PRU MAT 3:1 - Jinghpaw Common Language Bible 2009

¹ Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

Jinghpaw Hanson Version Bible

¹ Ya Mawshe gaw shi a katsa Yehtru ngu ai Midian hkinjawng a sagu bainam hpung rem nna nga nga ai: dai hpung ni hpe nam jahtum de shi gawt sa wa wu ai rai nna, Horeb ngu ai Karai Kasang a bu de sa du ai.

PRU MAT 3:1 ပူးပေါင်းရင်းမြစ်များ

1 HKAWHKAM 19:19

Elia pru sa wa wu yang, utang gap mi hte ga galau nga ai Elisha hpe sa mu wu ai; shi a shawng e gap shi langai nga nga ai rai nna Elia gaw shi a ntsa palawng raw la nna Elisha hpe jahpun ya wu ai.

1 HKAWHKAM 19:8

Elia gaw rawt nna lu sha wu ai majaw chyoi pra ai bum ngu ai Sina de nhtoi mali shi ya tup hkawm sa wa na matu dai lusha gaw shi hpe n-gun ram ram jaw ya nga ai.

SHAKAWN KUNGDAWN 106:19

Shanhte gaw Sina e, ja dumsu kasha sumla galaw nna dai hpe nawku nga ma ai.

PRU MAT 17:6

Ngai gaw Sina Bum ntsa na lunghkrung langai a ntsa, na a man e tsap nga na nngai. Dai hpang lunghkrung hpe kayat dat u; shaloi amyu masha ni lu na ntsin dai kaw na lwi pru wa na ra ai,” ngu nna tsun wu ai. Mawshe gaw Israela ningbaw ni a man e shing di galaw wu ai.

PRU MAT 18:12

Dai hpang Yehtru mung hkum dingnawng nat nawng na hkungga hte Karai Kasang hpe nawng jau na kaga shagu hkungga ni hpe la sa wu ai rai nna Arun hte Israela ningbaw ni yawng shi hte rau nawku ai kumla hku nna, chyoi pra ai lusha sha na matu pru sa wa ma ai.

PRU MAT 19:11

hpawt ni din a matu jin jin di da mu. Dai shani e, amyu masha ni yawng ngai hpe mu lu mu ga, Sina Bum ntsa e ngai yu wa na nngai.

PRU MAT 19:3

Mawshe chyawm gaw Karai Kasang hte hkrum na nga, bum de lung mat wa wu ai. Dai Madu gaw bum kaw na shi hpe shaga nhtawm, Yaku a matu mara dai Israela ni hpe ning ngu tsun na matu tsun wu ai:

PRU MAT 2:18

Shanhte gaw shanhte a kawa hpang de nhtang wa ma ai shaloi shi gaw, “Nanhte hpa majaw dai ni e jau jau nhtang wa lu myit ni?,” ngu nna hkap san wu ai.

PRU MAT 2:21

Dai rai nna, dai yang e shanu nga na matu Mawshe myit jahkut da wu ai rai nna, Yehtru mung shi a shayi sha Zihpura hpe jaw nna hkungran ya wu ai;

PRU MAT 24:13

Mawshe hte shi hpe karum ai Yawshu yan gaw jin jin hkyen da nhtawm, Mawshe mahtang chyoi pra ai bum de lung hpang wu ai.

PRU MAT 3:12

Karai Kasang gaw, “Ngai nang hte rau rai nga na nngai, dai re ai majaw amyu masha ni hpe Egutu mung kaw na nang woi shapraw wa ai shaloi nanhte ngai hpe ndai bum ntsa e nawku lu na rai myit dai. Dai gaw ngai nang hpe shangun dat ai sakse tai na ra ai,” ngu nna htan wu ai.

PRU MAT 3:5

Karai Kasang gaw, “Nang de kachyi mi mung hkum sit shanang sa nga et. Nang gaw chyoi pra ai ga ntsa e tsap nga ndai majaw na a kyepdin raw kau u.

PRU MAT 33:6

Shing rai Israela amyu masha ni gaw Sina Bum kaw na pru mat wa ai hpang, Israela amyu masha ni gaw ja lung seng ni hpe kachyi mi pyi n sumli mat ma ai.

PRU MAT 4:18

Dai hpang Mawshe gaw shi a katsa Yehtru kaw nhtang wa nna shi hpe, “Egutu mung na nye a jinghku kahpu kanau ni naw hkrung nga ma ai kun? Dai ni hpe sa yu na nngai majaw chyeju hte ngai hpe nhtang wa shangun e,” ngu nna tsun wu ai. Yehtru mung myit hkrum ya ai hte shi hpe shakram dat wu ai.

PRU MAT 4:27

Dai aten hta, Madu gaw Arun hpe, “Mawshe hpe sa tau la na matu, nam mali kata de sa wa su,” ngu nna tsun wu ai. Dai rai nna shi sa nhtawm chyoi pra ai bum e, Mawshe hpe sa hkrum wu ai. Arun gaw shi hte hkrum ai shaloi shi hpe pup wu ai.

AMO LAIKA (AMOS) 1:1

Ndai gaw Yuda mungdan a Hkawhkam Uzia hte Israela Hkawhkam Yosha a kasha Yeroboam a lakhtak e, nnang nawn garai n nawn ai lahkawng ning a shawng e, Tekoa mare na sagu rem wa Amo hpe Israela hte seng nna Karai Kasang kaw na lu la ai mungga ni rai nga ai.

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

BU HKAWM 10:29

Mawshe gaw Midian masha Yehtru a kasha, shi a kahkau Hoba hpe, “Dai Madu anhte hpe jaw na ngu ai shara de pru sa wa nga saga ai; Israela amyu masha ni hpe ngamu ngamai shangun na lam shi ga sadi jaw da mani ai rai nna nang mung anhte hte rau sa wa saga; anhte nang hpe sut gan karan ya na ga ai,” ngu nna tsun wu ai.

BU HKAWM 10:33

Amyu masha ni dai chyoi pra ai Sina Bum kaw nna pru wa nhtawm masum ya lam hkawm ma ai. Dai Madu a Ga Shaka Sumpu mung shanhte but na shara tam let, shanhte a shawng e galoi mung sa wa nga ai.

LUKA 2:8

Ya dai ginwang daw ni hta sagu rem ai masha ni urawng udat hkan e nga ma ai rai nna, shanhte a sagu hpung ni hpe shana na ahkying ladaw ni hta sin nga ma ai.

KASA 7:30

Shaning mali shi ning lai ai hpang, “Sina bum makau na nam mali e, wan grung nga ai singwum hta lamu kasa langai mi Mawshe kaw dan pru ai.

TARA JAHPRANG 1:2

(Sina Bum kaw nna Kadesha Barnea du hkra, Edom bum lam hku lung wa yang nhtoi shi langai ya hkawm ra ai.)

TARA JAHPRANG 1:6

“Anhte Sina Bum e naw rai nga ga yang, dai Madu anhte a Karai Kasang gaw, ‘Nanhte ndai abum e ram ram na mat hkra nga kau manit dai.

TARA AGYI 4:11

Dai aten hta Mawshe a kahkau Hoba a amyu matu hta na Keni masha Hebera gaw Keni masha gale hte hka nna Kedesha makau na Zananim shara na wamyi hpun nhpang e sum gap nna nga nga sai.

1 SAMUELA 16:11

Samuela gaw shi hpe, “Nang hta kaga shadang sha ni naw nga a ni?,” ngu nna san wu ai. Yese gaw, “Kaji htum wa gaw naw nga ai, rai ti mung shi gaw shinggan de sagu rem hkawm nga ai,” ngu nna htan wu ai. Samuela gaw, “Shi hpe nang de sa wa na tsun mu, shi n du wa dingsa, anhte dai shagu hkungga nawng jau na ga ai n rai,” ngu nna tsun wu ai.