PRU MAT 3:17 - Jinghpaw Common Language Bible 2009

¹⁷ Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

Jinghpaw Hanson Version Bible

¹⁷ dai Egutu mung a ru tsang ai hta na ngai nanhte hpe shaw la nna, Hkanan, Hiti, Amori Hperizi, Hiwi hte Yebusi masha ni nga ai, nga chyu hte lagat jahku lwi ai mung de woi la na made ai, ngu nga nngai, nga nna ngai hpe tsun ai, ngu mu.

PRU MAT 3:17 ပူးပေါင်းရင်းမြစ်များ

NINGPAWT NINGHPANG 50:24

Shi gaw shi a kahpu kanau ni hpe, “Ngai si wa na ni ai; rai ti mung Karai Kasang gaw nanhte hpe teng teng lanu lahku nhtawm ndai mung kaw nna woi pru wa let, Abraham, Isak hte Yaku ni hpe dagam let ga sadi jaw da ai mung de nanhte hpe woi wa na marin dai,” ngu nna tsun wu ai.

YAWSHU 24:11

Nanhte gaw Yawdan hka rap nna Yerihko de du wa myit dai. Amori, Perizi, Hkanani, Hiti, Girgashi, Hiwi hte Yebusi masha ni galaw ai zawn Yerihko masha ni nanhte hpe hkap gasat ma ai. Rai ti mung shanhte yawng hpe gasat dang lu ai awng padang ngai nanhte hpe jaw mawe ai.

NINGPAWT NINGHPANG 46:4

Ngai mung nang hte rau Egutu mung de yu sa nna, dai kaw na ndai mung de na a amyu matu ni hpe ngai bai woi lung wa na nngai. Yosep mung nang si ai aten du hkra nang hte rau nga nga na ra ai,” ngu nna tsun wu ai.

NINGPAWT NINGHPANG 50:25

Dai hpang Yosep gaw shi a amyu masha ni hpe dagam shaka na matu lajin wu ai. Shi gaw, “Ngai hpe ga sadi jaw mi, Karai Kasang nanhte hpe dai mung de woi wa ai shaloi nye a hkum tsawp hpe nanhte hte rau la lung wa na rai myit dai,” ngu nna tsun wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

PRU MAT 13:5

Dai Hkanan, Hiti, Amori, Hiwi hte Yebusi masha ni nga ai lamu ga, dai Madu gaw nanhte hpe jaw na matu nga, nanhte a kaji kawa ni hta dagam let ga sadi shagrin da nu ai dai sut su ngamu ngamai nna ga sau hte hpring ai mung de nanhte hpe woi shang wa ai shaloi, nanhte gaw shawng na shata shagu hta ndai poi hpe galaw na rai myit dai.

PRU MAT 32:34

Ya chyawm gaw ngai nang hpe tsun na shara de ndai amyu masha ni hpe woi sa su. Nye a lamu kasa nang hpe lam madun la na ra ai hpe adum nga u; rai ti mung shanhte shut hpyit kau ai yubak a matu ndai amyu masha ni hpe ngai ari jaw na aten gaw du na ra ai,” ngu nna tsun wu ai.

PRU MAT 33:3

Nanhte gaw ngamu ngamai ai sut hte ningru ningja ai ga de sa wa na rai myit dai. Rai ti mung, ngai hkum nan chyawm gaw nanhte hte rau sa lawm na n rai; nanhte gaw du ja ai amyu masha ni rai myit dai majaw hkrun lam e ngai nanhte hpe jahten kau mai nga nngai,” ngu nna tsun wu ai.

BU HKAWM 13:27

Shanhte gaw Mawshe hpe, “Anhte dai mungdan hpe hkan yu maram yu saga ai; dai mungdan gaw kaja wa ngamu ngamai ai sut hte ningru ningja ai ga rai nga ai hpe mu da saga ai. Yu mu, ndai namsi nkau mi gaw dai mung na rai nga ai.

TARA JAHPRANG 6:3

Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.

TARA JAHPRANG 26:9

Shi gaw anhte hpe ndai mung de woi wa nna ndai ngamu ngamai ai hte ningru ningja ai ga jaw ya mi ai.

YAWSHU 9:1

Ya, Yawdan hka a sinna hkran up ai hkawhkam ni yawng mung, bum ga, bum lagaw, pa layang hkan, Lebanon dingdung maga, Ka-ang Panglai hka kau mayan yawng hkan up ai Hiti, Amori, Hkanani, Perizi, Hiwi hte Yebuzi amyu ni a hkawhkam ni gaw Israela masha ni a awng padang shiga na ma ai.

YEREMIA 32:22

Shanhte a kaji kawa ni hte nang ga sadi tawn da ai hte maren, nang gaw ndai ngamu ngamai ai sut hte ningru ningja ai lamu ga hpe mung shanhte hpe jaw nit dai.

JAW JAU 20:24

Rai ti mung dai ngamu ngamai ai sut hte ga sau hpring nna ningru ningja ai mung hpe nanhte madu la na matu ngai nanhte hpe jaw na ngu nna ga sadi tawn da ni ai. Ngai gaw dai Madu nanhte a Karai Kasang rai nga nngai majaw kaga amyu ni kaw na nanhte hpe jahka jasan la ni ai.

1 HKAWHKAM LABAU 1:15

Hiwi, Arki, Sini,

SHAKAWN KUNGDAWN 102:21

Dai majaw, masha amyu baw ni hte mungdan ni rau sa hkrum zup nna, Madu hpe nawku daw jau ai shaloi, shi a amying nsang hpe Ziun Bum hta htawn tsun dan na mara ai; amyu masha ni mung, Yerusalem mare hta shi hpe shakawn kungdawn na mara ai.

YEREMIA 11:5

Shanhte ya shanu nga sai dai ngamu ngamai nna ningru ningja ai mungdan ngu ai shanhte hpe ngai jaw na ngu nna shanhte a kaji kawa ni hpe ngai dagam da ai ga sadi hpe ngai shagrin na we ai,” ngu nna tsun ni ai. Ngai gaw, “Rai sa, Madu e,” ngu nna tsun nngai.

EZEKELA 20:6

Dai gaw ngai shanhte hpe Egutu mung kaw nna shapraw la nhtawm mungdan yawng hta grau kaja htum nna ngamu ngamai ai sut hte ningru ningja ai mung ngu ai shanhte a matu ngai san da ai mung de woi wa na lam, ga shaka tawn da ni ai.