ni hpe Yubak lam de woi sa wa ai Hkawhkam Yeroboam a yubak lam hkan dagraw la nga ai.

2 HKAWHKAM LABAU 11:15

Yeroboam gaw tara maigan masha ni a nawku shara ni hta daw jau na matu mung, nat matse ni hpe nawku na matu hte dumsu usu hkrang hte shi galaw da ai hpara sumla ni hpe nawku daw jau na matu shi a hkinjawng ni hpe nan san tawn da wu ai.

2 HKAWHKAM LABAU 13:8

Ya mung nanhte gaw Dawi a amyu matu ni hpe dai Madu jaw tawn da ai hkawhkam ahkang aya hpe hkap daw na maw mawn nga myit dai. Nanhte gaw luksuk kaba lu nga myit dai hte nanhte a karai ni tai ya na matu Yeroboam galaw da ai aja dumsu kasha lahkawng mung nanhte hte rau rai nga myit dai.

NEHEMIA 9:18

Shanhte gaw usu kasha langai a hkrang hte hpara sumla galaw nhtawm dai gaw shanhte hpe Egutu mung kaw nna woi wa ai karai rai nga ai nga nna tsun ma hka! Madu e, shanhte nang hpe kade sha n kaw n law di kau ma hka!

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

PRU MAT 20:23

Ngai hpe nawku ai hta, tinang a matu aja hpara, gumhpraw hpara ni hpe galaw lu na myit dai n rai.

PRU MAT 20:4

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

PRU MAT 28:11

Ja lung seng chye ka ai kungkyang ai masha ni hpe shaga la nna, dai nlung lahkawng a ntsa hta Yaku a shadang sha ni a amying ni hpe tawk ka nhtawm ja hkalawk hta bang na rai nga ai.

PRU MAT 28:9

Unuk nlung lahkawng la nhtawm Yaku a shadang sha ni shi lahkawng a mying ni hpe dai hta tawk ka nna,

PRU MAT 32:1

Amyu masha ni gaw dai bum kaw Mawshe na na nga nna n yu wa sai hpe mu ma yang, shanhte gaw Arun kaw grup rai sa hpawng nhtawm, “Anhte hpe Egutu mung kaw na woi wa ai wa, dai Mawshe hta hpa byin sai gaw, anhte n chye saga ai; dai re ai majaw anhte hpe lam woi na hpara langai anhte a matu galaw ya mi,” ngu nna tsun ma ai.

PRU MAT 32:24

Ngai mung aja lu ai wa kadai mung raw la nna ngai kaw la sa wa mi ngu nna shanhte hpe tsun mawe ai; shanhte ngai hpe jaw ai hte dai ni hpe wan hta ngai bang dat yang dumsu usu kasha pru wa ai!,” ngu nna htan wu ai.

PRU MAT 32:3

Dai re ai majaw amyu masha ni yawng mung shanhte a ja lakan ni raw la nna Arun hpang de la sa ya ma ai.

PRU MAT 32:35

Shing rai, dai Madu gaw amyu masha ni ntsa ana ahkya dat dat wu ai, hpa majaw nga yang, shanhte gaw Arun hpe dumsu usu kasha galaw shangun kau nga ma ai.

PRU MAT 32:5

Dai hpang Arun mung ja dumsu usu kasha a man e tawn hkungri langai gaw nhtawm, “Hpawt ni na nhtoi gaw dai Madu hpe shagrau sha-a ai poi galaw na nhtoi rai nga ai,” ngu nna ndau shabra dat wu ai.

PRU MAT 32:7

Dai Madu gaw Mawshe hpe, “Egutu mung kaw na nang woi wa ai na a amyu masha ni yubak galaw nna ngai hpe nyet kau masai majaw tin tin nhtang yu wa su.

PRU MAT 32:8

Shanhte hkan sa na matu ngai hkang da ai lam hta na dam mat wa nhtawm ja shabyawng la let dumsu usu kasha langai galaw la nna dai hpe nawku ai hte shagu hkungga nawng jau ya nga masai. Shanhte gaw dai gaw Egutu mung kaw na shanhte hpe woi shapraw wa ai shanhte a hpara rai nga ai ngu tsun nga masai.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

EZEKELA 23:8

Shi gaw shi a hkawn jet ai hpe jahten kau nna Egutu mung e shawa num amu galaw hpang ai hte matut galaw nga wu ai. Shi a hkawn ram prat kaw nna lasha ni shi hte rau yup nna shi hpe shawa num zawn di ma ai.

HOSEA 10:5

Samari mare hta shanu nga ai masha ni gaw hkrit gari nna Behtela mare na ja dumsu mat mat ai majaw sharung shayawt na mara ai. Shanhte hte hpara sumla daw jau ai hkinjawng ni mung dai hta hkrap ngu hkrap ngoi na mara ai. De a hkik hkam ai aja shingkang hkoi mat jang, shanhte hkrap agru na mara ai.

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

KASA 17:29

Anhte gaw Karai Kasang a kashu kasha ni rai nga ga ai hte maren Karai Kasang gaw masha maka hpaji lata atsam hte tawk galaw da ai ja, gumhpraw nlung sumla hte bung ai ngu nna n mai myit la ga ai.

KASA 7:41

Dai hpang shanhte gaw dumsu kasha sumla galaw nna dai sumla hpe hkungga jaw let shanhte galaw ai amu hpe shagrau sha-a ai kabu gara poi kaba galaw ma ai.

1 KORINHTU 10:7

Dai hta kaga Chyum Laika hta, “Masha ni gaw, lusha poi langai mi hta dung nna lu sha nga ma yang, dai gaw lu lai sha lai ai hte rawt ka manawt ai de gale mat wa malu ai,” nga nna ka da nga ai hte maren shanhte nkau mi sumla nawku ai ni tai ma ai zawn nanhte hkum tai myit.

TARA JAHPRANG 9:16

Nanhte gaw dai Madu nanhte a Karai Kasang nanhte hpe jaw ya manit dai shi a hkang da ai ga hpe n madat ai sha, nanhte nan dumsu kasha hkrang hpe nhprang arai hte jaw nna hpara sumla galaw nhtawm shi hpe shut kau nga manit dai gaw ngai mu ni ai.

TARA AGYI 8:24

Rai ti mung shi chyawm gaw, “Nanhte hpe lam langai mi, ngai naw san yu made ga; nanhte la wa ai na lakan shagu, ngai hpe jaw na ngai hpyi nga nngai,” ngu nna matut tsun wu ai. (Midian masha ni gaw kaga nam mali hkan na masha amyu ni zawn ja lakan kai ma ai.)

TARA AGYI 8:27

Gidon gaw aja arai hte hpara sumla galaw nhtawm shi a daidaw bu ga Ohpra mare e dai hpe tawn da wu ai. Israela masha ni gaw Karai Kasang hpe kau da nhtawm dai yang na hpara sumla hpe sa nawku ma ai. Dai gaw Gidon hte shi a dinghku masha ni a matu mahkam tai nga malu ai.