PRU MAT 3:10 - Jinghpaw Common Language Bible 2009

¹⁰ Ya chyawm gaw ngai nang hpe Egutu hkawhkam wa hpang de shangun dat na nngai; nang gaw nye a amyu masha ni hpe shi a mung kaw nna woi wa lu na rai ndai,” ngu nna tsun wu ai.

Jinghpaw Hanson Version Bible

¹⁰ Dai majaw, ya sa wa su, nye a amyu Israela a kashu kasha ni hpe Egutu mung na sa shapraw la lu na, ngai nang hpe Hpara-u hpang de shangun dat de ga,” ngu nna tsun wu ai.

PRU MAT 3:10 ပူးပေါင်းရင်းမြစ်များ

NINGPAWT NINGHPANG 15:13

Dai Madu gaw shi hpe, “Na a amyu matu ni gaw maigan mung hta tsasam masha ni sa tai nga na mara ai; shanhte gaw dai mung hta e mayam tai nna shaning mali tsa ning tup gumshem ai hte zingri zingrat ai hkrum na mara ai.

NINGPAWT NINGHPANG 15:14

Rai ti mung shanhte hpe yam ai amyu hpe ngai ari jaw na we ai; bai shanhte gaw dai maigan mungdan kaw nna pru wa ai shaloi, shanhte hte rau sut gan law law la mat wa na mara ai.

SHAKAWN KUNGDAWN 105:26

Dai hpang, shi lata san da sai shi a shangun ma Mawshe hte Arun yan hpe shi shangun dat wu ai.

SHAKAWN KUNGDAWN 77:20

Nang gaw Mawshe hte Arun yan hpe ningbaw shatai nhtawm, na a amyu masha ni hpe sagu rem wa zawn woi wa nit dai.

PRU MAT 12:40

Israela amyu masha ni gaw Egutu mung e 430 ning tup sa nga kau manu ai.

PRU MAT 12:41

Dai 430 ning htum ai shani hta nan, dai Madu a masha ni rai nga ai amyu bawsang ni yawng Egutu mung kaw na pru mat wa ma ai.

PRU MAT 33:12

Mawshe gaw dai Madu hpe, “Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.

PRU MAT 33:13

Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.

PRU MAT 6:26

Arun hte Mawshe yan gaw dai Madu e, “Israela amyu bawsang ni hpe Egutu mung kaw nna woi shapraw wa mu,” ngu nna tsun da hkrum ai yan rai ma ai.

HOSEA 12:13

Dai Madu gaw Egutu mung hta mayam shatai hkrum nga ai Israela amyu masha ni hpe hkye mawai la na matu mung, shanhte hpe lanu lahku na matu mung, myihtoi langai shangun dat ya wu ai.

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

KASA 7:34

Egutu mung na nye a amyu masha ni a zingri zingrat nni nkri hkrum sha nga ai hpe ngai mu se ai. Shanhte a madai ai nsen hpe ngai na ni ai; Shanhte hpe hkye shalawt la na ngai yu wa ring ngai. Ya sa rit, ngai nang hpe Egutu mung de shangun dat de ga,” ngu nna shi hpe tsun wu ai.

KASA 7:36

Shi gaw Egutu mung hte Nawng Hkyeng hta mung, shaning mali shi ning tup nam mali hta mung, mauhpa hte lamik kumla ni madun nna Israela amyu masha ni hpe Egutu mung na woi shapraw wa ai wa rai nga ai.

KASA 7:6

Abraham hpe Karai Kasang tsun wu ai gaw, “Na a amyu matu ni, masha tsasam ni a mung hta sa shingbyi nga nna dai mung e shaning mali tsa ning mayam tai nna, zingri zingrat hkrum na mara ai.

KASA 7:7

Rai ti mung, shanhte hpe yam sha nga ai amyu masha ni hpe mung ngai jeyang na mawe ai. Dai hpang shanhte dai mung na pru wa nna, ndai yang e ngai hpe jaw jau lu na mara ai,” nga nna tsun ai.

TARA AGYI 6:14

Dai hpang dai Madu gaw shi hpe, “Nang hta rawng ai n-gun mahkra hte Israela amyu masha ni hpe dai Midian masha ni a lata kaw na hkye mawai la su; ngai nan nang hpe shangun dat nga nngai,” ngu nna hkang dat wu ai.

1 SAMUELA 12:6

Samuela gaw, “Dai Madu gaw nanhte a kaji kawa ni hpe Egutu mung kaw nna woi shapraw wa ai Mawshe yan Arun hpe lata san tawn ai wa rai nga ai.

1 SAMUELA 12:8

Yaku hte shi a dinghku masha ni Egutu mung de yu sa ma ai shaloi, Egutu masha ni shanhte hpe adip arip di ma ai majaw, nanhte a kaji kawa ni mahtang shanhte hpe karum la na matu dai Madu hpe hpyi jahtau mu ai rai nna Egutu mung kaw na woi shapraw wa ai Mawshe yan Arun hpe shi dat dat wu ai hte ndai mung e shanhte nga nga manu ai.