PRU MAT 3:11 - Jinghpaw Common Language Bible 2009

¹¹ Rai ti mung, Mawshe mahtang Karai Kasang hpe, “Ngai hpa n tai nngai. Ngai gaw hkawhkam wa hpang de sa nna Israela amyu masha ni hpe Egutu mung kaw nna ngai kaning rai woi shapraw la lu na rai nga a ta?,” ngu nna tsun wu ai.

Jinghpaw Hanson Version Bible

¹¹ Shaloi Mawshe gaw Karai Kasang hpe, “Ngai gaw Hpara-u hpang de sa na mung, Israela a kashu kasha ni hpe Egutu mung na shaw la lu na mung, ngai hpa hkaw ai wa rai nga a ta?” ngu wu ai.

PRU MAT 3:11 ပူးပေါင်းရင်းမြစ်များ

2 SAMUELA 7:18

Dai hpang Hkawhkam Dawi gaw dai Madu a hpung shingkang shanu nga ai Sum de shang dung nhtawm, “Tsaw Htum ai Madu e, nye a matu nang galaw ya sai amu ni hpe sawn yu yang, ngai gaw manu dan la ai wa n rai nga nngai; nye a dinghku mung hpa n rai nga ai law.

1 HKAWHKAM 3:7

O Madu Karai Kasang e, ngai grai naw kaji nna kaning rai up hkang sa wa na lam n chye ti mung, nye wa a hkawhkam aya hta nang ngai hpe galai dung shangun nga nit dai.

1 HKAWHKAM 3:9

Dai re ai majaw kaja ai hte n kaja ai hpe chye ginhka nna, na a amyu masha ni hpe teng man ai hku chye up hkang na ngai hta ra ai hpaji byeng-ya ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai tut nawng up hkang lu na rai nga a ta?,” ngu nna htan wu ai.

1 HKAWHKAM LABAU 29:14

“Rai tim, lam magup gaw nang kaw na kumhpa hkrai rai nga ai majaw nye a amyu masha ni hte ngai mung n lu jaw nga ga ai. Nang jaw ya nit dai hpe chyu sha anhte htang jaw nga ga ai.

PRU MAT 6:12

Rai ti mung Mawshe gaw, “Israela amyu masha ni pyi nye a ga n madat nga ma yang, hkawhkam wa gaw kaning rai madat ya na rai nga a ta? Ngai gaw ga ningtam n rawng ai wa she rai nga nngai,” ngu nna htan wu ai.

YEREMIA 1:6

Ngai gaw, “Tsaw Htum ai Madu e, ngai gaw kaning ngu shaga na n chye nngai; ngai gaw nau naw kaji nga nngai,” ngu nna htan we ai.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

2 KORINHTU 3:5

Anhte gaw ndai amu hpe galaw lu ga ai ngu nna tsun lu na anhte hta hpa atsam marai mung n rawng ga ai. Anhte lu ai atsam mahtang gaw Karai Kasang kaw na rai nga ai.

TARA AGYI 6:15

Gidon gaw, “Rai ti mung Madu e, ngai gaw Israela masha ni hpe kaning rai hkye mawai la lu na rai nga a ta? Nye a amyu lakung lama gaw Manashe amyu bawsang ni hta n-gun kya htum ai she rai nga ai, nye a dinghku hta mung ngai gaw hpa n tai htum ai wa rai nga nngai,” ngu nna htan wu ai.

1 SAMUELA 18:18

Dawi gaw, “Ngai zawn re ai wa hte nye a dinghku wa me, hkawhkam wa a kahkri tai ang na rai nga a ni?,” ngu nna htan wu ai.