PRU MAT 24:4 - Jinghpaw Common Language Bible 2009

⁴ Mawshe gaw dai Madu hkang da ai tara ni hpe ka jahkrat da wu ai. Hpang jahpawt manap jau jau aten hta, shi gaw bum lagaw e tawn hkungri langai gaw nhtawm Israela amyu bawsang shi lahkawng hta hkan nna amyu mi a matu langai ngai di let, nlung shi lahkawng jun da wu ai.

Jinghpaw Hanson Version Bible

⁴ Mawshe gaw Yehowa a ga mahkra ka da ngut jang, jahpawt jau jau rawt nna, bum lagaw e tawn hkungri gaw nhtawm, Israela amyu shi lahkawng hkan nna shadaw shi lahkawng jun tawn da wu ai.

PRU MAT 24:4 ပူးပေါင်းရင်းမြစ်များ

NINGPAWT NINGHPANG 12:7

Dai Madu gaw Abram kaw dan pru nna shi hpe, “Na a amyu matu mara ni hpe ngai jaw na ngu ai mungdan gaw ndai rai nga ai,” ngu nna tsun wu ai. Dai rai nna, shi kaw dan pru ai dai Madu a matu dai shara hta tawn hkungri hpe Abram galaw wu ai.

NINGPAWT NINGHPANG 28:18

Yaku gaw hpang jahpawt jau jau rawt nna, shi bunghkum ai nlung hpe la nhtawm masat dingsat hku jung da wu ai. Dai hpang de a ntsa e tsanlun sau ru bun let Karai Kasang hpe ap nawng da wu ai.

NINGPAWT NINGHPANG 28:22

ndai ngai jung da se ai masat dingsat nlung gaw nang hpe nawku ai shara tai na ra ai. Nang ngai hpe jaw ai mahkra a htam shi hta na htam mi, ngai nang hpe jaw na we ai,” ngu nna dagam shaka wu ai.

NINGPAWT NINGHPANG 31:45

Dai rai nna Yaku gaw nlung langai mi hpe la nna dai hpe masat dingsat hku jung da wu ai.

1 HKAWHKAM 11:30

Ahiya mung shi hpun ai palawng galu nnan hpe raw la nhtawm daw shi lahkawng di nna gang je kau wu ai.

1 HKAWHKAM 18:31

Dai Madu e Israela ngu nna shamying da hkrum sai Yaku a shadang sha ni a mying hku hkan nna amyu bawsang shi lahkawng a matu nlung langai hpra hpra di nna nlung shi lahkawng la wu ai.

EZRA 6:17

Dai ap nawng hpawng a matu, shanhte gaw usu latsa, sagu lahkawng tsa, hte sagu kasha mali tsa hpe shagu hkungga shatai let, Israela amyu bawsang shagu a matu, mara raw hkungga shatai na bainam shi lahkawng hpe mung nawng jau ya ma ai.

NEHEMIA 10:1

Shawng nnan lata masat shakap ai gaw Hahkalia a kasha, munggyi Nehemia rai nga ai; dai hpang Zedekia lata masat shakap ai. Ndai ni mung lata masat shakap ma ai: Seraia, Azaria, Yeremia, Pashura, Amaria, Malhkiya, Hatusha, Shebania, Maluk, Harim, Meremot, Obadia, Daniela, Ginehton, Baruk, Meshulam, Abiya, Miyamin, Mazia, Bilgai hte Shemaia ni rai nga ai. Azania a kasha Yeshua, Henadad lakung na Binui Kadmiela, Shebania, Hodia, Kelita, Pelaia, Hanan, Mihka, Rehob, Hashabia, Zahkura, Sherebia, Shebania, Hodia, Bani, hte Beninu ni rai nga ai. Parosha, Pahat Moba, Elam, Zatu, Bani, Buni, Azgad, Bebai, Adoniya, Bigwai, Adin, Atera, Hezekia, Azura, Hodia, Hashum, Bezai, Harip, Anahtot, Nebai, Magpia, Meshulam, Hezira, Meshezabela, Zadok, Yadua, Pelatia, Hanan, Anaia, Hoshea, Hanania, Hashuba, Halohesha, Pilha, Shobek, Rehum, Hashabna, Masea, Ahia, Hanan, Anan, Maluk, Harim hte Bana ni rai nga ai.

PRU MAT 17:14

Shaloi dai Madu gaw Mawshe hpe, “Ndai awng padang lam hpe ka da u; shaloi dai hpe adum nga na mara ai. Amalek masha ni hpe ngai tsep kawp shamyit kau na lam, Yawshu hpe tsun dan u,” ngu nna tsun wu ai.

PRU MAT 17:15

Mawshe gaw tawn hkungri langai galaw nna dai hpe, “Dai Madu gaw nye a ninglam rai nga ai,” ngu nna shamying wu ai.

PRU MAT 21:1

“Israela masha ni hpe ndai hkan sa tara ni jaw ya u:

PRU MAT 24:7

Dai hpang dai Madu a hkang da ai ga matsun ni hpe ka da ai ga shaka laika hpe la nna, amyu masha ni a man e, dai hpe aja wa hti dan wu ai. Shanhte gaw, “Dai Madu a ga hpe madat mara nna, shi hkang da sai lam shagu hpe anhte galaw na ga ai,” ngu nna tsun ma ai.

PRU MAT 28:21

Dai nlung shi lahkawng hte a ntsa hta Israela amyu bawsang ni hpe malai shatai da ai masat galaw na matu Yaku a shadang sha ni a mying ni hpe tawk ka da na rai nga ai.

PRU MAT 34:27

Dai Madu gaw Mawshe hpe, “Ndai ga ni hpe ka tawn u; ndai ga hta tsun ai hku hkan nna, nang hte mung, Israela amyu masha ni hte mung ga shaka tawn da nga nngai,” ngu nna tsun wu ai.

ESAIA 19:19

Dai aten du ai shaloi, Egutu mung hta dai Madu a matu tawn hkungri langai nga wa na ra ai, Egutu mung lamu ga jarit hta shi a matu ap nawng ya ai nlung shadaw langai nga na ra ai.

JAW JAU 24:5

Mani ai shadung pawng hkun mali la nna muk tawng shi lahkawng kabaw na rai nga ai.

BU HKAWM 17:2

“Amyu bawsang shagu a ningbaw kaw na dawhkrawng shi lahkawng nang hpe sa jaw na matu Israela masha ni hpe tsun u;

LUKA 22:30

Nye a mungdan hta, nye a sha ku e nanhte ngai hte rau lusha lu na marin dai hte tingnyang ni hta dung nna Israela amyu shi lahkawng hte hpe up nga lu na marin dai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

TARA JAHPRANG 31:9

Shaloi Mawshe gaw Karai Kasang a Tara hpe ka nhtawm dai Madu a Ga Shaka Sumpu woi hpareng ai Lewi hkinjawng ni hpe mung, Israela ningbaw ni hpe mung jaw ya wu ai.

YAWSHU 4:20

Dai shara e nan, Yawdan hka na shaw la ai nlung shi lahkawng hpe mung Yawshu jung da wu ai.

YAWSHU 4:5

shanhte hpe, “Dai Madu nanhte a Karai Kasang a Ga Shaka Sumpu a shawng e Yawdan hka de shang sa wa masu; shaloi Israela amyu bawsang shagu a matu nlung langai hpra tinang a lahpa hta hpai wa lu na rai myit dai.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.