PRU MAT 24:8 - Jinghpaw Common Language Bible 2009

⁸ Dai hpang Mawshe gaw jarung ni hta rawng ai asai la nhtawm amyu masha ni a ntsa e lapri bun wu ai. Shi gaw, “Da ndai gaw hkang da mada yawng hpe shi jaw ai shaloi, dai Madu nanhte hpe galaw da ai ga shaka hpe dazik shakap ai asai rai nga ai,” ngu nna tsun wu ai.

Jinghpaw Hanson Version Bible

⁸ Bai Mawshe gaw dai sai la nna amyu masha ni hpe lapri bun let, “Yu mu, sai ndai gaw, ndai amu a lam mahkra hta Yehowa nanhte hpe yin la ai ga shaka asai rai nga ai,” ngu nna tsun wu ai.

PRU MAT 24:8 ပူးပေါင်းရင်းမြစ်များ

1 HKAWHKAM 8:21

Shi shanhte hpe Egutu mung kaw nna woi shapraw wa yang, dai Madu anhte a kaji kawa ni hte tawn da ai ga shaka lung pa ni rawng ai Ga Shaka Sumpu a matu dai Nawku Htingnu kata shara langai mi hpe mung ngai san da se ai,” ngu wu ai.

1 HKAWHKAM 8:9

Israela amyu masha ni Egutu mung na pru wa yang, dai Madu gaw Sina Bum e shanhte hte ga shaka tawn da nhtawm Mawshe tawn da ai lung pa lahkawng hta kaga, dai Ga Shaka Sumpu e hpa mung n rawng nga ai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

PRU MAT 24:6

Mawshe gaw yam nga asai ka-ang hkup la nhtawm jarung ni hta bang da wu ai; kaga ngam ai ka-ang hkup hpe tawn hkungri hta lapri bun wu ai.

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

YEREMIA 31:32

Dai ga shaka gaw ngai shanhte hpe Egutu mung kaw nna lata hte dun wa nhtawm shanhte hpe woi shapraw wa ai shaloi, shanhte a kaji kawa ni hte tawn da ai ga shaka zawn n rai. Ngai gaw shanhte a matu madu wa zawn rai nga ti mung, shanhte gaw dai ga shaka hpe run kau ma ai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

JAW JAU 8:30

Mawshe gaw chya na namman sau hte tawn hkungri ntsa na sai loi mi la nhtawm Arun hte shi a shadang sha ni hte shanhte a hpun palawng ni hta lapri bun ya wu ai. Ndai hku nna shanhte hpe mung, shanhte a hpun palawng ni hpe mung dai Madu hta ap nawng ya wu ai.

HAGI 2:5

Nanhte Egutu mung na pru wa myit dai shaloi, ngai gaw nanhte hte galoi mung rau anga nga na nngai ngu ga sadi tawn da ni ai. Ngai gaw nanhte hte rau naw anga nga ai rai nna hkum hkrit nga myit.

ZEHKARIA 9:11

Dai Madu gaw, “Nanhte tawn da ai nye a ga shaka ngu ai dazik dawk da ai shagu hkungga ni a asai a majaw, Ngai gaw na a amyu masha ni hpe bawng dung hkrum ai ni hpe hka n rawng ai nhkun kaw nna shalawt dat na nngai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

MARKU 14:24

Yesu gaw, “Ndai gaw law law a matu ru kau ya ai, Karai Kasang a ga shaka hpe dazik dawk ya ai nye a asai rai nga li ai.

LUKA 22:20

Dai hte maren shana shat sha ngut jang, dai gawm hpe mung shi la nhtawm, “Ndai gaw nanhte a matu ru kau ai, nye a asai hta gaw da ai Karai Kasang a ga shaka ningnan rai nga ai.

1 KORINHTU 11:25

Dai hte maren, Shana Shat sha ngut jang, gawm hpe mung shi la nhtawm, “Ndai gawm gaw nye a sai hte dazik dawk nna gaw da ai Karai Kasang a ga shaka ningnan rai nga ai, ndai gawm kaw na sabyi lu ai ten shagu ngai hpe adum nga na matu ndai galaw mu,” ngu nna tsun mu ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

TARA JAHPRANG 5:2

Dai Madu anhte a Karai Kasang gaw Sina Bum e, anhte a kawa ni hte sha n rai;

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

YAWSHU 24:25

Dai rai nna, Yawshu gaw dai shani e amyu masha ni hte Shehkem mare e ga shaka tawn nna, shi shanhte hpe dai hkan sa na matsun maroi ga hte tara ni jaw ya wu ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.