PRU MAT 23:9 - Jinghpaw Common Language Bible 2009

⁹ “Maigan masha wa hpe n sawn n sang di lu na n rai; nanhte gaw Egutu mung e maigan masha hku tai yu manit dai majaw dai maigan masha wa kade hkam sha yu nga ai lam hpe nanhte chye nga myit dai.

Jinghpaw Hanson Version Bible

⁹ Masha tsasam hpe nang sharu shatsang lu na n rai; Egutu mung e nanhte hkum dai masha tsasam tai yu manit dai majaw, masha tsasam a myit nanhte chye nga myit dai.

PRU MAT 23:9 ပူးပေါင်းရင်းမြစ်များ

TARA JAHPRANG 27:19

“ ‘Maigan masha ni, jahkrai nmai hte gaida gaina ni lu la ang ai shanhte a ahkaw ahkang ni hpe hkum pat shadang da ya ai wa kadai mung Karai Kasang jaw ai ari hkrum sha u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

PRU MAT 22:21

“Maigan masha wa hpe n sawn n sang di nna hkum dip gamyet sha et. Nanhte Egutu mung e maigan masha tai yu manit dai hpe adum nga mu.

MAHTE 18:33

Ngai nang hpe matsan dum de ai hte maren, na a mayam manang wa hpe mung, nang matsan mai dum ndai n rai ni?,’ ngu wu ai.

EZEKELA 22:7

Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

SHAKAWN KUNGDAWN 94:6

Shanhte gaw gaida jan ni hte jahkrai ma ni hpe sat nga ma ai hte, anhte a lamu ga hta nga ai tsasam manam ni hpe mung htau kau ma ai.

TARA JAHPRANG 10:19

Dai rai nna nanhte nan mung Egutu mung e maigan masha ni zawn sa tai yu manit dai majaw ndai maigan masha ni hpe tsaw ra mu.

PRU MAT 21:21

Rai ti mung, dai mayam lani, ni ni laman n si mat yang gaw mayam madu wa ari jaw ai hkrum na wu ai n rai. Shi a sut rai jasum kau ai ari gaw ram la nga sai.

JAW JAU 19:33

“Nanhte a mung hta shanu nga ai maigan masha ni hpe zingri zingrat di lu na myit dai n rai; shanhte hpe Israela manaw manang ni zawn sawn nna nanhte a hkum hte maren tsaw ra nga mu. Nanhte mung Egutu mung hta tsasam masha tai yu manit dai hpe dum nga mu. Ngai gaw dai Madu nanhte a Karai Kasang rai nga nngai.

TARA JAHPRANG 23:7

“Edom masha ni hpe chyawm gaw n kaw n law hkum rai myit; shanhte gaw nanhte a kahpu kanau ni rai ma ai. Egutu masha ni hpe mung n sawn n sang hkum rai myit; shanhte a mungdan hta nanhte nga yu manit dai.

EZEKELA 22:29

Sut su ai ni gaw maw lu maw sha ai hte hpya lu hpya sha nga ma ai. Shanhte gaw matsan mayan hkrum hkra nga ai ni hpe pagawn mi di nna, maigan manam ni hpe zai hku adip arip di ma ai.

PRU MAT 22:20

“Dai Madu Ngai hta lai nna hpara shaje hpe shagu hkungga nawng jau ai wa kadai mung si ari daw dan ai hkrum na rai wu ai.