PRU MAT 3:6 - Jinghpaw Common Language Bible 2009

⁶ Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

Jinghpaw Hanson Version Bible

⁶ “Ngai gaw na nwa a Karai Kasang, Abraham a Karai Kasang, Isak a Karai Kasang, Yaku a karai Kasang rai nga nngai,” nga nna mung, tsun wu ai: dai rai nna Mawshe gaw, Karai Kasang hpe yu na hkrit wu ai majaw, shi a myi man magap da wu ai.

PRU MAT 3:6 ပူးပေါင်းရင်းမြစ်များ

NINGPAWT NINGHPANG 12:1

Dai Madu gaw Abram hpe, “Na a mungdan, na a jinghku jingyu ni hte na kawa a buga kaw nna pru wa nhtawm ngai nang hpe madun na de ai mung de sa wa su.

NINGPAWT NINGHPANG 12:7

Dai Madu gaw Abram kaw dan pru nna shi hpe, “Na a amyu matu mara ni hpe ngai jaw na ngu ai mungdan gaw ndai rai nga ai,” ngu nna tsun wu ai. Dai rai nna, shi kaw dan pru ai dai Madu a matu dai shara hta tawn hkungri hpe Abram galaw wu ai.

NINGPAWT NINGHPANG 17:3

Abram gaw ga du hkra dingnyawm dagup nga yang, Karai Kasang gaw,

NINGPAWT NINGHPANG 24:12

Shi gaw, “Dai Madu nye a madu Abraham a Karai Kasang e, dai ni na aten hta awng dang ai lam ngai hpe jaw ya e; nye a madu hpe jaw ai na a ga sadi mung dik wa u ga law.

NINGPAWT NINGHPANG 26:24

Dai shana jang, dai Madu gaw shi kaw dan pru nna, “Ngai gaw na a kawa Abraham a Karai Kasang rai nga nngai; hkum hkrit et, ngai nang hte rau rai nga nngai. Nye a shangun ma Abraham hpe jaw ai ga sadi hte maren, ngai nang hpe shaman ya nhtawm amyu matu law law mung nang hpe jaw na we ai,” ngu nna tsun wu ai.

NINGPAWT NINGHPANG 28:13

Dai Madu gaw dai yang na shi a makau e tsap nga nhtawm, “Ngai gaw Abraham, Isak ni a dai Madu Karai Kasang rai nga nngai; nang hpe mung, na a amyu matu ni hpe mung ndai lamu ga hpe ngai jaw na nngai.

NINGPAWT NINGHPANG 28:17

Shi gaw hkrit ai hte, “Shara ndai gaw hkrit mai ai shara rai nga a hka! Dai shara gaw Karai Kasang a nta hte sumsing lamu a chyinghka lam rai nga a hka!,” ngu nna tsun wu ai.

NINGPAWT NINGHPANG 31:42

Nye kaji kawa ni a Karai Kasang ngu ai Abraham, Isak ni a Karai Kasang gaw ngai hte rau she n nga ai rai taw gaw, nang ngai hpe kaman dat dat kau chyalu rai nga ndai. Rai ti mung Karai Kasang gaw ngai hkam sha ai tsin-yam tsindam hte ngai galaw sai amu hpe mu mada ya ni ai majaw, mana e, shi tara daw dan ai lam jaw ya mi ai,” ngu nna tsun wu ai.

NINGPAWT NINGHPANG 32:9

Dai hpang Yaku gaw, “Nye a aji Abraham a Karai Kasang nye wa Isak a Karai Kasang e, nye a akyu hpyi ga hpe na ya e! Madu e, nang ngai hpe nye a mung ga, nye a amyu ni shanu nga ai ga de nhtang wa na matu mung, nye a matu lam shagu hta mai kaja shangun na mung, nang tsun nit dai.

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

1 HKAWHKAM 19:13

Elia gaw dai nsen hpe na jang, shi a myi man hpe shi a hpajawng hte magap nna lungpu makau e sa tsap nga ai. Shaloi nsen langai mi gaw shi hpe, “Elia e, nang ndai yang e hpa galaw nga n ta?,” ngu nna san wu ai.

NEHEMIA 9:9

“Anhte a kaji kawa ni Egutu mung hta kaning rai nni nkri hkrum sha ai hpe nang mu ndai; Nawng Hkyeng makau e karum la na matu shanhte a hpyi jahtau ai nsen hpe nang na nit dai.

ESHTA 3:4

shanhte chyawm gaw lani hte lani san shadut mu ti mung, shanhte a ga hpe n madat ya wu ai. Shi gaw, “Ngai gaw Yuda masha langai mi rai nga nngai, ngai gaw Haman hpe n lu gum dagup lu nngai,” ngu nna tsun shaleng dan wu ai. Dai re ai majaw shanhte gaw ndai lam Haman hpe tsun dan mu ai rai nna Mordehkai galaw ai arawn alai hpe shi yu sharang lu ai rai yang mung dai gaw mauhpa rai na sai.

SHAKAWN KUNGDAWN 132:2

Madu e, Dawi gaw, “Dai Madu a Nawku Htingnu ngu ai, dai Chyahtum Chyalai n-gun rawng ai Yaku a Karai Kasang a matu nta n gap ngut dingsa, nye a nta de wa na nngai n rai, yupku ntsa de ngai lung na n rai, ngai ban sa la na n rai, ngai yup la na n rai,” nga nna nang hpe shi dagam da ai ga sadi hte Chyahtum Chyalai n-gun rawng ai Yaku a Karai Kasang hpe, shi tawn da nu ai ga ndat hpe dum nga u.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

PRU MAT 29:45

Ngai gaw Israela amyu masha ni hta shanu nga nhtawm shanhte a Karai Kasang tai nga na nngai.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

PRU MAT 33:20

Ngai hpe mu lu ai wa kadai mung hkrung nga lu na n rai: dai majaw ngai nang hpe nye a myi man mu shangun na we ai n rai;

PRU MAT 4:5

Dai Madu gaw, “Shanhte a kaji kawa ni a Karai Kasang, Abraham, Isak hte Yaku ni a Madu Karai Kasang nang kaw dan pru ai gaw Israela amyu masha ni hpe sakse madun dan na matu rai nga ai majaw dai amu hpe galaw u,” ngu nna tsun wu ai.

YEREMIA 24:7

Ngai gaw dai Madu rai nga nngai hpe chye na matu, chye mayu ai myit shanhte hpe ngai jaw na nngai. Shaloi, shanhte gaw myit masin mahkra hte ngai hpang de kayin wa na mara ai majaw, shanhte gaw nye a amyu masha ni tai nna, ngai mung shanhte a Karai Kasang tai na nngai.

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

YEREMIA 32:38

Shing rai, shanhte gaw nye a amyu tai nna, ngai gaw shanhte a Karai Kasang tai nga na nngai.

EZEKELA 11:20

Dai hpang, shanhte gaw nye a tara ni hpe shadik shatup lu na mara ai; nye a hkang da ai ga yawng hpe kangka ai hte madat mara hkan sa na mara ai. Shaloi, shanhte gaw nye a amyu masha ni tai wa ai hte ngai mung shanhte a Karai Kasang tai nga na nngai.

ZEHKARIA 8:8

shanhte hpe Yerusalem hta nga shangun na matu, sinpraw sinna maga hkan nga nga ai shanhte hpe bai woi la na nngai. Shanhte gaw nye a amyu masha ni tai nna, ngai gaw shanhte a Karai Kasang tai nga let shanhte hpe sadi sahka hte teng man ai hku up hkang nga na nngai.

MAHTE 17:6

Sape ni dai hpe na jang, shanhte nachying hkrit gari mat nna, shanhte a myi man ga de dagup nga ma ai.

MAHTE 22:32

Karai Kasang chyawm gaw, si nga ai ni a Karai Kasang n rai, ahkrung nga ai ni a Karai Kasang she rai nga ai,” nga ai.

MARKU 12:26

Ya si mat ai ni a bai hkrung rawt wa na lam hte seng nna, Mawshe a laika hta dai wan grung nga ai singwum a lam ka da ai daw hpe n hti yu myit ni? Dai daw hta Karai Kasang gaw Mawshe hpe, ‘Ngai gaw Abraham a Karai Kasang, Yaku a Karai Kasang rai nga nngai,” nga nna tsun ai hpe ka da nga ai.

LUKA 20:37

Mawshe gaw, si mat sai ni bai hkrung rawt wa ai lam dan dan leng leng sakse madun nga ai. Wan hkru nga ai singwum a lam ka da ai hta, shi gaw Madu hpe, ‘Abraham a Karai Kasang, Isak a Karai Kasang, Yaku a Karai Kasang,’ nga nna tsun nga ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

KASA 7:32

“Ngai gaw na a nji nwa ni a Karai Kasang, Abraham, Isak, Yaku a Karai Kasang rai nga nngai,” nga ai. Mawshe chyawm gaw hkrit gari nna n mada wam wu ai.

KASA 7:34

Egutu mung na nye a amyu masha ni a zingri zingrat nni nkri hkrum sha nga ai hpe ngai mu se ai. Shanhte a madai ai nsen hpe ngai na ni ai; Shanhte hpe hkye shalawt la na ngai yu wa ring ngai. Ya sa rit, ngai nang hpe Egutu mung de shangun dat de ga,” ngu nna shi hpe tsun wu ai.

TARA JAHPRANG 6:3

Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.

HEBRE 11:16

Ya chyawm gaw, dai hta grau ai sumsing lamu na buga mungdan hpe marit nga ma ai. Dai re ai majaw, Karai Kasang gaw shanhte a Karai Kasang re ai ngu na hpe kaya ma ai n rai, hpa majaw nga yang, Karai Kasang gaw shanhte a matu nga na shara langai mi lajang da ya manu ai.

HEBRE 12:21

Mu lu ai lam ting gaw hkrit kajawng hpa rai nga ai majaw Mawshe pyi, “Ngai nachying hkrit gari mat ni ai,” nga nna tsun ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

TARA AGYI 13:22

Mano gaw shi a madu jan hpe, “An gaw Karai Kasang hpe mu kau saga ai majaw teng teng si mat na saga ai!,” ngu nna tsun wu ai.