PRU MAT 26:3 - Jinghpaw Common Language Bible 2009

³ Sumpan grang manga hpe langai sha di chywi matut nhtawm kaga manga hpe mung dai hte maren chywi matut na rai nga ai.

Jinghpaw Hanson Version Bible

³ Nba grang manga hte hpe langai hte langai matut lu na rai nga ai; bai nba grang manga hte hpe langai hte langai matut lu na rai nga ai.

PRU MAT 26:3 ပူးပေါင်းရင်းမြစ်များ

PRU MAT 26:2

Dai sumpan grang shagu hpe galu de pe 42, nda de pe 6 di nna shadawn shadang maren sha galaw na rai nga ai.

PRU MAT 26:4

Dai matut da ai sumpan grang shagu a matu hku sawm tsit ai sumpan hte shanghkawng galaw na rai nga ai.

PRU MAT 26:9

Dai hpang manga hpe langai sha di nna chywi matut nhtawm, kaga kru hpe mung langai tai hkra chywi matut na rai nga ai. Sumpan grang kru rawng ai hpe lahkawng hpam gumba nna Sum a ndaw yang e tawn da na rai nga ai.

PRU MAT 36:10

Shanhte gaw dai nba grang manga hpe langai mi tai mat hkra shada da chyi matut da nna kaga manga hte hpe mung dai hte maren galaw da nga ma ai.

YAWHAN 17:21

Shanhte nlang hte gaw langai sha tai nga mu ga, ngu nna ngai hpyi nngai. Wa e! Nang gaw ngai hta nga nga nna ngai mung nang hta nga nga nngai zawn, dai ni mung an hta nga nga mu ga, ngu nna ngai hpyi nga nngai. Ngai hpe nang shangun dat ndai gaw, mungkan ga na ni kam sham lu mu ga, shanhte hpe langai sha byin tai shangun u law.

1 KORINHTU 12:4

Ya Wenyi kumhpa ni gaw amyu myu nga ai, Rai ti mung dai chyeju kumhpa ni hpe Wenyi langai kaw nna jaw ya nga ai.

EHPESU 4:16

Baw ngu ai Madu woi awn up hkang hpajang ai kata e hkum hkrang a daw shan ni nga manga hte gaw langai hte langai htuk shachyaw nga ma ai hte hkri hkraw lamyi shagu e matut shachyaw madi shadaw ya ai a marang e dai hkum hkrang ting hpe kahkyin gumdin jum da lu nga ai. Dai rai nna daw shan ni langai hte langai tinang hte seng ang ai lit hpe gun hpai ai shaloi hkum hkrang ting hpe tsaw ra ai hte gaw gap galu kaba wa shangun nga ai.

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.