PRU MAT 26:1 - Jinghpaw Common Language Bible 2009

¹ “Nye a hpung shingkang shanu nga ai Sum ngu ai, kata na chyoi pra ai Sum hpe sawm tsit ai ri, shaba pu nsam rawng ai ri hte hkyeng ai ri ni hte da da ai mani tsawm ai lachyit sumpan grang shi galaw na rai nga ai. Dai ni hpe singkaw tu ai hkrung kanu ni a hkrang sumla ni hte ka shakap na rai nga ai.

Jinghpaw Hanson Version Bible

¹ Dai hta kaga di sumpan sum mung, nba grang shi dang hte nang galaw lu na rai ndai; kaboi ngut sai mani ai lachyit ri hte, sawm tsit ai, hkyeng mang ai, hkyeng tsawm ai ri a, ka chye ai masha ka ai Hkerubim sumla kap ai, nang galaw lu na rai ndai.

PRU MAT 26:1 ပူးပေါင်းရင်းမြစ်များ

2 SAMUELA 7:2

Dai hpang hkawhkam wa gaw myihtoi Nahtan hpe, “Yu u, ngai chyawm gaw marau hpun hte galaw ai nta hta rawng nga nngai; rai ti mung Karai Kasang a Ga Shaka Sumpu mahtang sumpan sum kata e rawng nga ai le!,” ngu nna tsun wu ai.

1 HKAWHKAM 6:29

Gawk madung a shakum ni hte kata gawk shakum ni mahkra hkan singkaw tu ai hkrung kanu sumla, namhtan hpun sumla hte nampan sumla ni hte tawk ka da nga ai.

1 HKAWHKAM LABAU 17:1

Hkawhkam Dawi gaw shi a hkawhkam htingnu e nga nga wu ai. Lani mi na nhtoi e, shi gaw myihtoi Nahtan hpe shaga la nhtawm shi hpe, “Yu u, ngai chyawm gaw arit hpun hte galaw ai nta e rawng nga nngai; rai ti mung dai Madu a Ga Shaka Sumpu mahtang sumpan sum kata e rawng nga ai!,” ngu nna tsun wu ai.

1 HKAWHKAM LABAU 21:29

Nam mali hkan e Mawshe galaw ai dai Madu a hpung shingkang shanu nga ai Sum hte wan nat hkungga nawng ya ai tawn hkungri ni gaw dai aten e Gibeon mare na nawku ai shara hta naw nga nga ai;

PRU MAT 25:18

Ja hte tawk ai singkaw tu ai hkrung kanu lahkawng mung galaw nna,

PRU MAT 25:4

mani tsawm ai lachyit sumpan, sawm tsit ai ri, shaba pu nsam pru ai ri hte hkyeng ai ri, bainam mun hte da ai sumpan;

PRU MAT 25:8

Amyu masha ni mung nye a matu chyoi pra ai Sum langai galaw lu na rai ma ai, shaloi ngai shanhte hta shanu nga lu na nngai.

PRU MAT 26:2

Dai sumpan grang shagu hpe galu de pe 42, nda de pe 6 di nna shadawn shadang maren sha galaw na rai nga ai.

PRU MAT 26:31

“Sawm tsit ai ri, shaba pu nsam rawng ai ri, hkyeng ai ri ni hte mani tsawm ai lachyit sumpan hpe da la nna nba grang langai galaw na rai nga ai. Singkaw tu ai hkrung kanu hkrang sumla maka hpe mung ka na rai nga ai.

PRU MAT 26:36

“Sum a shang wa chyinghka lam a matu sawm tsit ai ri, shaba pu nsam pru ai ri hte hkyeng ai ri ni hte mani tsawm ai lachyit sumpan hpe da nna, maka ka shatsawm da ai nba grang langai galaw na rai nga ai.

PRU MAT 31:7

nye a hpung shingkang shanu nga ai Sum, Ga Shaka Sumpu hte de a ntsa na magap, Sum hte seng ai arai ni yawng,

PRU MAT 35:11

Sum hte de a magap, shinggan magap, de a chyinghkyi ni hte de a hpunpyen ni, de a htinggrang ni, de a shadaw ni hte machyaw ni;

PRU MAT 35:35

Shi gaw dai yan hpe tawk nna galaw ai baw amu hkum sumhpa, reng ai lata sama hpaji, sawm tsit ai, shaba pu nsam rawng ai hte hkyeng nna mani tsawm ai lachyit ri hte maka chye ka ai amu, da da ai amu, hpaji lam amyu myu hte galaw chye ai hpaji lam, amyu shagu hpe chye galaw shangun ai hpaji byeng-ya jaw ya wu ai. Shan gaw bungli amyu shagu chye galaw ma ai hte kungkyang ai lata sama yan rai ma ai.

PRU MAT 35:6

mani ai lachyit sumpan, sawm tsit ai, shaba pu nsam rawng ai hte hkyeng ai sagu ri, bainam mun hte da ai sumpan;

PRU MAT 36:35

Shanhte gaw sawm tsit ai, shaba pu nsam rawng ai hte hkyeng ai sagu ri ni hte mani tsawm ai lachyit sumpan da nhtawm dai hta singkaw tu ai hkrung kanu hkrang sumla ka shakap ai nba grang galaw ma ai.

PRU MAT 39:3

Shanhte gaw ja hpe pa ai hku dup shapraw la nna dai ni hpe mani tsawm ai lachyit hte sawm tsit ai, shaba pu nsam rawng ai hte hkyeng ai sagu ri ni hte maka ka bang na matu hpa ai sumri hku zen di da ma ai.

PRU MAT 40:2

“Shawng na shata a shawng shani e, dai Madu a hpung shingkang shanu nga ai Sum hpe sharawt da na rai ndai.

BU HKAWM 3:25

Shanhte gaw Sum hte seng nna gun hpai ang ai amu gaw Sum kata de galup ai magap, de a shinggan de galup ai magap, Sum chyinghka nba grang,

BU HKAWM 4:25

dai ni gaw Sum hte de a kata na magap, de a shinggan na magap, de a ntsa e magap ai mani tsawm ai shanhpyi, chyinghka grang,

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 2:21

Rai ti mung Yesu tsun nga ai htingnu gaw, shi a hkum hkrang ngu ai htingnu hpe sha-ang nna tsun ai rai nga ai.

HEBRE 8:2

Shi gaw sumsing lamu na chyoi pra dik ai shara hta Hkinjawng Agyi Kaba amu gun hpai nga ai, dai shara gaw sumsing lamu ngu ai masha lata hte n galaw da ai, Karai Kasang e galaw da ai sum majing rai nga ai.

HEBRE 9:2

Hpa majaw nga yang, sum langai mi gap da nga ai. De a shawng na gawk hta pyengdin shadun hte Karai Kasang kaw nawng ya ai hkungga, muk mara da ai ku nga nga ai. Dai hpe Chyoi Pra ai shara ngu mu ai.

HEBRE 9:9

Ndai lam gaw ndai prat a lam madi madun ai ga shadawn langai mi rai nga ai. De a lachyum gaw Karai Kasang kaw sak nawng ai kumhpaw kumhpa ni hte dusat hkungga ni gaw nawku daw jau ai wa a myit masin hpe hkum tsup shangun lu ai n rai.

SHINGRAN 19:8

hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.” (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)

SHINGRAN 21:3

Bai ngai gaw, dai tingnyang kaw na shaga pru ai nsen kaba langai mi na nngai. Dai nsen gaw, “Ya Karai Kasang a sum nta gaw shinggyim masha ni hte rau rai nga ai. Shi shanhte hte rau hpawng de nga na rai nna, shanhte gaw shi a amyu masha ni tai na mara ai. Karai Kasang gaw, shi hkum nan shanhte hte rau nga nga na ra ai rai nna, shi gaw shanhte a Karai Kasang tai na ra ai.