PRU MAT 20:4 - Jinghpaw Common Language Bible 2009

⁴ “Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

Jinghpaw Hanson Version Bible

⁴ Lamu a lahta tang, lamu a npu ga ntsa tsang, ga a npu hka hpungtang hta rawng ai baw a hkrang hte bung ai sumla, nang na a matu hkum galaw hkum shachyaw et;

PRU MAT 20:4 ပူးပေါင်းရင်းမြစ်များ

1 HKAWHKAM 12:28

Dai lam hpe myit yu ngut jang, aja hte dumsu usu lahkawng jaw nhtawm shi a amyu masha ni hpe, “Yerusalem mare de wa lung nawku na, nanhte a matu hkrun lam galu sa wa ra nga myit dai. Dai re ai gaw Israela amyu masha ni e, Egutu mung kaw nna nanhte hpe woi shapraw wa ai nanhte a karai ni gaw nang e nga nga ai law!,” ngu nna tsun wu ai.

2 HKAWHKAM 17:12

shanhte gaw hpara sumla ni hpe n nawku na matu dai Madu hkang da ai ga hpe mung n madat ya nga ma ai.

2 HKAWHKAM LABAU 33:7

Shi gaw Karai Kasang e Dawi hte shi a shadang sha Shawlumon yan hpe ning ngu tsun da sai shara ngu ai Nawku Htingnu kata hta hkrang sumla hpe shadun da wu ai. “Ngai nawku daw jau na matu ndai Yerusalem mare hpe mung, ndai Nawku Htingnu hpe mung Israela amyu bawsang shi lahkawng hte a lamu ga yawng hta na ngai lata la ni ai shara rai nga ai.

SHAKAWN KUNGDAWN 78:58

Shanhte gaw maigan hpara ni a nawku ai shara ni hte shanhte a hpara sumla ni hte shi hpe sindawng kahtet shangun nga masai.

SHAKAWN KUNGDAWN 97:7

Hpara sumla hpe nawku ai wa kadai rai ti mung, kaya kahpa hkrum nga nna; karai ni yawng gaw Madu a man e, dingnyawm nga ma ai.

PRU MAT 20:23

Ngai hpe nawku ai hta, tinang a matu aja hpara, gumhpraw hpara ni hpe galaw lu na myit dai n rai.

PRU MAT 32:1

Amyu masha ni gaw dai bum kaw Mawshe na na nga nna n yu wa sai hpe mu ma yang, shanhte gaw Arun kaw grup rai sa hpawng nhtawm, “Anhte hpe Egutu mung kaw na woi wa ai wa, dai Mawshe hta hpa byin sai gaw, anhte n chye saga ai; dai re ai majaw anhte hpe lam woi na hpara langai anhte a matu galaw ya mi,” ngu nna tsun ma ai.

PRU MAT 32:23

Shanhte mahtang ngai hpe, ‘Anhte hpe Egutu mung kaw na woi shapraw wa ai wa, dai Mawshe hta hpa byin mat sai gaw anhte n chye saga ai; dai rai nna, anhte hpe lam woi na hpara langai mi anhte a matu galaw ya mi,’ nga nna tsun ma ai.

PRU MAT 32:4

Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

PRU MAT 32:8

Shanhte hkan sa na matu ngai hkang da ai lam hta na dam mat wa nhtawm ja shabyawng la let dumsu usu kasha langai galaw la nna dai hpe nawku ai hte shagu hkungga nawng jau ya nga masai. Shanhte gaw dai gaw Egutu mung kaw na shanhte hpe woi shapraw wa ai shanhte a hpara rai nga ai ngu tsun nga masai.

PRU MAT 34:17

“Nhprang arai ni hte shachyaw ai hpara ni hpe hkum galaw, hkum nawku myit.

ESAIA 42:17

Hpara sumla ni hpe kam hpa ai ni yawng hte shanhte jaw tawn ai karai ni hpe shaga ai ni gaw shagrit kau ai hkrum nna kaya kahpa hkrum na mara ai,” ngu nna tsun wu ai.

ESAIA 42:8

“Ngai chyu sha dai Madu na a Karai Kasang rai nga nngai. Kaga karai gaw nye a hpung shingkang hpe garan la mai nga ai n rai; Ngai gaw kaga hpara sumla ni hpe nye a shakawn kungdawn ga garan hkam la shangun na n rai.

ESAIA 45:16

Hpara sumla tawk ai ni yawng hte gaw kaya kahpa hkrum na mara ai; shanhte yawng hte gaw jahpoi jahpyak ai hkrum na mara ai.

EZEKELA 20:7

Ngai gaw shanhte a Madu Karai Kasang rai nga nngai majaw, shanhte myit kap ai matsat shabat re ai hpara sumla ni hpe kabai kau nhtawm, n san n seng ai Egutu mung na lam shadam ai hpara ni hte shanhte hkum shanhte awu asin n galaw na matu, ngai shanhte hkang da ni ai.

EZEKELA 8:10

Dai rai nna, kata de ngai shang yu yang, lapu hte kaga n san n seng ai dusat ni hte Israela amyu masha ni nawku nga ai kaga hpara sumla ni hpe bunghku ni hta soi shakap da ai hpe ngai mu nngai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

JAW JAU 19:4

“Ngai hpe kau da nna hpara sumla hkum nawku myit; nhprang arai hte hpara sumla ni hpe hkum galaw myit; dai ni hpe hkum nawku myit. Ngai gaw dai Madu nanhte a Karai Kasang nan rai nga nngai.

JAW JAU 26:1

Dai Madu gaw, “Hpara sumla hkum galaw myit; gawkngu sumla mung, nlung shadaw ni hpe mung shadun tawn lu na n rai; nawku na matu sumla tawk bang da ai nlung ni shadun lu na n rai. Ngai gaw dai Madu nanhte a Karai Kasang nan rai nga nngai.

BU HKAWM 12:8

Dai re ai majaw ngai shi hpe ga tsun yang gumwai ga hku ngai tsun ai n rai; shi hte myi man hkrum rai nna dan dan leng leng sha ngai tsun nngai; shi gaw ngai hpe pyi mu nu hka! Nan gaw nye a shangun ma Mawshe hpe mara shagun gwi nga myit ni?,” ngu nna tsun wu ai.

KASA 17:29

Anhte gaw Karai Kasang a kashu kasha ni rai nga ga ai hte maren Karai Kasang gaw masha maka hpaji lata atsam hte tawk galaw da ai ja, gumhpraw nlung sumla hte bung ai ngu nna n mai myit la ga ai.

ROMA 1:23

N si n mat chye ai Karai Kasang hpe nawku na malai si mat chye ai baw shinggyim masha, u ni, lagaw mali tu ai baw dusat ni shing n rai gumrawt hkawm ai baw dusat ni a hkrang sumla ni hpe nawku nga ma ai.

TARA JAHPRANG 16:22

Hpara sumla nawku na nga, nlung shadaw shadun lu na n rai; dai Madu gaw dai ni hpe n dawng nga ai.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

TARA JAHPRANG 5:8

“ ‘Sumsing lamu, ginding aga hte ga a npu na hka hta rawng ai baw a hkrang hpa hte mung bung ai sumla ni hpe nanhte a matu hkum galaw hkum shachyaw myit.

SHINGRAN 16:2

Shaloi, shawng na lamu kasa pru sa nna, shi a gawm hpe ga de ru bun dat wu ai. Shaloi dai matse labye a masat dingsat shakap hkrum ai ni hte shi a hkrang sumla nawku ai masha ni hta, hkrithpa hte machyi la ai hpye shanam ai ana byin pru wa ai.

SHINGRAN 9:20

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.

TARA AGYI 17:3

Shi chyawm gaw kanu hpe gumhpraw bai nhtang jaw nhtawm, “Nye a kasha ntsa e hkrat wa ai matsa ga jahkring kau na matu gumhpraw dai hpe ngai nan dai Madu kaw dagam let ap nawng da se ai. Gumhpraw hte sup ai hpun hpara sumla langai galaw ai hta dai hpe lang na rai nga ai. Dai rai nna ya ngai nang hpe dai gumhpraw bai nhtang jaw na de ai,” ngu nna tsun wu ai.