PRU MAT 3:18 - Jinghpaw Common Language Bible 2009

¹⁸ Shaloi nye a amyu masha ni hpe nang tsun ai ga shanhte madat mara na mara ai. Dai hpang nang gaw Israela ni a ningbaw ni hte rau Egutu hkawhkam kaw sa nna shi hpe, ‘Hebre masha ni a Madu Karai Kasang gaw shi hkum nan anhte hpe madun dan mani ai. Anhte a Madu Karai Kasang hpe shagu hkungga nawng jau lu na matu, nam mali de masum ya sat sa lu na ahkang ya anhte hpe jaw mi,’ ngu nna sa tsun masu.

Jinghpaw Hanson Version Bible

¹⁸ Shanhte mung na a ga madat na ma ai; shing rai, nang hte Israela a salang ni gaw Egutu hkawhkam kaw shang nna, Hebre masha ni a Karai Kasang Yehowa gaw anhte hte hkrum sai; dai rai nna, anhte a Karai Kasang Yehowa hpe hkungga jaw lu na nam mali de lam masum ya sat sa lu na ahkang anhte hpe jaw mi, ngu nna shi hpe tsun na rai myit dai.

PRU MAT 3:18 ပူးပေါင်းရင်းမြစ်များ

NINGPAWT NINGHPANG 12:1

Dai Madu gaw Abram hpe, “Na a mungdan, na a jinghku jingyu ni hte na kawa a buga kaw nna pru wa nhtawm ngai nang hpe madun na de ai mung de sa wa su.

NINGPAWT NINGHPANG 14:13

Rai ti mung, hprawng lawt wa ai masha langai mi gaw Amori masha Mamre madu da ai dai chyoi pra ai hpun ni tu ai shara makau e naw nga ai Hebre masha Abram hpang de dai lam yawng sa tsun dan wu ai. Mamre hte shi a kahpu kanau yan rai nga ai Eshkola hte Anera ni chyawm gaw Abram hte ga shaka tawn da ai jinghku ni rai ma ai.

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 48:3

Yaku gaw Yosep hpe, “Chyahtum Chyalai N-gun Rawng Ai Karai Kasang gaw Hkanan mung Luza mare e ngai kaw dan pru nna shaman ya ni ai.

2 HKAWHKAM LABAU 30:12

Hkawhkam wa hte shi a du salang ni hkang dat ai ga hta hkan let, shi a myit ra hkan lu hkra nga, Karai Kasang mung Yuda mung hta amu galaw ai hte amyu masha ni hpe shanhte daw dan ai hte maren myit hkrum shinggyin da wu ai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

PRU MAT 10:3

Dai rai nna Mawshe yan Arun gaw hkawhkam wa kaw shang nna shi hpe, “Hebre masha ni a Madu Karai Kasang mahtang, ‘Nang gaw galoi aten du hkra nye a ga n madat na ngu nga n ta? Nye a amyu masha ni hpe sa wa shangun u, shaloi shanhte ngai hpe nawku lu na rai ma ai.

PRU MAT 17:5

Dai Madu gaw Mawshe hpe, “Nang hte rau Israela ningbaw nkau mi hpe woi nna, amyu masha ni a shawng e sa wa mu; Nila hka nu kayat ai na a dawhkrawng hpe mung lang let sa wa su.

PRU MAT 19:1

Israela amyu masha ni gaw Egutu mung kaw na pru wa ai shata masum ngu na langai ya shani e, Sina nam mali de shanhte du shang wa ma ai. Shanhte gaw Rehpidim shara na pru wa nhtawm Sina Bum lagaw e dabang but nga ma ai.

PRU MAT 25:22

Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.

PRU MAT 3:12

Karai Kasang gaw, “Ngai nang hte rau rai nga na nngai, dai re ai majaw amyu masha ni hpe Egutu mung kaw na nang woi shapraw wa ai shaloi nanhte ngai hpe ndai bum ntsa e nawku lu na rai myit dai. Dai gaw ngai nang hpe shangun dat ai sakse tai na ra ai,” ngu nna htan wu ai.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

PRU MAT 30:36

Dai hta na nkau mi hpe htu mani la nhtawm nye a hpung shingkang shanu nga ai Sum kata de la sa nhtawm Ga Shaka Sumpu a man e dai hpe gat na rai nga ai. Dai gaw tsep kawp chyoi pra nga nna manam pyaw na rai nga ai.

PRU MAT 30:6

Dai tawn hkungri hpe Ga Shaka Sumpu a man e grang ai nba grang a shinggan e tawn da na rai nga ai; ngai gaw dai shara hta nang hte hkrum na nngai.

PRU MAT 4:1

Dai hpang Mawshe gaw dai Madu hpe, “Rai ti mung Israela amyu masha ni ngai hpe n kam ai sha ngai tsun ai ga hpe mung n madat ya ai hte nang mung ngai kaw n dan pru ndai nga nna shanhte tsun wa ai shaloi, ngai kaning rai na rai ta?,” ngu nna htan wu ai.

PRU MAT 4:23

nye a shadang sha hpe dat dat ya nna shi ngai hpe nawku lu na lam, ngai nang hpe tsun ni ai; rai ti mung nang ningdang kau ai rai yang chyawm gaw na a shadang sha alat hpe ngai sat kau ya na we ai,’” ngu nna Ngai Madu nan tsun ai ga shi hpe nang tsun lu na rai ndai.

PRU MAT 4:24

Egutu mung de sa wa ai hkrun lam na dabang but shara langai mi hta Madu gaw Mawshe hte hkrum nna shi hpe sat kau na maw wu ai.

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

PRU MAT 5:1

Dai hpang Mawshe yan Arun gaw Egutu hkawhkam wa kaw shang nna, “Dai Madu Israela a Karai Kasang gaw, ‘Nye a amyu masha ni hpe sa wa shangun u, shaloi shanhte gaw ngai hpe shagrau sha-a na matu nam mali e poi galaw lu na rai ma ai,’” ngu nna tsun ai ga tsun dan ma ai.

PRU MAT 5:3

Mawshe yan Arun gaw, “Hebre masha ni a Karai Kasang gaw shi hkum nan anhte hpe shadan dan mi ai rai nna dai Madu anhte a Karai Kasang hpe shagu hkungga nawng jau ya lu na matu, dai masum ya sat sa ai nam mali de sa lu na ahkang anhte hpe jaw mi. Dai lam anhte n galaw lu ga ai rai yang shi anhte hpe ana zinli hte mung, majan hte mung sat kau na mi ai,” ngu nna htan ma ai.

PRU MAT 7:16

Dai hpang hkawhkam wa hpe, ‘Hebre masha ni a Madu Karai Kasang gaw shi a amyu masha ni hpe dat ya na matu, nang hpe tsun na, ngai hpe shangun dat ni ai, shaloi shanhte gaw shi hpe nam mali e nawku lu na mara ai. Rai ti mung, ya du hkra nang ga madat ya nga ndai n rai.

PRU MAT 8:1

Dai hpang Madu gaw Mawshe hpe, “Hkawhkam wa kaw shang nna dai Madu shi hpe ning ngu ai lam tsun u: ‘Nye a amyu masha ni ngai hpe nawku lu mu ga, shanhte hpe dat ya mi.

PRU MAT 8:20

Dai Madu gaw Mawshe hpe, “Hpawt de manap jau jau aten hta, hka nu de yu sa wa ai hkawhkam wa hpe sa hkrum nhtawm, dai Madu ning nga tsun ai ga tsun u: ‘Nye a amyu masha ni hpe dat dat u; shaloi shanhte ngai hpe nawku lu na rai ma ai.

PRU MAT 8:23

Nye a amyu masha ni hte na a amyu masha ni a lapran e dan leng ai ginhka lam ngai tawn da na we ai. Dai mauhpa lamik kumla gaw hpawt ni e byin pru wa na ra ai,’” ngu nna tsun wu ai.

PRU MAT 9:1

Dai Madu gaw Mawshe hpe, “Hkawhkam wa kaw shang nna Hebre masha ni a Madu Karai Kasang ning nga nna tsun ai ngu shi hpe tsun u: ‘Nye a amyu masha ni ngai hpe nawku lu mu ga, shanhte hpe dat dat u.

PRU MAT 9:13

Shaloi dai Madu gaw Mawshe hpe, “Hpawt de manap jau jau aten hta hkawhkam wa hte sa hkrum nhtawm, Hebre masha ni a Karai Kasang, dai Madu tsun ai ga shi hpe tsun wu ai: ‘Nye a amyu masha ni ngai hpe nawku lu mu ga, shanhte hpe dat dat u.

ESAIA 64:5

Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

YEREMIA 2:2

Yerusalem hta nga ai masha shagu hte hpe ndai mungga tsun na matu tsun wu ai. “Nang ram prat naw rai nga yang, nang kade wa kangka nga ndai hpe mung, anhte shawng nnan hkungran ga ai shaloi, nang ngai hpe kade tsaw ra ai hpe mung, zaibru jang hku mung, hkun hkraw ai lamu ga hku mung nang ngai kaw hkan nang nga ndai hpe ngai dum nga nngai.

YEREMIA 2:6

Ngai gaw shanhte hpe Egutu mung kaw nna hkye mawai la nhtawm kadai mung n nga ai hte kadai mung pyi n lai hkawm yu ai dai zaibru jang ga hte zaibru nhkun ni, hkun hkraw ai hte hkrit tsang hpa lamu ga ngu ai nam mali hku shanhte hpe woi wa tim pyi shanhte ngai hpe hpa zawn n nawn ma ai.

YEREMIA 26:5

nang hpang de shangun dat ya ai nye a shangun ma ni rai nga ai myihtoi ni a n-gup aga ni hpe tut nawng myit maju jung nga na dai Madu ngai nan hkang da ni ai. Rai ti mung shanhte tsun ai ga ni hpe nang galoi mung n madat yu ndai.

BU HKAWM 17:4

Dai ni hpe nye a hpung shingkang shanu nga ai Sum de la shang wa nhtawm ngai nang hte hkrum hkrum re ai Ga Shaka Sumpu a man e tawn da u.

YAWSHU 1:17

Anhte gaw Mawshe a ga tut nawng madat ga ai zawn, na a ga hpe mung anhte madat na ga ai. Dai Madu na a Karai Kasang gaw Mawshe hte rau nga nga ai zawn nang hte rau mung anga nga u ga law!