PRU MAT 3:9 - Jinghpaw Common Language Bible 2009

⁹ Nye a amyu masha ni a hkrap sharung ai nsen hpe ngai kaja wa teng teng na ni ai; Egutu masha ni shanhte hpe kade daram dip gamyet sha nga masai hpe mung ngai mu ni ai.

Jinghpaw Hanson Version Bible

⁹ Ya, yu u, Israela a kashu kasha ni a hkrap sharung ai nsen gaw ngai kaw du ra ai; Egutu masha ni shanhte hpe zingri zingrat ai mayam amu hpe mung ngai mu se ai.

PRU MAT 3:9 ပူးပေါင်းရင်းမြစ်များ

NINGPAWT NINGHPANG 16:11

Nang hta shadang sha shangai wa na ra ai; shi hpe Ishmaela ngu nna nang shamying lu na rai ndai; hpa majaw nga yang nang jahtau ai matsan tsin-yam nsen hpe dai Madu na ya nit dai.

NINGPAWT NINGHPANG 31:12

Shi gaw, ‘Mada yu u, uli lung ai bainam la ni yawng ka ka shit shit re ai hte aprup aprap ateng apang re ai ni hkrai rai ma ai. Nang hpe Laban e galaw ai lam yawng mayawng hpe ngai mu se ai majaw ndai lam hpe ngai shabyin ai re.

2 HKAWHKAM 13:4

Dai hpang Yehoahaza gaw dai Madu kaw akyu hpyi wu ai rai nna Israela masha ni hpe Suri hkawhkam wa laja lana rai gade wa zingri zingrat dip gamyet sha nga ai hpe dai Madu mu jang shi a akyu hpyi ga hpe htan ya wu ai.

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

NEHEMIA 9:9

“Anhte a kaji kawa ni Egutu mung hta kaning rai nni nkri hkrum sha ai hpe nang mu ndai; Nawng Hkyeng makau e karum la na matu shanhte a hpyi jahtau ai nsen hpe nang na nit dai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

PRU MAT 1:11

Dai rai nna Egutu masha ni gaw shanhte a ntsa e mayam hkang ai ni hpe san tawn nna laja lana re ai amu bungli hte shanhte a myit ni hpe shadaw kau ya ma ai. Israela amyu masha ni gaw hkawhkam wa a matu arung arai tawn da na ginra daju ni hpe Hpihtum hte Ramese mare ni hta gap da ma ai.

PRU MAT 1:22

Jahtum e, hkawhkam wa gaw shi a mung masha ni yawng hpe, “Shangai wa sai lasha shagu hte hpe Nila hka nu de kabai bang kau ya mu, rai ti mung numsha ni yawng hpe chyawm gaw jahkrung da ya mu,” ngu nna hkang da ai ga hpe shabra dat wu ai.

PRU MAT 1:8

Dai hpang Yosep a lam hpa mung n chye ai hkawhkam ningnan langai mi Egutu mung hta paw pru wa sai.

PRU MAT 2:23

Shaning tsawmra mi na jang, Egutu hkawhkam si mat sai, rai ti mung Israela amyu masha ni chyawm gaw shanhte a mayam lit kata hta naw madai nga ai hte karum la na matu hkrap sharung nga ma ai. Shanhte a jahtau hkrap ai nsen gaw Karai Kasang hpang de hkrang lung wa nna,

PRU MAT 2:25

Shi gaw Israela amyu masha ni a mayam lit hpe mu ya nna, shi shanhte hpe yu matsan dum wu ai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

HPAJI NINGLI 5:8

Up hkang ai ni gaw matsan mayan ni hpe dip gamyet zingri zingrat ai hte teng man rap ra ai tara hpe ningdang kau nna shanhte a ahkaw ahkang ni hpe shanut kau ai hpe nang mu yang hkum yu mau et. Du shagu gaw shi a ntsa na wa a makawp maga la ai hkrum nga ai. Shan lahkawng mung grau tsaw ai du ni a makawp maga la ai naw hkrum nga ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

TARA JAHPRANG 26:7

Shaloi anhte mung anhte a ji wa ni a Karai Kasang dai Madu kaw karum la na matu hpyi jahtau saga ai. Dai rai nna anhte hkrum sha ai nni nkri, yak hkak jam jau lam hte nchyi nmu lam ni hpe mu ai hte na ya mi ai.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.