PRU MAT 3:20 - Jinghpaw Common Language Bible 2009

²⁰ Rai ti mung nye a daru magam n-gun hpe ngai lang nhtawm mauhpa amu ni hte jahkrit shama let Egutu mung hpe ari jaw na we ai. Dai hpang shi nanhte hpe sa wa shangun na ra ai.

Jinghpaw Hanson Version Bible

²⁰ Shaloi ngai gaw nye a lata sharawt nna Egutu mung hta e ngai di dat na nye a mauhpa amu nlang hte hte dai mung hpe ari jaw na we ai: dai hpang shi nanhte hpe dat dat na ra ai.

PRU MAT 3:20 ပူးပေါင်းရင်းမြစ်များ

NINGPAWT NINGHPANG 15:14

Rai ti mung shanhte hpe yam ai amyu hpe ngai ari jaw na we ai; bai shanhte gaw dai maigan mungdan kaw nna pru wa ai shaloi, shanhte hte rau sut gan law law la mat wa na mara ai.

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

SHAKAWN KUNGDAWN 105:27

Shanhte gaw, Karai Kasang a mauhpa magam amu ni hte lamik kumla amyu myu ni hpe Egutu mung hta e, madun dan manu ai.

SHAKAWN KUNGDAWN 105:38

Egutu amyu masha ni mung shanhte hpe hkrit nga ma ai; shanhte pru mat wa ai shaloi, kabu gara nga ma ai.

SHAKAWN KUNGDAWN 106:22

Dai mung hta shi galaw dan sai amu ni gaw kaning re ai mauhpa wa rai nga a hka! Nawng hkyeng hta shi galaw dan sai magam amu ni gaw kaning re ai mauhpa wa rai nga a hka!

PRU MAT 11:1

Dai hpang dai Madu gaw Mawshe hpe, “Egutu hkawhkam hte shi a mung masha ni a ntsa e ari ahpri langai ngai naw dat dat na we ai. Dai lam a majaw shi gaw nanhte hpe pru wa shangun na ra ai. Shi gaw nanhte yawng hpe ndai shara kaw na kalang lata gawt kau dat na ra ai.

PRU MAT 12:39

Shanhte gaw Egutu mung kaw na gawt kau hkrum masai rai nna, shanhte a lusha hpe shajin la na matu mung, matsi rawng ai muk katsing shachyip gun na matu mung, akajawng sha aten n lu ma ai majaw Egutu mung kaw na la pru wa ai muk katsing hpe matsi n rawng ai sha kabaw sha ma ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 13:9

Na a lata hta shing n rai na a kahtan hta masat arai lama mi shakap da ai zawn dai htung masa hpe adum nga na rai myit dai. Dai Madu gaw shi a daru magam n-gun kaba hte nanhte hpe Egutu mung kaw na woi shapraw wa manit dai majaw dai Madu a Tara hpe matut manoi hti shakrai na matu shadum jahprang ya na rai myit dai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 15:6

“Madu e, na a hkra lata gaw daru magam n-gun hte hkrit hpa wa rai nga ai; dai gaw gumlau hpyen ni hpe agrawp kau nga ai.

PRU MAT 4:21

Dai hpang e mung dai Madu gaw Mawshe hpe, “Ya chyawm gaw Egutu mung de nang nhtang sa wa nga ndai rai nna mauhpa lamik kumla yawng galaw na matu ngai nang hpe jaw da sai daru magam n-gun hte hkawhkam wa a man e galaw shapraw na amu hpe dum nga u. Rai ti mung hkawhkam wa a myit hpe ngai shaja ya na rai nna amyu masha ni hpe wa shangun na wu ai n rai.

PRU MAT 6:1

Shaloi dai Madu gaw Mawshe hpe, “Hkawhkam wa hpe ngai kaning di na gaw ya nang mu lu na rin dai. Ngai gaw shi hpe nye a amyu masha ni hpe dat dat shangun na matu shagyeng na we ai. Kaja wa teng teng, shanhte hpe shi a mung kaw nna gawt shapraw kau dat lu hkra ngai shi hpe shadut na we ai,” ngu nna tsun wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

PRU MAT 9:15

Nang hpe adup abyen na matu mung, na a masha ni hpe ana ahkya hte zingri na matu mung, nye a lata sharawt tawn taw gaw, nang gaw tsep kawp shamyit kau ai hkrum na rai ndai.

ESAIA 19:22

Dai Madu gaw Egutu masha ni hpe ari jaw na ra ai, rai ti mung shi gaw shanhte hpe shamai shatsai ya na ra ai. Shanhte gaw shi kaw kayin wa na mara ai, shi gaw shanhte a akyu hpyi ga ni hpe na ya ai hte shanhte hpe shamai shatsai ya na ra ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

EZEKELA 20:33

“Ngai gaw Tsaw Htum ai dai Madu, ahkrung nga ai Karai Kasang rai nga nngai, dai majaw nye a masin kahtet ai hta ngai nanhte hpe nye a n-gun ja ai lata, nye a daru magam n-gun mahkra hte up na nngai, ngu ngai nanhte hpe shadum nngai.

MIHKA 7:15

Madu e, nang gaw anhte hpe Egutu mung kaw nna woi shapraw wa ai shani hta nang galaw dan sai amu ni zawn anhte a matu mauhpa amu galaw dan mi.

KASA 7:36

Shi gaw Egutu mung hte Nawng Hkyeng hta mung, shaning mali shi ning tup nam mali hta mung, mauhpa hte lamik kumla ni madun nna Israela amyu masha ni hpe Egutu mung na woi shapraw wa ai wa rai nga ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 6:22

Egutu masha ni hpe mung, shanhte a hkawhkam wa hte shi a du salang ni hpe mung mauhpa lamik kumla ni hte hkrit hpa amu ni hpe shi galaw dan nu ai hpe anhte a myi hte chyaw mu lu saga ai.

TARA AGYI 6:8

Dai Madu Israela a Karai Kasang gaw shanhte hpang de ndai mungga ning ngu tsun na matu myihtoi langai shangun dat wu ai: “Ngai gaw nanhte hpe Egutu mung e mayam tai nga myit dai kaw nna woi wa ma sade ai.

TARA AGYI 8:16

Dai hpang shi gaw nam mali na ju hpun ni hpe la nhtawm Suhkot mare na ningbaw ni hpe ari jaw na matu akyu jashawn wu ai.