PRU MAT 24:2 - Jinghpaw Common Language Bible 2009

² Kaga kadai n lawm ai sha, nang chyu ngai kaw sit sa wa lu na rai ndai. Amyu masha ni pyi dai bum de lung lu na ma ai n rai,” ngu nna tsun wu ai.

Jinghpaw Hanson Version Bible

² Mawshe chyu sha Yehowa hpang de sit sa lu na rai nga ai; kaga ni gaw sit sa lu na n rai; amyu masha ni mung, shi hte rau lung wa lu na ma ai n rai,” ngu wu ai.

PRU MAT 24:2 ပူးပေါင်းရင်းမြစ်များ

PRU MAT 19:12

Amyu masha ni n lai lu mu ga, bum grup grup hkan ga jarit masat da u. Shanhte hpe bum de n lung na matu mung, dai de pyi n shani sa na matu mung tsun u. Bum de lahkam sa wa ai wa kadai mung, si lu na rai wu ai;

PRU MAT 20:21

Rai ti mung, amyu masha ni mahtang tsan tsan e sha atsap nga ma ai rai nna, Mawshe chyu sha Karai Kasang nga ai dai htat ai sumwi de shani sa wa wu ai.

PRU MAT 24:1

Dai Madu gaw Mawshe hpe, “Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu.

PRU MAT 24:13

Mawshe hte shi hpe karum ai Yawshu yan gaw jin jin hkyen da nhtawm, Mawshe mahtang chyoi pra ai bum de lung hpang wu ai.

PRU MAT 24:15

Mawshe gaw Sina Bum de lung wa wu ai; Sumwi gaw dai bum hpe ka-up da nga ai.

PRU MAT 24:18

Mawshe gaw dai bum de lung mat wa nna sumwi kata de shang mat wa wu ai. Dai yang e nhtoi mali shi ya mali shi na nga nga wu ai.

PRU MAT 24:3

Mawshe gaw yu sa nhtawm amyu masha ni yawng hpe dai Madu hkang da ai lam ni hte hkan sa na tara ni yawng hpe tsun shana wu ai; Amyu masha ni yawng gaw, “Dai Madu anhte hpe tsun matsun mahkra hpe anhte hkan galaw na ga ai,” ngu nna rau sha tsun ma ai.

YEREMIA 30:21

Shanhte a up hkang du wa gaw shanhte a amyu kaw na du sa wa na ra ai, shanhte a hkawhkam kasha gaw shanhte a amyu masha ni kaw na pru wa na ra ai. Ngai shi hpe saw shaga ai shaloi, shi gaw ngai kaw shani sa wa na ra ai, saw shaga n hkrum ai sha, kadai wa sa gwi na rai nga a ta? Shanhte gaw nye a amyu masha ni tai na mara ai, ngai gaw shanhte a Karai Kasang tai na nngai. Dai Madu ngai nan tsun ni ai,” nga nna tsun ai.

YEREMIA 49:19

Hkanghkyi gaw htat ai maling kaw na gumtawng pru wa ai zawn, Yawdan hka mayan kaw nna tsit lali ai udat shara du hkra, ngai sa du nhtawm Edom masha ni hpe shanhte a mungdan kaw nna akajawng sha hprawng shangun na nngai. Shaloi ngai san da ai ningbaw wa gaw dai mung hpe up na ra ai. Ngai hte shabung lu ai wa kadai nga nga a ta? Kadai wa ngai hpe dakat lu nga a ni? Kaning re ai up hkang du wa gaw ngai hpe ninghkap shadang lu nga a ni?

BU HKAWM 16:5

Dai hpang shi gaw Kora hte shi a manang ni hpe, “Shi hte kadai seng nga ai lam mung, hpawt de dai Madu anhte hpe madun dan na ra ai; shi hte seng ai wa hpe shi lata la nhtawm tawn hkungri nga ai de shani la na ra ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.