PRU MAT 27:2 - Jinghpaw Common Language Bible 2009

² Jut mali hte a ntsa e nrung ni shatut na rai nga ai. Dai nrung ni gaw tawn hkungri hte hkrang langai sha galaw na rai nga ai; dai hte ting hpe magri mang hte kayawp na rai nga ai.

Jinghpaw Hanson Version Bible

² De a jut mali hta nrung mung nang shatut na rai ndai; de a nrung ni kanu hte langai sha rai na rai nga ai; dai hte hpe magri hte nang kayap lu na rai ndai.

PRU MAT 27:2 ပူးပေါင်းရင်းမြစ်များ

1 HKAWHKAM 1:50

Adoniya mung Shawlumon hpe hkrit kaba hte hkrit wu ai rai nna dai Madu a hpung shingkang shanu nga ai Sum de sa wa nhtawm tawn hkungri a jut nrung ni hpe hkan jum nga wu ai.

1 HKAWHKAM 2:28

Shaloi hpa byin ai lam Yoab na wu ai. (Shi chyawm gaw Adoniya hpe madi shadaw ya nu ai; rai ti mung Absalom hpe gaw madi shadaw da wu ai n rai.) Dai rai nna dai Madu a hpung shingkang shanu nga ai Sum de hprawng sa mat wa nhtawm tawn hkungri a jut nrung ni hpe sa jum nga ai.

1 HKAWHKAM 8:64

Dai shani jang shi gaw Nawku Htingnu man na wang ka-ang hpe ap nawng wu ai rai nna, dai yang e wan nat hkungga, shadung hkungga hte mahku hkungga ni a matu yam nga sau man ni hpe sak nawng ya wu ai. Shi galaw ai ndai amu a majaw ndai hkungga ni yawng hpe nawng jau na matu, dai magri mang hkungri nau wa kaji mat nga ai.

2 HKAWHKAM 16:14

Tawn hkungri nnan hte Nawku Htingnu a lapran e nga ai magri mang tawn hkungri hpe mung dai Madu hpe ap nawng ya nhtawm shi a tawn hkungri nnan a dingdung maga de Ahaza htawt sit da wu ai.

2 HKAWHKAM LABAU 4:1

Hkawhkam Shawlumon gaw pe 30 kaba ai man bung hte pe 15 tsaw ai magri mang tawn hkungri langai galaw wu ai.

SHAKAWN KUNGDAWN 118:27

Dai Madu gaw Karai Kasang rai nga ai, shi gaw anhte hpe chyeju jaw ya mani ai. Nanhte a lata ni hta hpun lakung ni hpe lang nna, poi hpang ai hte tawn hkungri hpe hkawm shinggrup nga mu.

PRU MAT 27:3

Dap hte kau na matu ban ni, shingban ni, jarung ni, chyinghkyi ni hte wan ban pa ni hpe galaw na rai nga ai; dai arung arai ni yawng hpe magri mang hte hkrai galaw lu na rai nga ai.

PRU MAT 29:12

Usu sai nkau mi la nna, na a lata layung hte tawn hkungri nrung ni hta chya nhtawm naw ngam ai asai hpe mahtang tawn hkungri a ninghpang e ru hkaw na rai nga ai.

PRU MAT 38:30

Dai Madu a hpung shingkang shanu nga ai Sum chyinghka a machyaw ni, magri mang tawn hkungri hte de a magrang, tawn hkungri hta lang ai arai ni yawng,

EZEKELA 43:15

Ntsa tsang ngu na shagu hkungga nat nawng ai shara mung pe 7 tsaw nga ai. Jut mali hta shatut da ai nrung ni gaw ntsa tsang na kaga arai ni yawng hta grau tsaw nga ai.

JAW JAU 16:18

wan nat hkungga a matu tawn hkungri de shi pru sa nhtawm dai hpe jasan jaseng na rai wu ai. Dai hpang shi gaw usu sai hte bainam sai loi mi la nhtawm tawn hkungri ntsa na jut shagu na nrung ni hta chya wu ai.

JAW JAU 4:18

Shi gaw Sum kata na manam pyaw ai baw nat nawng ai tawn hkungri a jut na nrung ni hta sai loi mi chya na rai wu ai. Naw ngam ai asai yawng hpe chyawm gaw Sum a shang wa chyinghka lam ang ang na wan nat hkungri a lagaw nhpang e ru hkaw na rai wu ai.

JAW JAU 4:25

Hkinjawng wa gaw yam nga asai hta shi a layung tsing la nna tawn hkungri a jut na nrung ni hta chya nhtawm ngam ai hpe tawn hkungri a lagaw nhpang e ru hkaw na rai wu ai.

JAW JAU 4:7

Dai hpang shi gaw Sum kata na manam pyaw ai baw nat nawng tawn ai hkungri jut na nrung ni hta asai loi mi hkan chya na rai wu ai. Naw ngam ai asai yawng hpe chyawm gaw Sum a shang wa chyinghka ang na wan nat hkungri lagaw nhpang e ru hkaw na rai wu ai.

JAW JAU 8:15

Dai hpe Mawshe sat nhtawm asai loi mi la nna dai hpe ap nawng na matu tawn hkungri a jut ni hta tu ai nrung ni hta shi a lata hte chya wu ai. Ngam ai asai hpe chyawm gaw tawn hkungri a lagaw nhpang e ru hkaw kau wu ai. Ndai hku nna dai hpe shi ap nawng ai hte jasan jaseng da wu ai.

ZEHKARIA 9:15

Chyahtum Chyalai N-gun rawng ai dai Madu gaw shi a amyu masha ni hpe makawp maga na ra ai, shanhte gaw gumlau hpyen ni hpe jahten kau na mara ai. Shanhte gaw majan pa e chyaru nang ai wa zawn jahtau garu nna, shanhte a gumlau hpyen ni a asai jahkaw kau ya na mara ai; dai gaw tawn hkungri ntsa e nga ai jarung kaw na ru hkaw dat ai shagu hkungga asai zawn lwi hkrat wa na ra ai.

BU HKAWM 3:31

Ga Shaka Sumpu, aku, pyengdin shadun, tawn hkungri ni, chyoi pra ai shara hta hkinjawng ni lang ai hkinghku arai ni, Chyoi Pra Htum ai Shara de shang wa ai chyinghka a nba grang ni hpe lit la yu lajang na rai ma ai. Shanhte gaw ndai amu yawng hte seng maseng hpe lit la ya na rai ma ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.