PRU MAT 3:7 - Jinghpaw Common Language Bible 2009

⁷ Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

Jinghpaw Hanson Version Bible

⁷ Bai Yehowa gaw, “Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya mase ai: shanhte hkrum ai nni nkri hpe ngai chye nga nngai:

PRU MAT 3:7 ပူးပေါင်းရင်းမြစ်များ

NINGPAWT NINGHPANG 16:11

Nang hta shadang sha shangai wa na ra ai; shi hpe Ishmaela ngu nna nang shamying lu na rai ndai; hpa majaw nga yang nang jahtau ai matsan tsin-yam nsen hpe dai Madu na ya nit dai.

NINGPAWT NINGHPANG 18:21

Ngai na la sai dai mara shagun ai nsen ni, teng ai n teng ai hpe chye lu na matu, ngai nan yu yu na nngai,’ ngu nna tsun wu ai.

NINGPAWT NINGHPANG 21:17

Karai Kasang mung dai ma jahtau hkrap ai nsen na wu ai rai nna, sumsing lamu na Karai Kasang a lamu kasa gaw Hagara hpe, “Hagara e, nang hpa baw ru yak tsin-yam hkrum hkra nga n ta? Hkum hkrit nga et, Karai Kasang gaw dai ma a jahtau hkrap ai nsen hpe na ya nu ai.

NINGPAWT NINGHPANG 29:32

Lea hta na-um nasin hkum tai wa nna shadang sha langai shangai wu ai. Lea gaw, “Madu nye a tsin-yam tsindam hpe mu ya nu ai. Ya chyawm gaw nye madu wa ngai hpe tsaw ra lu na nu ai,” ngu nna tsun wu ai. Shing rai shi hpe Rubin ngu nna shamying wu ai.

NINGPAWT NINGHPANG 31:12

Shi gaw, ‘Mada yu u, uli lung ai bainam la ni yawng ka ka shit shit re ai hte aprup aprap ateng apang re ai ni hkrai rai ma ai. Nang hpe Laban e galaw ai lam yawng mayawng hpe ngai mu se ai majaw ndai lam hpe ngai shabyin ai re.

NINGPAWT NINGHPANG 31:42

Nye kaji kawa ni a Karai Kasang ngu ai Abraham, Isak ni a Karai Kasang gaw ngai hte rau she n nga ai rai taw gaw, nang ngai hpe kaman dat dat kau chyalu rai nga ndai. Rai ti mung Karai Kasang gaw ngai hkam sha ai tsin-yam tsindam hte ngai galaw sai amu hpe mu mada ya ni ai majaw, mana e, shi tara daw dan ai lam jaw ya mi ai,” ngu nna tsun wu ai.

2 SAMUELA 22:28

Nang gaw shagrit shanem ai myit rawng ai ni hpe hkye mawai la ndai; rai ti mung gumrawng gumtawng ai ni hpe chyawm gaw nang shagrit kau nga ndai.

2 HKAWHKAM 13:4

Dai hpang Yehoahaza gaw dai Madu kaw akyu hpyi wu ai rai nna Israela masha ni hpe Suri hkawhkam wa laja lana rai gade wa zingri zingrat dip gamyet sha nga ai hpe dai Madu mu jang shi a akyu hpyi ga hpe htan ya wu ai.

2 HKAWHKAM 20:5

shi hpe, “Na a nji nwa Dawi a Karai Kasang ngai Madu nan na a akyu hpyi ai ga hpe na ni ai; na a myi prwi ngai mu se ai; Ngai gaw nang hpe masum ya laman shamai ya na de ai; shaloi Nawku Htingnu de nang sa lu na rai ndai.

NEHEMIA 9:9

“Anhte a kaji kawa ni Egutu mung hta kaning rai nni nkri hkrum sha ai hpe nang mu ndai; Nawng Hkyeng makau e karum la na matu shanhte a hpyi jahtau ai nsen hpe nang na nit dai.

SHAKAWN KUNGDAWN 106:44

Ti mung, shanhte hpyi jahtau ai shaloi, Madu na ya wu ai; shanhte a myit ru myit tsang ai lam hpe shi dum ya mu ai.

SHAKAWN KUNGDAWN 12:6

Dai Madu a ga sadi ni gaw kam mai nga ai; dai ni gaw wan htung hta sanit lang shabyawng jen kau sai gumhpraw jet zawn rai nga ai.

SHAKAWN KUNGDAWN 142:3

Ngai gaw myit daw hten nna, asum jaw kau na matu jin jin rai nga ai shaloi, ngai hpa galaw ang ai lam hpe shi chye ya nga ai. Ngai hkawm sa wa ai lam hta nye a gumlau hpyen ni nye a matu mahkam up da ma ai.

SHAKAWN KUNGDAWN 145:19

Shi hpe hkrit hkungga ai ni a ra kadawn ai lam ni hpe shi jaw ya nna; shanhte a hpyi jahtau ai nsen ni hpe na ai hte shanhte hpe hkye hkrang la mu ai.

SHAKAWN KUNGDAWN 22:24

Shi gaw matsan mayan wa hpe n gawn n sawn di ai n rai, shanhte a nni nkri hpe n sawn n sang di ai n rai; shi shanhte kaw na kayin mat wa ai n rai, rai ti mung, karum la na matu shanhte shaga yang, shi htan ya nga ai.”

SHAKAWN KUNGDAWN 34:4

Ngai gaw Madu kaw akyu hpyi ni ai hte shi ngai hpe htan ya ni ai; shi gaw nye a hkrithpa lam yawng kaw na, ngai hpe shalawt la ni ai.

SHAKAWN KUNGDAWN 34:6

Matsan mayan hkrum ai masha ni shi hpe shaga yang, shi htan ya nga ai; shi gaw shanhte a ru yak tsin-yam yawng kaw na shanhte hpe hkye hkrang la nga ai.

SHAKAWN KUNGDAWN 35:22

Rai ti mung, Madu e, nang gaw dai lam ni hpe mu nit dai majaw, Madu e, atsin sha hkum nga nga et, ngai hte ani sha nga nga u law!

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

PRU MAT 1:11

Dai rai nna Egutu masha ni gaw shanhte a ntsa e mayam hkang ai ni hpe san tawn nna laja lana re ai amu bungli hte shanhte a myit ni hpe shadaw kau ya ma ai. Israela amyu masha ni gaw hkawhkam wa a matu arung arai tawn da na ginra daju ni hpe Hpihtum hte Ramese mare ni hta gap da ma ai.

PRU MAT 1:8

Dai hpang Yosep a lam hpa mung n chye ai hkawhkam ningnan langai mi Egutu mung hta paw pru wa sai.

PRU MAT 22:23

Nang shing di ai rai yang, shanhte ngai kaw karum hpyi ai shaloi, Ngai Madu nan shanhte a nsen hpe htan ya nna,

PRU MAT 33:13

Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.

PRU MAT 5:10

Mayam hpareng ni hte Israela salang ni gaw Israela amyu masha ni kaw sa nna, “Hkawhkam wa nanhte hpe yihku n jaw sana re.

PRU MAT 5:6

Hkawhkam wa gaw dai shani jang Egutu masha mayam hpareng ni hte Israela salang ni hpe ning ngu hkang da wu ai:

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

KASA 7:34

Egutu mung na nye a amyu masha ni a zingri zingrat nni nkri hkrum sha nga ai hpe ngai mu se ai. Shanhte a madai ai nsen hpe ngai na ni ai; Shanhte hpe hkye shalawt la na ngai yu wa ring ngai. Ya sa rit, ngai nang hpe Egutu mung de shangun dat de ga,” ngu nna shi hpe tsun wu ai.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.