PRU MAT 28:3 - Jinghpaw Common Language Bible 2009

³ Ngai atsam marai jaw da sai lata hpaji kungkyang ai masha ni yawng hpe shaga la nna Arun a hpun palawng galaw na lam, shanhte hpe tsun matsun u; shi gaw nye a amu hta hkinjawng amu gun hpai ap nawng na rai wu ai.

Jinghpaw Hanson Version Bible

³ Nye a man e Arun hkinjawng amu gun hpai ya lu na rai nna, shi hpe shachyoi shapra na matu, myit kung nna hpaji wenyi hte ngai jahpring ai ni nlang hte gaw dai hpun palawng galaw na lam nang tsun na rai ndai.

PRU MAT 28:3 ပူးပေါင်းရင်းမြစ်များ

1 HKAWHKAM 7:14

Shi a kawa gaw Turu mare na n nga mat wa sai magri mang janghkam amu hta kung kyang ai wa rai nga ai; shi a kanu mahtang Naphtali amyu bawsang hta na rai nga ai. Huram gaw chye chyang ai hpaji hte zai byeng-ya mahkrum madup law sai lata hpaji kung ai wa rai nga ai. Magri mang amu yawng mayawng hte seng ai hpe woi hpareng na matu hkawhkam Shawlumon saw shaga ai hpe hkap la ai wa rai nga ai.

PRU MAT 35:10

“Nanhte hta na kung kyang ai lata sama ni yawng, ra mara amu sa galaw na matu, dai Madu hkang da sai hte maren,

PRU MAT 35:25

Lata maka hpaji kung kyang ai numsha ni yawng mung mani tsawm ai lachyit sumri, sawm tsit ai, shaba pu nsam rawng ai, hte hkyeng ai sagu ri ni hte shanhte nan ri ri la nna la sa ma ai.

PRU MAT 35:30

Mawshe gaw Israela amyu masha ni hpe, “Dai Madu gaw Yuda lakung hta na Uri a kasha, Hura a kashu Bezalela hpe lata san da nu ai.

PRU MAT 35:31

Karai Kasang mung shi a ntsa hta shi a wenyi jahpring ya nhtawm aja, gumhpraw, magri mang dup ai amu hte nlung tawk ka nna ja lung seng hkrep ai amu,

PRU MAT 35:35

Shi gaw dai yan hpe tawk nna galaw ai baw amu hkum sumhpa, reng ai lata sama hpaji, sawm tsit ai, shaba pu nsam rawng ai hte hkyeng nna mani tsawm ai lachyit ri hte maka chye ka ai amu, da da ai amu, hpaji lam amyu myu hte galaw chye ai hpaji lam, amyu shagu hpe chye galaw shangun ai hpaji byeng-ya jaw ya wu ai. Shan gaw bungli amyu shagu chye galaw ma ai hte kungkyang ai lata sama yan rai ma ai.

PRU MAT 36:1

“Bezalela yan Aholiaba hte dai Madu e hpaji hparat, zai byeng-ya jahpring ya ai kaga lata sama masha ni yawng hte gaw dai Madu hkang da mada hte maren, dai Chyoi Pra ai Sum hpe gaw gap ai hta ra mara mahkra hpe galaw na rai ma ai.

PRU MAT 36:2

Mawshe gaw Bezalela yan Aholiaba hte dai Madu jaw ya ai nyan marai hte karum na matu myit sharawng nga ai kaga kung kyang ai masha ni yawng hpe shaga la nhtawm bungli galaw hpang wa na matu shanhte hpe tsun wu ai.

GA SHAGAWP 2:6

Dai gaw hpaji byeng-ya hpe jaw ya ai Madu rai nga nna, machye machyang hpaji hte chye na hkawn hkrang ai nyan shi kaw na lu la nga ai.

ESAIA 11:2

Dai Madu a wenyi gaw shi hpe hpaji byeng-ya, chye chyang ai nyan hte kung kyang ai hpaji jaw ya na ra ai. Shi gaw shi a amyu masha ni hpe up hkang na ra ai. Shi gaw dai Madu a myit ra ai hpe chye nna, shi hpe shagrau sha-a na ra ai,

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

TARA JAHPRANG 34:9

Mawshe a shara hta hkringhtawng dagraw hkam la na matu shi san da nu ai Nun a kasha Yawshu gaw hpaji byeng-ya hte hpring tsup nga wu ai. Israela amyu masha ni Yawshu a ga madat mara nhtawm, dai Madu Mawshe hku nna shanhte hpe jaw da sai hkang da ai ga ni hpe hkan sa shatup nga ma ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.