PRU MAT 3:12 - Jinghpaw Common Language Bible 2009

¹² Karai Kasang gaw, “Ngai nang hte rau rai nga na nngai, dai re ai majaw amyu masha ni hpe Egutu mung kaw na nang woi shapraw wa ai shaloi nanhte ngai hpe ndai bum ntsa e nawku lu na rai myit dai. Dai gaw ngai nang hpe shangun dat ai sakse tai na ra ai,” ngu nna htan wu ai.

Jinghpaw Hanson Version Bible

¹² Bai Karai kasang gaw, “Ngai nang hte rau teng teng nga na ring ngai; ngai nang hpe shangun dat ai kumla gaw, Dai amyu hpe Egutu mung na nang shapraw wa nhtawm, ndai bum hta e nanhte Karai Kasang hpe naw jau lu ai rai na ra ai,” ngu wu ai.

PRU MAT 3:12 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

NINGPAWT NINGHPANG 15:8

Rai ti mung, Abram mahtang, “Tsaw htum ai Madu e, dai lamu ga gaw nye a matu tai na ra ai gaw, ngai kaning di chye lu na rai nga a ta?” ngu nna san wu ai.

NINGPAWT NINGHPANG 26:3

Ndai yang e nga u, ngai nang hte rau nga nga nna nang hpe shaman ya na nngai. Nang hpe mung, na a amyu matu ni hpe mung ndai mung ting ngai jaw na mawe ai; shing rai na nwa Abraham hpe ngai shagrin da sai ga sadi hpe ngai shatup na we ai.

NINGPAWT NINGHPANG 31:3

Dai hpang dai Madu gaw shi hpe, “Na a nwa ni hte na a bawsang ni nga ai mung de bai wa nu; ngai nang hte rau anga nga na nngai,” ngu nna tsun wu ai.

2 HKAWHKAM 19:29

Dai hpang Esaia gaw Hkawhkam Hezekia hpe, “Da ndai gaw hpa byin wa na lam a kumla rai nga ai. Dai ning hte htaning du hkra nang gaw nsi nhpan hpe sha sha lu ti mung, dai shaning ni lai mat wa ai hpang shaning kaw nna gaw nsi naisi ni hpe nang hkai lu nna, dai hpe sha lu na rai ndai; sabyi ru ni hpe mung nang hkai nna sabyi si sha lu na rai ndai.

1 HKAWHKAM LABAU 9:20

Eleaza a kasha Hpineha gaw lai sai aten shanhte hpe woi up lai wa sai-dai Madu gaw shi hte rau anga nga u ga law!

SHAKAWN KUNGDAWN 86:17

Madu e, na a mai kaja ai sakse, ngai hpe madun dan e; nang ngai hpe jaw ya ai shangwi shapyaw lam hte karum la ai lam hpe mu ai shaloi, ngai hpe n ju n dawng nga ai ni kaya kahpa hkrum mat na mara ai.

PRU MAT 18:5

Yehtru gaw Mawshe a madu jan hte shi a shadang sha lahkawng yan hpe woi nna dai nam mali kata, Mawshe dap jung tawn ai chyoi pra ai bum de du sa ma ai.

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

PRU MAT 3:13

Rai ti mung Mawshe gaw, “Israela amyu masha ni hpang de ngai sa du nna shanhte hpe, ‘Nanhte a nji nwa ni a Karai Kasang gaw nanhte hpang de ngai hpe shangun dat ni ai,’ ngu nna tsun ai shaloi, shanhte ngai hpe, ‘Shi a amying kaning nga a ta?,’ nga nna ngai hpe san dam yang, ngai shanhte hpe kaning ngu tsun lu na rai nga a ta?,” ngu nna htan wu ai.

PRU MAT 33:14

Dai Madu gaw, “Ngai nang hte rau sa na nngai, ngai nang hpe awng padang jaw na de ai,” ngu nna tsun wu ai.

PRU MAT 4:12

Ya chyawm gaw sa wa su! Nang shaga lu na matu ngai karum na de ai; kaning ngu nna nang tsun shaga na mung ngai tsun dan na de ai,” ngu nna tsun wu ai.

PRU MAT 4:15

Nang gaw shi hte rau ga shaga lu na rai nna, kaning ngu tsun na ga shi hpe tsun dan u. Ngai gaw nan lahkawng tsun shaga na ga hpe karum ya na nngai; ngai gaw nan hpa galaw na lam hpe mung tsun dan na made ai.

PRU MAT 8:27

Shi anhte hpe hkang da sai hte maren, dai Madu anhte a Karai Kasang hpe hkungga nawng ya na matu, masum ya sat sa ai nam mali de mahtang anhte sa ra na ga ai,” ngu nna htan wu ai.

ESAIA 37:30

Dai hpang Esaia gaw Hkawhkam Hezekia gaw, “Ndai gaw byin wa na ra ai lam a kumla langai rai nga ai. Dai ning hte htaning du hkra, nang gaw sha na nsi nhpan hpe sha lu la na rai ndai, rai ti mung hpang shaning kaw nna gaw, nsi naisi ni hpe nang hkai lu nna dai hpe sha lu na rin dai. Sabyi ru ni hpe mung nang hkai nna sabyi si ni di sha lu na ra ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 1:8

Shanhte hpe hkum hkrit nga et, ngai gaw nang hpe makawp maga na matu nang hte rau nga nga na nngai. Dai Madu ngai nan tsun ni ai!,” ngu nna tsun wu ai.

BU HKAWM 16:28

Mawshe gaw amyu masha ni hpe, “Ndai amu ni yawng nye a myit ra ai hku n rai; dai Madu shangun ai hku ngai galaw nngai hpe nanhte chye lu na rai myit dai.

BU HKAWM 23:21

Israela a du na ra ai aten e, shi hta n kaja ai lam hte Ru yak tsin-yam tsindam dingbai dingna hpa mung du shang wa na n rai nga ai hpe ngai tau chye da se ai. Dai Madu shanhte a Karai Kasang gaw shanhte hte rau rai nga ai; Shi gaw shanhte a Karai Kasang rai nga ai nga nna shanhte tsun garu ma ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

KASA 11:21

Madu a n-gun atsam mung shanhte hta nga nga ai rai nna, masha dawwa kaba kam sham ai hte Madu hpang de kayin wa ma ai.

KASA 7:7

Rai ti mung, shanhte hpe yam sha nga ai amyu masha ni hpe mung ngai jeyang na mawe ai. Dai hpang shanhte dai mung na pru wa nna, ndai yang e ngai hpe jaw jau lu na mara ai,” nga nna tsun ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

TARA JAHPRANG 31:23

Dai hpang Nun a kasha Yawshu hpe, “Kam hpa ai hte myit jahkut daw dan u. Nang gaw ngai ga sadi jaw da ai mungdan de dai Israela amyu masha ni hpe woi shawn na rai ndai; ngai mung nang hte rau anga nga na nngai,” ngu nna dai Madu shi hpe hkang da wu ai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

TARA AGYI 6:12

Dai Madu a lamu kasa gaw dai yang e shi kaw dan pru nna, “N-gun ja nna share ai wa e, dai Madu gaw nang hte rau rai nga ai!,” ngu nna tsun wu ai.

TARA AGYI 6:16

Dai Madu mung, “Ngai nang hpe karum la na rai nga nngai majaw nang gaw dai amu hpe galaw lu na rai ndai. Nang gaw shanhte hpe marai mi hpe zawn loi loi hte dai Midian masha ni hpe agrawp kau lu na rai ndai,” ngu nna htan wu ai.

TARA AGYI 6:17

Gidon gaw, “Nang ngai hpe awng sharawng nga ndai rai yang, nang teng teng dai Madu rai nga ai sakse ngai hpe madun dan e law.

TARA AGYI 6:21

Dai hpang dai Madu a lamu kasa mung shi lang nga ai dawhkrawng ladawn nna de a matu hte ashan hte amuk hpe chyan ahtawk dat wu yang, nlung kaw na wan pru wa nhtawm dai ashan hte muk hpe hkru kau nga ai. Dai hpang lamu kasa mung shi kaw na wa mat wa wu ai.

TARA AGYI 7:11

Shanhte kaning nga tsun ai hpe nang na ai shaloi htim gasat na n-gun, nden marai nang lu la na rin dai,” ngu nna hkang da wu ai. Dai rai nna Gidon hte shi a shangun ma Pura yan gaw gumlau hpyen ni a dap makau de kahtep sa wa ma ai.

1 SAMUELA 14:10

Rai ti mung, shanhte kaw sa wa mi, nga nna tsun jang chyawm gaw an sa wa ga; hpa majaw nga yang, shanhte hpe dang kau na awng padang dai Madu an hpe jaw nu ai; kumla gaw dai hku rai na ra ai,” ngu nna tsun wu ai.