PRU MAT 24:7 - Jinghpaw Common Language Bible 2009

⁷ Dai hpang dai Madu a hkang da ai ga matsun ni hpe ka da ai ga shaka laika hpe la nna, amyu masha ni a man e, dai hpe aja wa hti dan wu ai. Shanhte gaw, “Dai Madu a ga hpe madat mara nna, shi hkang da sai lam shagu hpe anhte galaw na ga ai,” ngu nna tsun ma ai.

Jinghpaw Hanson Version Bible

⁷ Dai ga shaka laika mung shi la nna shawa hpawng a man e hti dan wu ai: shanhte mung, Yehowa tsun matsun mahkra anhte hkan galaw let madat na ga ai, nga nna tsun ma ai.

PRU MAT 24:7 ပူးပေါင်းရင်းမြစ်များ

1 HKAWHKAM 8:9

Israela amyu masha ni Egutu mung na pru wa yang, dai Madu gaw Sina Bum e shanhte hte ga shaka tawn da nhtawm Mawshe tawn da ai lung pa lahkawng hta kaga, dai Ga Shaka Sumpu e hpa mung n rawng nga ai.

2 HKAWHKAM LABAU 15:14

Dai ga shaka hpe shatup na nga shanhte gaw jahtau garu ai hte pahtau dum let dai Madu a mying ningsang hta ja ja jahtau nna dagam shaka da ma ai.

SHAKAWN KUNGDAWN 50:5

“Hkungga nawng jau let, ngai hte ga shaka tawn da ai ni, nye a kangka ai amyu masha ni hpe ngai hpang de woi hpawng mu,” nga nna shi tsun ai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

PRU MAT 19:8

Dai hpang amyu masha ni yawng gaw, “Dai Madu hkang da mada mahkra hpe anhte galaw na ga ai,” ngu nna jawm htan mu ai. Mawshe gaw dai lam dai Madu hpe bai htawn shana ya wu ai.

YEREMIA 34:13

Israela a Karai Kasang gaw, amyu masha ni hpe tsun shaga na matu ngai hpe ning ngu hkang da wu ai: “Ngai gaw shanhte hpe Egutu mung kaw nna hkye mawai la ai hte mayam tai nga ai kaw na shanhte hpe shalawt la ai shaloi, na a nji nwa ni hte ngai ga shaka tawn da ni ai. Ngai gaw shanhte hpe

YEREMIA 42:6

Dai gaw anhte hpe sharawng awng shangun ai mi rai rai, n rai dam ai mi rai rai, nang hpe hpyi ya na matu anhte lajin nga ai dai Madu anhte a Karai Kasang a mungga hpe madat mara na ga ai. Anhte gaw shi a ga madat mara ga ai rai yang, anhte gaw lam shagu hta ngamu ngamai ngwi pyaw kabu gara wa na ga ai,” ngu nna tsun ma ai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

MALAHKI 2:10

Anhte yawng kawa langai sha lu ga ai n rai ni? Anhte yawng hpe hpan da ai Karai Kasang mung langai sha rai nga ai n rai ni? Dai rai yang, shada da tawn da ai anhte a ga sadi ni hpe anhte hpa majaw run kau nna, anhte a kaji kawa ni hte Karai Kasang tawn da sai ga shaka hpe hpa majaw n sawn n sang di ga ta?

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KOLOSE 4:16

Ndai shagun dat ai laika hpe nanhte hti ngut jang, Ladoki hpung masha ni hpe mung hti shangun mu. Dai hte maren Ladoki hpung ni kaw nna bai shalai shagun dat na ra ai nye a laika hpe mung nanhte hti yu mu.

1 HTESALONI 5:27

Ndai shagun dat ai laika hpe, kam sham ai ni yawng hpe hti dan na matu dai Madu ap ya da ai ahkang aya hte nanhte hpe ngai hkang dat made ai.

YAWSHU 24:24

Amyu masha ni gaw Yawshu hpe, “Dai Madu anhte a Karai Kasang hpe anhte nawku daw jau na ga ai. Shi a hkang da ai ga hpe anhte madat mara hkan sa na ga ai,” ngu nna tsun ma ai.