PRU MAT 3:13 - Jinghpaw Common Language Bible 2009

¹³ Rai ti mung Mawshe gaw, “Israela amyu masha ni hpang de ngai sa du nna shanhte hpe, ‘Nanhte a nji nwa ni a Karai Kasang gaw nanhte hpang de ngai hpe shangun dat ni ai,’ ngu nna tsun ai shaloi, shanhte ngai hpe, ‘Shi a amying kaning nga a ta?,’ nga nna ngai hpe san dam yang, ngai shanhte hpe kaning ngu tsun lu na rai nga a ta?,” ngu nna htan wu ai.

Jinghpaw Hanson Version Bible

¹³ Bai Mawshe mung, “Yu u, Israela a kashu kasha ni hpang de ngai sa du nna, Nanhte a nji nwoi ni a Karai Kasang gaw ngai hpe nanhte hpang de shangun dat nngai,” ngu mawe yang, shanhte mung, “Dai Karai Wa a amying ningsang kaning nga lu ta?” nga nna san dam yang, “Ngai kaning ngu bai htan na rai ta?” ngu nna Karai Kasan hpe san wu ai.

PRU MAT 3:13 ပူးပေါင်းရင်းမြစ်များ

NINGPAWT NINGHPANG 32:29

Yaku mung, “Na a mying ya jang ngai hpe tsun dan e,” ngu nna tsun wu ai. Rai ti mung, shi mahtang, “Nang hpa majaw nye a mying chye mayu nga n ni?,” ngu nna tsun nhtawm Yaku hpe shaman ya wu ai.

PRU MAT 15:3

Dai Madu gaw majan gasat ai share shagan wa rai nga ai; Dai Madu gaw shi a mying rai nga ai.

PRU MAT 3:12

Karai Kasang gaw, “Ngai nang hte rau rai nga na nngai, dai re ai majaw amyu masha ni hpe Egutu mung kaw na nang woi shapraw wa ai shaloi nanhte ngai hpe ndai bum ntsa e nawku lu na rai myit dai. Dai gaw ngai nang hpe shangun dat ai sakse tai na ra ai,” ngu nna htan wu ai.

PRU MAT 3:14

Karai Kasang gaw, “Ngai gaw Ngai rai nga nngai. Nang gaw shanhte hpe: ‘Ngai Rai Nga Nngai,’ ngu ai Wa gaw, nanhte hpang de ngai hpe shangun dat ni ai,’ ngu nna tsun lu na ndai.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

PRU MAT 7:16

Dai hpang hkawhkam wa hpe, ‘Hebre masha ni a Madu Karai Kasang gaw shi a amyu masha ni hpe dat ya na matu, nang hpe tsun na, ngai hpe shangun dat ni ai, shaloi shanhte gaw shi hpe nam mali e nawku lu na mara ai. Rai ti mung, ya du hkra nang ga madat ya nga ndai n rai.

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

ESAIA 52:6

Aten du ai shaloi, ngai gaw nanhte hpe ga shaga ai Karai Kasang rai nga nngai hpe nanhte yin la na rai myit dai,” ngu nna tsun ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

KASA 3:13

Abraham, Isak hte Yaku a Karai Kasang ngu ai anhte ji wa ni a Karai Kasang gaw, shi a shangun ma Yesu hpe hpung shingkang shadan shapraw ya nu ai. Rai ti mung, nanhte chyawm gaw ahkang aya lu ai ni a lata de shi hpe ap kau myit dai rai nna, Pilat du wa pyi shi hpe dat kau na myit daw dan da sayang nanhte mahtang Pilat a man e shi hpe ndang kau myit dai.

TARA AGYI 13:17

Mano gaw, “Nang tsun ai ga ni teng tup dik wa jang, nang hpe an shagrau sha-a lu u ga, na a mying an hpe tsun dan mi,” ngu nna tsun htang wu ai.

TARA AGYI 13:6

Dai hpang numsha gaw shi a madu wa hpang de sa nhtawm, “Karai Kasang a masha langai mi ngai kaw sa nna hkrit hkungga mai ai Karai Kasang a lamu kasa hpe zawn shi mada yu wu ai. Shi kanang na sa wa ai hpe mung ngai n san yu we ai; shi mung shi a mying ngai hpe n tsun dan nga ai.