PRU MAT 3:2 - Jinghpaw Common Language Bible 2009

² Dai yang e, dai Madu a lamu kasa gaw sumwum hta na wan numli zawn shi kaw dan pru nga ai. Mawshe gaw dai shara hta sumwum wan chyi nga tim n hkru nga ai hpe mu wu ai.

Jinghpaw Hanson Version Bible

² Shaloi Karai Kasang a lamu kasa gaw, singwum hta wan grung ai hte shi kaw dan pru ai: dai hpe shi yu yu wu yang, yu u, wan grung nga timung singwum gaw n hkru mat nga ai.

PRU MAT 3:2 ပူးပေါင်းရင်းမြစ်များ

NINGPAWT NINGHPANG 21:17

Karai Kasang mung dai ma jahtau hkrap ai nsen na wu ai rai nna, sumsing lamu na Karai Kasang a lamu kasa gaw Hagara hpe, “Hagara e, nang hpa baw ru yak tsin-yam hkrum hkra nga n ta? Hkum hkrit nga et, Karai Kasang gaw dai ma a jahtau hkrap ai nsen hpe na ya nu ai.

NINGPAWT NINGHPANG 22:11

Rai ti mung, dai Madu a lamu kasa gaw sumsing lamu kaw nna shi hpe, “Abraham, Abraham,” ngu nna shaga wu ai. Shi mahtang, “Rai sa, ngai nang e nga nga nngai,” ngu nna htan wu ai.

NINGPAWT NINGHPANG 48:16

Machyi shoichyum ai yawng hta na ngai hpe hkye mawai la sai lamu kasa gaw shan hpe shaman ya u ga law! Nye a mying hte mung, nye a kaji Abraham hte nye wa Isak yan a amying hte mung, ndai ma yan matut nna hkrung nga mu ga law! Shan hta kashu kasha law law mayat maya wa nna amyu matu law law gumja gumhpra rai wa manu ga law!”

SHAKAWN KUNGDAWN 66:12

Anhte a gumlau hpyen ni hpe anhte a ntsa e, nang kabye shangun nna; anhte gaw wan hpyen, hka mawru hpyen ni hpe hkrum kadup lai wa saga ai; rai ti mung, ya chyawm gaw, nang anhte hpe shim lum ai shara de woi wa nga nit dai.

PRU MAT 19:18

Dai Madu gaw bum ntsa de wan hte yu hkrat wa ai majaw Sina Bum ting hta wan hkut hte ka-up da nga ai. Dai wan hkut gaw wan htung na wan hkut zawn mawng lung nga ai rai nna amyu masha ni ja ja hkrit gari nga ma ai.

PRU MAT 23:20

“Ngai lajang da ya sai shara de nang hpe woi hkawm wa ai shaloi, nang hpe bau sin makawp maga na matu, na a shawng e lamu kasa hpe ngai shangun dat ni ai.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

Daniela 3:27

Hkawhkam kasha ni, munggyi ni, mung du ni hte kaga du salang ni gaw wan kata e hpa machyi n hkrum nga ai marai masum hpe jawm yu let hpawng nga ma ai. Shanhte a kara singgawng langai mi pyi katip mat ai n rai; shanhte a bu hpun palawng ni hkru mat ai n rai, dai ni hta wan sama pyi n manam nga ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MARKU 12:26

Ya si mat ai ni a bai hkrung rawt wa na lam hte seng nna, Mawshe a laika hta dai wan grung nga ai singwum a lam ka da ai daw hpe n hti yu myit ni? Dai daw hta Karai Kasang gaw Mawshe hpe, ‘Ngai gaw Abraham a Karai Kasang, Yaku a Karai Kasang rai nga nngai,” nga nna tsun ai hpe ka da nga ai.

LUKA 20:37

Mawshe gaw, si mat sai ni bai hkrung rawt wa ai lam dan dan leng leng sakse madun nga ai. Wan hkru nga ai singwum a lam ka da ai hta, shi gaw Madu hpe, ‘Abraham a Karai Kasang, Isak a Karai Kasang, Yaku a Karai Kasang,’ nga nna tsun nga ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

TARA JAHPRANG 33:16

Shanhte a lamu ga hta mai kaja ai ngamu ngamai lam yawng hte hpring nga u ga; Wan hkru nga ai singwum kata kaw na ga shaga ai dai Madu a mai kaja lam a majaw shaman chyeju hkam la lu mu ga. Yosep gaw kahpu kanau ni hta ningbaw tai nga ai majaw; Shi a amyu bawsang hta dai shaman chyeju ni anga nga nu ga law.

TARA JAHPRANG 4:20

Rai ti mung nanhte gaw dai ni rai nga ai hte maren, shi a amyu masha jet tai nga myit ga nga, Egutu mung a grung nga ai wan htung kaw na mawai da ai amyu masha ni rai nga myit dai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

TARA AGYI 13:13

Dai Madu a lamu kasa gaw, “Ngai shi hpe tsun sai lam magup hpe na a madu jan teng teng galaw na rai wu ai.