PRU MAT 32:34 - Jinghpaw Common Language Bible 2009

³⁴ Ya chyawm gaw ngai nang hpe tsun na shara de ndai amyu masha ni hpe woi sa su. Nye a lamu kasa nang hpe lam madun la na ra ai hpe adum nga u; rai ti mung shanhte shut hpyit kau ai yubak a matu ndai amyu masha ni hpe ngai ari jaw na aten gaw du na ra ai,” ngu nna tsun wu ai.

Jinghpaw Hanson Version Bible

³⁴ ya, naw sa wa su, ngai nang hpe tsun ai shara de ndai amyu hpe woi sa wa su; yu u, nye a Lamu kasa na a shawng e sa wa na ra ai: rai timung, ngai kawan katsan yu sa ai nhtoi hta shanhte a yubak shanhte a ntsa e jaw na ngai du na ring ngai,” ngu dat wu ai.

PRU MAT 32:34 ပူးပေါင်းရင်းမြစ်များ

SHAKAWN KUNGDAWN 99:8

O Madu anhte a Karai Kasang e, na a myu masha ni shaga ai nsen hpe nang htan ya nit dai; shanhte galaw shut kau sai yubak ni a majaw, nang shanhte hpe ari jaw ti mung, nang gaw yubak mara ni hpe raw dat kau ya ai Karai Kasang rai nga ndai hpe madun dan nga nit dai.

PRU MAT 15:17

Nang gaw shanhte hpe woi jashawn nna na a bum ngu ai, na a nta a matu dai Madu nang nan lata da sai shara, nang nan de da ai Nawku Htingnu hta shanhte hpe woi de da nga ndai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 23:20

“Ngai lajang da ya sai shara de nang hpe woi hkawm wa ai shaloi, nang hpe bau sin makawp maga na matu, na a shawng e lamu kasa hpe ngai shangun dat ni ai.

PRU MAT 3:17

Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

PRU MAT 33:12

Mawshe gaw dai Madu hpe, “Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.

PRU MAT 33:2

Ngai gaw nanhte hpe lam woi na matu lamu kasa langai shangun dat ya nna Hkanan, Amori, Hiti, Hperizi, Hiwi hte Yebusi masha ni hpe gawt shapraw kau ya na made ai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

YEREMIA 14:10

Dai Madu gaw ndai amyu masha ni hte seng nna, “Shanhte gaw ngai kaw nna hprawng mat wa na ra sharawng ma ai; shanhte gaw tinang hkum ni hpe hkang lu na mara ai n rai. Dai majaw, ngai gaw shanhte hpe awng sharawng nga nngai n rai. Shanhte galaw shut kau sai mara ni hpe ngai dum nga nna shanhte a yubak ni a majaw shanhte hpe ari jaw na we ai,” nga nna ngai hpe tsun ai.

YEREMIA 23:2

Da ndai gaw dai Madu Israela a Karai Kasang shi a amyu masha ni hpe yu bau sin ang ai up hkang du ni hpe lakap nna tsun ai ga rai nga ai: “Nang gaw nye a amyu masha ni hpe n yu ndai; nang gaw shanhte hpe shabra kau ai hte shaden kau nit dai. Ya chyawm gaw nang galaw tawn sai n hkru ai amu ni a majaw, ngai nang hpe ari jaw na de ai.

YEREMIA 5:29

“Rai ti mung, Dai Madu ngai gaw shanhte hpe ndai amu ni a matu ari jaw na nngai; ngai gaw ndai amyu baw ni hpe matai dawk na nngai.

YEREMIA 5:9

Ngai gaw shanhte hpe dai zawn re ai amu ni a matu ari n jaw ang ai hte dai zawn re ai amyu baw hpe matai nhtang ang nngai kun?

HOSEA 8:13

Shanhte gaw nye a matu shagu hkungga ni nawng ya ai hte hkungga shan ni sha ma ai. Rai ti mung dai Madu ngai nan dai ni hpe awng sharawng ai n rai; ya chyawm gaw shanhte a yubak ni hpe ngai dum nga nna, de a matu shanhte hpe ari jaw na nngai; ngai gaw shanhte hpe Egutu mung de nhtang kau dat na we ai!

AMO LAIKA (AMOS) 3:14

“Israela amyu masha ni shanhte galaw shut ai yubak ni a majaw ngai shanhte hpe ari jaw ai shani hta, Behtela a tawn hkungri ni hpe mung ngai jahten kau na we ai. Hkungri shagu na nrung ni daw kau ai hkrum nna ga de hkrat mat na ra ai.

AMO LAIKA (AMOS) 3:2

“Ginding aga ntsa na masha amyu baw yawng hte e, nanhte gaw ngai chye nna lanu lahku la yu sai ni chyu sha rai nga myit dai. Dai gaw nanhte a yubak mara hpe grai hkrit tsang shangun nga ai, dai re ai majaw, ngai gaw de a matu nanhte hpe ari jaw na nngai.”

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

MAHTE 23:35

Shing re ai a majaw, mara n kap ai Abela a asai kaw nna, dai Nawku Htingnu hte tawn hkungri lapran e nanhte sat kau ai Barahkia a kasha Zehkaria a asai du hkra nanhte bunglat ari hkrum na marin dai.

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.