PRU MAT 24:1 - Jinghpaw Common Language Bible 2009

¹ Dai Madu gaw Mawshe hpe, “Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu.

Jinghpaw Hanson Version Bible

¹ Bai Yehowa gaw Mawshe hpe, “Nang hte Arun, Nadab, Abihu hte hte Israela salang sanit shi, Yehowa hpang de rau lung wa nna shanhte tsan tsan e nawku nga mu ga;

PRU MAT 24:1 ပူးပေါင်းရင်းမြစ်များ

1 HKAWHKAM LABAU 6:3

Amram mung shadang sha lahkawng lu ai; shan gaw Arun hte Mawshe yan rai nga ai; shi kaw shayi sha Miriam mung nga nga ai. Arun hta shadang sha mali nga ai; dai ni gaw Nadab, Abihu, Eleaza hte Ihtama ni rai nga ai.

PRU MAT 1:5

Yaku a nshang kaw na hkrat ai ndai amyu masha ni yawng gaw marai sanit shi hte rai ma ai. Shi a shadang sha Yosep mahtang Egutu mung e sa nga magang nga sai.

PRU MAT 19:20

Dai Madu gaw Sina Bum pungding ntsa de yu hkrat wa nhtawm, Mawshe hpe dai bum pungding de shaga la wu ai.

PRU MAT 19:24

Dai Madu gaw, “Nang yu wa nna nang hte rau Arun hpe woi lung wa rit. Rai ti mung, hkinjawng ni hte amyu masha ni chyawm gaw dai jarit lai nna ngai kaw lung lu na ma ai n rai; shing n rai jang, ngai shanhte hpe ari jaw na we ai,” ngu nna ga htang wu ai.

PRU MAT 19:9

Dai Madu gaw Mawshe hpe, “Ngai nang kaw htat ai sumwi hte du na ring ngai, amyu masha ni mung nang hte ngai shaga ai ga na la na ma ai majaw ya kaw nna nang hpe kam sham wa na mara ai,” ngu nna tsun wu ai. Mawshe gaw amyu masha ni kaning nga htan ai ga dai Madu hpe tsun dan wu ai;

PRU MAT 20:21

Rai ti mung, amyu masha ni mahtang tsan tsan e sha atsap nga ma ai rai nna, Mawshe chyu sha Karai Kasang nga ai dai htat ai sumwi de shani sa wa wu ai.

PRU MAT 24:15

Mawshe gaw Sina Bum de lung wa wu ai; Sumwi gaw dai bum hpe ka-up da nga ai.

PRU MAT 24:2

Kaga kadai n lawm ai sha, nang chyu ngai kaw sit sa wa lu na rai ndai. Amyu masha ni pyi dai bum de lung lu na ma ai n rai,” ngu nna tsun wu ai.

PRU MAT 24:9

Mawshe, Arun, Nadab, Abihu hte Israela ningbaw sanit shi hte gaw bum de lung wa ma ai rai nna

PRU MAT 28:1

“Na a nhpu Arun hte shi a shadang Nadab, Abihu, Eleaza hte Ihtama ni hpe shaga la nna shanhte hpe Israela amyu masha ni kaw na garan jahka tawn na lam tsun u; shanhte gaw hkinjawng amu gun hpai let ngai hpe daw jau na rai ma ai.

PRU MAT 3:5

Karai Kasang gaw, “Nang de kachyi mi mung hkum sit shanang sa nga et. Nang gaw chyoi pra ai ga ntsa e tsap nga ndai majaw na a kyepdin raw kau u.

PRU MAT 34:2

Hpawt ni na jahpawt manap aten, Sina Bum de lung wa nna bum pungding e ngai hte hkrum na matu jin jin rai nga u.

PRU MAT 6:23

Arun gaw Aminadab a shayi sha, Nashon a kajan Elishaba hpe la wu ai rai nna Arun a matu Nadab, Abihu, Eleaza hte Ihtama hte hpe shangai wu ai.

EZEKELA 8:11

Dai shara hta Israela ningbaw marai sanit shi hte hpawn Shahpan a kasha Yazania ni nga nga ma ai. Shanhte langai hte langai gaw manam pyaw ai baw nat nawng ya ai ban ni lang da nna dai ban kaw na wan hkut ni mawng lung wa nga ai.

BU HKAWM 11:16

Dai Madu gaw Mawshe hpe, “Amyu masha ni a ningbaw hku nna hkap masat da hkrum ai hte hkungga shagrau ging ai marai sanit shi hte hpe jahpawng la nhtawm nye a hpung shingkang shanu nga ai Sum de ngai hpang de woi wa let dai yang e, na a makau hta wa tsap nga na shanhte hpe tsun u.

LUKA 10:1

Dai hpang, dai Madu gaw, sape kaga marai sanit shi lahkawng hpe lata san da nna, marai lahkawng yep yep di nhtawm, shi nan sa wa magang nga ai mare hte shara shagu de, shi a shawng e shangun dat wu ai.

LUKA 10:17

Dai sape marai sanit shi lahkawng hte gaw, nachying kabu gara ai myit hte bai du wa nna, “Madu e, na a mying hte daru dat yang, nat ni pyi anhte a ga madat ma ai,” ngu mu ai.

TARA JAHPRANG 1:15

Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.